24 сәуір күні Ж.Молдағалиев атындағы Батыс Қазақстан облыстық әмбебап ғылыми кітапханасы мен М.Өтемісов атындағы Батыс Қазақстан университетінің ғылыми кітапханасының бірлесе ұйымдастыруымен «Библио тур» жобасы аясында неміс ақыны, драматург, театр қайраткері, прозашы Бертольт Брехттің туғанына 125 жыл толуына орай өмірі мен шығармашылығына арналған «XX – шы ғасырдың аса көрнекті драматургі» тақырыбында әдеби кеш өтті.

Әдеби кеш Бертольт Брехттің шығармашылығына арналған бейнебаяннан басталды. Шет тілі мамандығының 2 курс студенттері Лобикова О., Искалиева Е. ақын туралы бейнебаянға тоқталып өтті. Шара барысында М.Өтемісов атындағы Батыс Қазақстан университетінің шет тілдер кафедрасының аға оқытушысы Шунайбекова Клжиян Мендигалиевна, филология ғылымдарының кандидаты, доцент Чечетко Маргарита Владмировна Бертольт Брехттің өмір жолына кеңірек тоқталып өтті. Шет тілі мамандығының 2 курс студенттері Жарасов А., Балмурзина А. ақынның «Jahr für Jahr» өлеңін нақышына келтіре оқыды. Кешке университет студенттері мен гуманитарлық-техникалық колледж студенттері қатысты. Кеш қызықты да әсерлі өтті.