Сырым ауданы

Аралтөбе – Сырым ауданына қарасты, орталығы Жымпиты ауылы ,ауданнан солтүстікке қарай-28км.қашытықта орналасқан. Аралтөбе-осы аттас ауылдық округтің орталығы.Ол Шідерті өзенін оң жақ жағалауындағы қойнауында орналасқан.
Аралтөбе ауылдық округіне Аралтөбе, Қызылағаш ауылдары және Тіксай, Бөрібас елді мекендері кіреді. Округте бір жауапкершілігі шектеулі серіктестігі (ЖШС) және 34 шаруа қожалықтары жұмыс жасайды. Серіктестік пен шаруакожалықтары негізінен егістікпен айналасады. Жылдан жылға егістік көлемі өсіп, одан диқаншылар өте жақсы өнім алуда. 1990 жылдан бері осы шаруашылықта
Аралтөбе ауылдық округінде 305 жанұяда 1600 адам тұрады. Екі орта мектеп жұмыс істейді, екі мектепте 400 оқушыға дәріс берілуде. 2 ауылдық кітапхана,мәдениет үйі,клуб, 2 дәрігерлік пунктер жұмыс жасайды.
1941 жылдың мамыр айында Аралтөбе ауылында шағын кітапхана құрылды. Сол жылдың маусым айында басталған Ұлы Отан соғысына қарамастан, қанша қиындық болса да мойымай еңбек еткен Жанұзақова Жонас әжеміз шағын кітапханада қызмет еткен. Партия ұйымының бастауымен сауатсыздықты жою топтары іске кірісіп, оған 200-ден астам ауыл тұрғыны тартылды. Бұл істі қарқынды жүргізу үшін кітапханадағы 1018 дана кітаптың негізгі бөлігі орыс тілінде екендігі, ал оны жергілікті халықтың әзірше меңгере алмайтындығы айтылып, жоғарғы орындардан ана тіліндегі әдебиетпен көмектесу жөнінде жәрдем сұралады.

1959-62 жылдары Аралтөбе ауылдық кітапханасында Әжымағамбетов Ахметжан деген ағамыз еңбек еткен.

Ишанғалиева Тойдық 1962 жылдан 1992 жылы зейнеткерлікке шыққанға дейін еңбек етті. Ишанғалиева Т. Жұмысқа кірген уақытта 1444 дана кітап қоры болған.Жанұясында бес ұл,үш қыз тәрбиелеген.Ишанғалиева Тойдық қызмет еткен жылдары кітапханада көптеген қызықты көпшілік шаралар ұйымдастырылды.Кітап қоры 18 данаға жетіп,оқырман саны да көбейді. Ишанғалиева Т. Барлық еңбек еткен жылдарында бірнеше мәрте СССР мәдениет министрлігінің құрмет грамотасы (республикалық,облыстық,аудандық) марапаттауларына ие болды.

 

Сагиндыкова Анаргүл Ғалиасқарқызы – 1975 жылы 24 қыркүйекте Батыс Қазақстан облысы Сырым ауданы Аралтөбе ауылында дүниеге келген.
М.Өтемісұлы атындағы мемлекеттік университетінің түлегі. Аралтөбе ауылдық кітапханасында 1998 жылдан 2006 жылға дейін кітапхана менгерушісі болып қызмет істеді. Кітапханада «Кәусар» атты үйірме жұмыс жасады.

Кубаева Гүлімхан Бақытжанқызы 1980 жылы Сырым ауданы Жаңа өңір ауылында дүниеге келген. 1997 жылы Жаңа өңір орта мектебін бітірген. 2007 жылы Батыс Қазақстан Мемлекеттік университетінің кітапханатану факультетін сыртқы бөлімін бітірген.2006 жылдан Аралтөбе ауылдық кітапханасының кітапханашысы болып қызмет атқаруда.

