Ж.Молдағалиев атындағы әмбебап ғылыми кітапханасының конференц-залында «Меркурий» спикерлік клубының кезекті отырысы өтті. Спикері №30 орта мектептің 11 сынып оқушысы, «Beinele» атты анимациялық мультсериалдын авторы Досжан Бөкенбай. Спикер өз арманын жүзеге асырып, мақсатына жететін жас шығармашыл адамдардың бірі. Бұл бізді ынталандырады және сүйікті ісіне берілгендіктің мысалы болып табылады.

Досжан өзі туралы айтып, анимациялық мультсериалдын идеясы қалай пайда болды, «Boken Animation» ұжымы қалай құрылды, анимациялық мультсериал қандай талаптарға сай болуы керек, «Beinele» мультсериалының тұсаукесері өткенде «Boken Animation» ұжымының барлық қатысушылары қатысты ма, болашаққа қандай жоспарлары бар және т. б. сұрақтарға жауап берді.

Біз, Досжанға әрқашан жаңа идеяларының көп болуын, үнемі бақыт пен қуанышты сезінуін, күн сайын осы әлемді өзінің керемет шедеврлерімен және таңғажайып жұмыстарымен толтыруын тілейміз.