2006 жылдан күні бүгінге дейін Аралтөбе ауылдық кітапханасының кітапханашысы қызметінде Кубаева Гүлімхан Бақытжанқызы еңбек етеді.
Аралтөбе ауылдық кітапханасы ауыл халқының мәдениетін көтеруге , ауылда кітапхана жұмысын жақсарту, әдебиет пен ғылымның жетістігін үзбей насихаттауға кітапхана қорын толықтыруға, пайдаланушылардың сұраныстарын қанағаттандыруда жұмыс түрлерінің жаңа тәсілдерін пайдалана отырып, біршама жұмыстар атқарып келеді.
Аралтөбе мәдениет үйі 2005 жылы қайта күрделі жөндеуден өтті. Жылу жүйесі іске қосылды. Мәдениет үйінің директоры Хайрушева Светлана Сайынқызы.
Елбасы жолдауларымен үкімет саясатын халық арасында кеңінен насихаттау, ел өміріндегі маңызды саяси, рухани ахуалды қалыптастыру бағытындағы шараларды жүзеге асыру мақсатында жұмыстар жүргізіліп отырды.
Ауылдың өнер жанашыры «Жымпиты» ЖШС директоры Мүтәлі Серікқалиұлының қолдауымен, демеушісімен 2007 жылы маусым айында Ақ Жайықтың ақын қызы Ақұштап Бақтыгереева мен ауыл тұрғындарының кездесу кеші болды. «Ақжайықтың Ақ шағаласы» атты кітап көрме. Оқырмандар А. Бақтыгерееваның өлеңдерін, өздерінің ақын апамызға арнаған өлеңдерін оқыды.

Кітапханадағы мәдени-көпшілік шаралар

Қазіргі уақытта кітапханада екі кітапханашы қызмет атқарады. Кітапханашы Кубаева Гүлімхан Бақытжан қызы, мамандығы ктапханашы білімі жоғары. Ережепова Гүлден Патихоллақызы, білімі арнаулы орта.
Кітапхана жаңа технологиялық қондырғылармен жабдықталған, жүйелі түрде балаларға арналған қазақ, орыс, әлем әдебиеттерін жаңартылып, олар кітап сөрелеріне кітапханалық библиографиялық жіктеу бойынша қойылады. Кітапханада оқу залы, балалар бөлімі, кітап қорын сақтау залы бар. Кітапхананың жалпы аумағы 108км шаршы метр, 18844 мың дана кітап қорымен, жылына 700 оқырманға қызмет көрсетіп, 13000 мың дана кітап берілімін қамтамасыз етеді. Кітапханада 32 мерзімді басылымдар атауын жаздырып алады.
Балалар бөлмесі Оқу залы

Аралтөбе ауылдық кітапханасы 2 компьютер, принтер, сканер, факс-телефон мен қатар, ИSВ Модем арқылы Интернетке кіру қамтамасыз етілген. Заман талабына сай жасақталған. Кітапхана 2014 жылдың 10 қазанында «Модельді ауылдық кітапхана» статусын алды.

Жерлес жазушымыз Жәрдем Тілековтың 110 жыл толуына орай «Қарымды қалам иесі » кітап көрме таныстырылымы.

Жымпиты – Сырым ауданының әкімшілік орталығы. Облыс орталығы -Орал қаласының оңтүстік-шығысқа қарай 140 км жерде, Өлеңті өзенінің жағалауында орналасқан. Іргесі ХІХ ғасырдың соңында Жымпиты уезінің құрылуына байланысты қаланды. Сол өңірдегі ірі сауда–саттық орталығы болды. Татар және орыс саудагерлері Жымпитыда мешіт пен шіркеу салдырды. 1886 жылы Өлеңті өзенінің жағасында Жымпитының ірге тасы қаланды. Ауылда 1894 жылы екі кластық мектеп, 25 төсектік аурухана жұмысқа кірісті.
1914-1916 жылдары Жымпиты уезінде ұлт-азаттық қозғалысы болды.
1919 жылы қарашаның 19 жұлдызында Жымпиты кеңес өкіметі орнады .
1920 жылы Жымпиты уезінде ең әуелі кітап бұрышы, кейін келе қызыл отау болып құрылып, сауатсыздықты жою бағытында жұмыс жасаған. Кітапхана ашылған кезден бастап сауат ашатын орталыққа айналды.
1920 жылы қазанның 12 жұлдызында Орал губерниясының құрамында Жымпиты уезі ұйымдасты.
1923 жылы қазанда белгілі қазақ әдебиетінің негізін қалаушылардың бірі, сол кездегі қазақ үкіметінің басшысы Сәкен Сейфуллин Жымпитыда болды.
1927 жылға дейін әуелі уезд орталығы, 1928 жылдан аудан орталығына айналды.
1937-1938 жылдары көптеген жымпитылықтар жазықсыз жазаланды, әділетсіздіктін құрбаны болды.
1941-1945 жылдары Ұлы Отан соғысына 3501 адам жымпитылықтар қатысты. 1941 жылы немістер қоныстандырылды.
Ауылда қазіргі таңда бір орта мектеп, екі аурухана, мейманхана, мәдениет үйі, саябақ, сауда орталығы, екі мұражай, аудандық кітапхана және аудандық балалар кітапханасы, Сырым аудандық білім бөлімін, №19 кәсіптік техникалық мектеп, Сырым аудандық жұмыспен қамту және әлеуметтік бағдарламлар бөлімі, Сырым аудандық телекоммуникация торабы, “Қайнар” газеті редакциясы, қорғаныс істері жөніндегі бөлім, спорт мектебі, ішкі істер бөлімі, салық комитеті, т.б. барлығы 30-ға жуық мекеме бар.
Ауылдағы халықтың басым көпшілігі қазақтар 99%, халық саны 5700. Кітапхана тарихы сонау 1920 жылдан басталады. Кітап – ортақ мүлік, халық қазынасы, сарқылмас бұлағы. Осы байлықты оқырмандарына ұсынып, кітапқұмардың бірден-бір насихатшысы болып отырған Сырым аудандық кітапханасы 1920 жылы Жымпиты уезінде ең әуелі кітап бұрышы, кейін келе қызыл отау болып құрылып, сауатсыздықты жою бағытында жұмыс жасаған. Ол кездегі кітап қоры туралы мәлімет жоқ. Кітапхана қоры өте жай өсті. 1921 жылы 19 сәуірде АССР-ның «Республикада кітапхана ісін орталықтандыру» туралы декреті жарияланды. Осы декреттен кейін жер-жерде кітапханалар өз жұмыстарын шаруашылық және саяси міндеттермен ұштастыра атқарып отырды. Аудандық кітапханада алғаш жылдары кім жұмыс жасағандығы белгісіз болып отыр.
1937-1945 жылдары арасында Абдушова Муслима апай жұмыс жасаған. Ол кісі жұмысқа кірген кездерде қазақ жазушылары Б.Майлин, С.Сейфуллин, І.Жансүгіровтің шығармалары «Халық жауының» шығармалары деп айып тағылып, қордан шығарылған. Абдушова Муслима апайдан кейін аудандық кітапханада Нурманова Озипа, Каримова Сария, Айтбаева Ұмсын апай еңбек еткен.
1950-1952 жылы аудан бойынша 9 оқу залы болса, 1953 жылы аудандық балалар кітапханасы ашылып, жұмыс жасап келеді. Аудан бойынша 1954-1958 жылдар аралығында 15 кітапхана жұмыс жасады.
1952 жылы Жымпиты ауылында мәдениет үйі салынып, аудандық кітапхана соңда көшірілген.
1953 жылы аудандық кітапхананың меңгерушісі болып Каримова Сария тағайындалған. Каримова Сария 1923 жылы дүниеге келген.Орта білімді. Еңбек жолын 1944 жылы Қазақстан жеті жылдық мектебінің мұғалімі болып бастаған. 1947 жылы балалар бақшасының меңгерушісі, 1953 жылы 25 мамырда аудандық балалар кітапханасының меңгерушісі болып тағайындалған. 1953-1964 аудандық меңгерушісі, 1964-1969 жылдары кітапханашы болып жемісті еңбек етті.
Кітап қоры алғаш ашылғанда өте аз болса, ол 1958 жылы кітап қоры 11638 данаға жеткен. СОКП Орталық Комитеті 1959 жылы қыркүйекте «Еліміздегі кітапхана ісінің жағдайы және оны жақсарту шаралары» туралы қаулы қабылдады.

1953 ж. аудандық кітапхана қызметкерлері көркемөнерпаздармен бірге.
Ауданға алғашқы рет жұмысқа жоғары білімді мамандар 1960 жылдардан соң келе бастады. Олардың қатарында Алматыдан оқу бітірген Күләш Құспанова, Мария Мұхамбетқалиева келді.
1964-1965 жылдардағы аудандық кітапхана меңгерушісі Каримова Сария болған кезде кітапханада көптеген игі шаралар оздырылды. Кітапханада үйге кітап таратушылар мен автоклуб жұмысы жандана бастады.

Аудандық кітапхананың кітап таратушылары. 1963 жыл.

1964 жылғы аудандық кітапхананың кеңес мүшелері.
Ортада аудандық кітапхананың меңгерушісі Каримова Сария

С.Сейфуллиннің 70 жасқа толуына орай кітап көрмесіне шолу. «С.Сейфуллин қазақ совет әдебиетінің тұңғышы» деген тақырыптағы әдеби кешіне әзірлік

1963-1965 жылдардағы кітапханадағы кітапханада шығарылған плакаттар

Мұханбетқалиева Мария 1939 жылы 5 мамырда Батыс Қазақстан облысы, Жәнібек ауданына қарасты Ұзынкөл елді мекенінде дүниеге келген.
1947-58 жылдары орта мектепте оқып, 1958-60
жылдары Атырау облысына қарасты Құлсары,
Батыс Қазақстан облысының Жалпақтал (бұрынғы Фурманов ауданы) аудандарында шаруашылық жұмыстарына араласты. 1960 жылы Қазақ мемлекеттік қыздар педагогикалық институтына түсіп, оны 1964 жылы кітапханатанушы-библиограф мамандығы бойынша тамамдап шықты. Осы жылы арнайы жолдамамен Жымпиты ауылына жіберіліп, мұнда аудандық кітапхана меңгерушісі болып тағайындалады. Аудандағы тұңғыш жоғары білімді кітапханашы М.Мұханбетқалиева 1966 жылы жолдасының қызмет бабымен Жосалы кеңшарына көшіп, осындағы ауылдық кітапхана меңгерушісі болып қызмет атқарды. 1968 жылы аудан орталығына қайта көшіп, аудандық кітапханада кітапханашы болып қызмет атқарды. 1972-85 жылдары Жосалы кеңшарындағы А.Жұмағалиев атындағы орта мектептің кітапхана меңгерушісі болып жұмыс істеді. 1985-1991 жылдары зейнеткерлікке шыққанға дейін аудандық кітапханада «Ауыл шаруашылығы» бөлімінің меңгерушісі қызметінде болды. Қазір құрметті демалыста. М.Мұханбетқалиева жанұяда 5 бала тәрбиелеп өсірген ана. Тұңғыш баласы Жоламанов Мұратбек Тауфиқұлы өмірден ерте кеткеніне қарамастан, артына өлмес туындылар қалдырған талантты қылқалам шебері.
1960-70 жылдары кітапхана байлығы халыққа қызмет ететін болсын деген партияның нұсқауын жүзеге асыра отырып, аудандық кітапхана кітапханашылардың бұқаралық жұмысты және әрбір оқушымен жеке жүргізетін жұмысты шұғыл жақсартуды қамтамасыз етуге, әдебиеттер беруді ұлғайтуға, сөйтіп барлық көпшілік кітапханаларында кітап қорының кемінде үш рет айналуын, ал әрбір кітапханада бір оқушы оқитын кітап санын: 20-25-ке жеткізуді қамтамасыз етуді басты мақсат еткен. Жер-жердің бәрінде әрбір семьяны кітаппен қамтамасыз етуге кітап тарататын колхоздармен совхоздардың бригадаларымен фермаларында, елді пункттердің шет аймақтарында көшпелі кітапхана ұйымдастыруған. Кітапханаларда бүкіл қызметіне коллективтік басшылық жүргізетін қоғамдық органдар ретінде кітапхана советінің ролін арттыруда кітапхана советі кітапхананың барлық жұмысына қатысып, жыл сайын халық алдында есеп беріп отырған, 1964-жылға қабылдаған социалистік міндеттемелердін орындалуына барлық кітапханашылар ат салысып партия, комсомол ұйымдарымен тығыз байланыста жұмыстанған.
1968 жылы ауданда кітапхана саны 19-ға жетті. Барлық 19 кітапхана жылдық есептерін аудандық кітапханаға тапсырып отырған.
1970-80 жылдары. 1970 жылы аудандық кітапхананың кітап қоры 20089 данаға жетіп, 1100 оқырманға 48723 дана басылымдар таратылған.
1970 жылдардын басында аудандық кітапхананың меңгерушісі болып Уалиахметова Майра жұмыс жасады.
Уалиахметова Майра 1949 жылы 25 қарашада Жамбыл ауылында дүниеге келген. 1966 жылы орта мектепті бітіріп, 1966-1968 жылдары Жамбыл орта мектебінде пионер жетекшісі болып жұмыс жасаған. 1968-1971 жылдары Ақтөбе мәдени ағарту училищесінде оқыды. 1971-1974 жылдары аудандық кітапхана меңгерушісі болып қызмет атқарды. 1974-1981 аралығында Қосарал ауылдық кітапханасында кітапханашы болып жұмыс жасады.

1990 жылы аудандық кітапханаға келіп оқу залында және кітаппен толықтыру бөлімінде кітапханашы болып жұмыс жасап зейнеткерлікке шықты.
1972 жылы аудандық кітапхананың оқырман саны 1265, кітап берілу саны 26160 дана орындалған.
1975 жыл. Аудандық кітапханада 33 жыл еңбек еткен кітапханашы Айтбаева Ұмсын оқырманға кітап таңдауға көмектесіп және жаңа әдебиеттер туралы ақпарат беруде.
Ұмсын Айтбаева 1955 жылы Ақтөбе қаласындағы екі жылдық мәдени ағарту қызметкерлерін дайындайтын училищені бітірісімен аудандық балалар кітапханасының меңгерушісі болып тағайындалды. Ал 1967 жылдан бастап зейнет демалысына шыққанға дейін аудандық кітапханада кітапханашы болып еңбек етті. 30 жылға жуық мерзім ішінде қоғамдық саяси және көркем әдебиетерді насихаттаудағы сіңірген еңбегі зор. Ұмсын Айтбаева келген жылдары 1967 жылы кітап қоры 15000 дана болса, 1977 жылы 26000 данаға жеткен. Жыл санап кітап оқушылардың саны да өсіп отырған. 1967 жылы оқырман саны 780 болса, 1976 жылы 1300 оқырманға жетті. 1977 жылы 25 атаулы газетке, 75 атаулы түрлі журналдарға жазылған.

Аудандық кітапханадағы кітапханашылардың семинары

Аудандық кітапхананың оқу залы

Кітапханашы бұрышы, 1975 жыл. Жас кітапханашы мамандар көмекші құралдары, республикадан, облыстан келген әдістемелік, библиографиялық жинақталған

Жымпиты аудандық кітапханасы 1976 жыл
Оқу залы
Кітапхана активінің отырысы. Баяндамашы аудандық кіттапхана ме меңгерушісі Даулетова Ғалия.

1975 жылдары аудандық кітапханаға арналып бөлек ғимарат салынды. 1990 жылға дейін аудандық кітапхана осы ғимаратта оқырмандарға кітапханалық қызмет көрсетті.

Аудандық кітапхананың оқу залы 1976 ж.

Халық шаруашылығының әртүрлі саласындағы еңбекшілердің және оқушы жастардың жан дүниесін байыту мақсатында «Кітап – ұлы күш» атты әдеби кеш ұйымдастырылған.

Ә.Нұрпейісовтің «Қан мен тер» атты кітабы бойынша оқырман конференциясы өтуде. Конференцияға қатысушылар ауыл кітапханашылары, жұмысшылар, механизаторлар, ауыл шаруашылығы мамандары, комсомол секретарлары 1976 ж.

Кеңес дәуірі кезінде аудандық кітапхана өз жұмысын партия ұйымдарының басшылығымен КПСС ХХІV съезінің материалдарын насихаттауға арналған нақты жоспарларымен жүргізді, оны жүзеге асырды. Бұл істе бұқараға ықпал жасаудың алуан түрлі әдіс-тәсілдерін пайдаланды. «КПСС ХХІV –съездің шешімдерін іске асырайық», «ІХ-бесжылдықта» атты кітап көрмелері шығарылды. СССР-дің 50 жылдығына «СССР-ға 50 жыл» атты кітапханалық плакаттары шығарылды. 1976 жылы 1340 оқырман, кітап қоры 25758, кітап берілімі 26985, 140 көпшілік шаралар өткізген.
1977 жылы кітап қоры 26000, оқырман саны 1300, кітап берілімі 5645 данаға жеткен.
КПСС Орталық Комитетінің «Еңбекшілерге коммунистік тәрбие беруде және ғылыми-техникалық прогресте кітапханалардың ролін арттыру туралы» қаулысы кітапханалар жұмысының одан әрі өрге басып, жұртшылық үшін, шын мағынасында, рухани орталық болуына игі әсерін тигізіп, кітапхана жұмысына жаңа бағыт берді.

Даулетова Галия 1974-1980 жылдары аудандық кітапхананың меңгерушісі болып қызмет атқарды. Даулетова Галия арнаулы орта білімді. 1974-1986 жылдары аудандық кітапханада белсенді еңбек етті.
Кітапхана меңгерушісінің оқырман сұранысына жауап беру сәті.

Кітапхана жұмысының нақты бір саласы-оқырмандар конференциясы. Кітапханалар сан тақырыпқа конференциялар, диспуттар өткізіп тұруды дәстүрге айналдырған. Мысалы Н.Островскийдің «Құрыш қалай шынықты» романы бойынша оқушылар конференциясы мәдениет үйінде ұйымдастырылып, халық көп жиналғанған. Үлкен-кішіге ежелден таныс болғандықтан ол туралы осы кеште пікір айтушылар да аз болған жоқ.

Кітапханашы Бақтығалиева Тоқсұлу жаңа әдебиеттерге кітапханалық өңдеу жасауда. 1977 жыл

1977 жыл. М.Әуезовтің 80 жасқа толуына орай оқырман конференциясын өткізуге дайындық.

 

 

Әдіскер Мұқанова Сағидаш автоклуб меңгерушісіне кітап беруде.

Автоклуб мүшелері
орталықтан шалғай
елді-мекендерге іс-сапарға
жүрер алдындағы
сәтінен . Автобиблиотека
меңгерушісі Аманғалиева Рақима

Аудандық кітапхананың тақырыптық кешке арналған кітапханалық плакаты

Аудандық кітапхананың
өлкетану бағытында
ұйымдастырған «Өз өлкеңді
тани біл» атты кітап көрмесі.

 

 

 

 

Ай сайын шығарылатын «Біздің календарь» кітап көрмесі

Тақырыптық картотекалар

1977 жылғы аудандық кітапханадағы тақырыптық кітап көрмелері

1977 жылы ауданда облыстық мәдениет қызметкерлерінің семинары
өтті. Үздік кітапханашыларды марапаттау сәтінен

1980-90 жылдары: 1980 жылдан бастап аудан аумағындағы кітапханалар біріктіріліп, аудандық кітапхана осы кітапханалардың басын қосатын бір орталықтан кітап қорын қалыптастырып, әдістемелік көмек көрсететін шаңыраққа айналды. Кітапханалар халыққа қызмет көрсетудің бірыңғай орталықтандырылған жүйесіне көшті. Аудандық кітапхана жаңа бөлімдермен толықты. Ауыл шаруашылығы бөлімі, бірыңғай кітап қоры бөлімі, кітаппен толықтыру бөлімі ашылып, кітапханаға жоғары білімді мамандар жұмысқа алынды. Аудандық кітапхананың бірінші директоры болып Сакаева С, әдіскері Муқанова Сағидаш, библиограф болып Ихсанова М, суретші Рахметов А, Дәулетова Г, Айтбаева Ұмсын, Қайжанова Гүлбағида бөлім меңгерушілері болып тағайындалды. 1980 жылдары аудандық кітапхана қазіргі мәдениет үйіне көшірілді.

1980 жылы Ж.Молдағалиевтің 60 жасқа толуына «Жыр өзегі -Жұбан» атты кездесу кеші өтті.

КПСС ХХІІ съезінде елдегі экономика мен мәдениеттің одан әрі дамуының белгіленген негізгі бағыттары жеке республикалар мен елдердің экономикалық, қоғамдық, әлеуметтік ерекшеліктерін, ғылым мен мәдениетін, табиғаты мен табиғи ресурстарын барынша терең және жан-жақты зерттеу қажеттігін көрсеткен. Аудандық кітапханада алға қойылып отырған көптеген келелі міндеттердің ішінде өлкетану жұмыстары барынша дамыту ісі елеулі орын алды. Өлкетану әдебиеттерін өндірістік ғылыми білім саласындағы әдебиеттермен байланыстыра насихаттау ісі нығайды. Аудандық кітапханада «Ұлы Октябрь Орал өңірінде», «Жымпитыда совет өкіметінің орнауы» тақырыптық папкалар, «Біздің жерлес ақындарымыз» атты кітап көрмесі ұйымдастырылған. Соңымен қатар аудан бойынша өлкетану картотекасы жүргізілген. Ұстаздармен бірігіп жасөспірімдер арасында өз өлкесін, табиғаттың сырын, байлығын, қасиетін жақсы білу үшін «Жас өлкетанушылар» клубы ұйымдастырылды. Осы жылдары аудандық кітапханада өлкетану бағытындағы жұмыстар жандана бастады. Кітапхананың өлкетану жөніндегі әдебиеттер қорының құрамын қайта қарап, пайдалану дәрежесіне зерттеу жасау, бірыңғай орталықтанған кітапхана жүйелерінің анықтама библиографиялық аппаратын ұйымдастыру, оқырмандардың түрлі топтары арасында жүйелі информациялық жұмыстар жүргізілді. Әр жаңадан келген әдебиеттерге шолу жергілікті «Қызыл ту» газетінде «Кітапхана жаңалықтары» атты тақырыппен жарияланды.

Аудандық кітапханада халықаралық әйелдер күніне шығарылған кітапханалық плакат және еңбекші аналармен кездесу кеші.

 

 

 

Аудандық кітапхана қайта құру мен жеделдету бесжылдығында тындырымды істер атқарып жүрген барша еңбек адамдарының рухани нәр, мәдени дем алуын ұйымдастыруда сан түрлі жұмыстар атқарған. Келген оқырманға кітап жазып берумен шектеліп қоймай, елде болып жатқан жаңалықтардан хабардар болып, көпшілікке насихаттап отырған. Оқырман конференцияларын т.б. шараларды ұйымдастыруда комсомол комитетінің секретары, партия хатшылары, балалар бақшасының тәрбиешілері, ұстаздар, жұмысшылар, зейнеткерлер, жастар белсенді ат салысқан.

1980 жылдардағы аудандық кітапханадағы тақырыптық кітап көрмелері

1988 жылдары аудандық кітапханада жүзге жуық газет-журналдарға жазылған.

1980-1986 жылдары Сақаева С. аудандық кітапхананың меңгерушісі болып қызмет етті.
1980 жылдары халықты қамтитын 34 кітапханада 54 орта білімді кітапханашы қызмет атқарды.
1987-1998 жылдары аудандық кітапханада ұзақ жылдар директор болып Тамара Хасенқызы Теміралиева қызмет жасады.
Қазақ жазушысы, жерлесіміз Х.Есенжановтың 80 жасқа толуына орай кәсіби мектеппен өткізілген «Ақжайықтан түлеп ұшқан» атты оқырман конференциясы

1980-1990 жылдар аралығының соңғы жылдарында аудандық кітапханада халық арасында кітапхана жұмысын мәнді де, мазмұнды етіп ұйымдастыруға көңіл бөле бастады. Оқырман арасында жаңа кітаптарды насихаттап, оқырмандар санын көбейтумен ғана шектелмей, сол кездегі үкіметтің қаулы-қарарларын түсіндірумен қатар қызықты диспуттар өткізілді. Жасөспірімдермен «Достық дегенді қалай түсінесің?» атты диспут ұйымдастырылған.
1990-2000 жылдары: 1991 жылы еліміз тәуелсіздік алғаннан кейінгі жылдары аудандық кітапхана жұмысының басты міндеті – еліміздің негізгі даму бағыттарын басшылыққа алып жұмыстану болды. Ел тәуелсіздігі біздің өміріміздің қай саласында болмасын қоғам дамуына үлкен ықпал жасады.
1990 жылы аудандық кітапхана типтік түрде салынған аудандық мәдениет үйіне көшірілді.
1990 жылғы мәлімет бойынша аудандағы 40 кітапханадағы оқырман саны 17 мыңға, ал кітап
қоры 300 мың данаға жетті. Кітапханалар одақтық, республикалық, облыстық баспасөз түрлерін түгелге жуық жаздырып алды. Жүйе бойынша 40 кітапхананың екеуі балалар кітапханасы, 1 аудандық кітапхана, 37 ауылдық кітапхана жұмыс істеді. Оларда 57 кітапханашы қызмет етті. Олардың 7 жоғары білімді, 40 арнаулы орта білімді болды.
Аудандық кітапхана нарық қиындығына қарамастан халқымыздың рухани жұтандыққа ұшырамауы жолында еңбек етті. Аудандық кітапхана алдымен жасалған жоспарларға сәйкес яғни, негізгі жұмыс бағыттарына өлкетану, ұлтаралық қатынастар, салт-дәстүрімізді, ана тілімізді қадірлеу, экологиялық ортаны қорғау, оқырмандардың рухани талап тілектерін қанағаттандыруға арнады.

1993 жылы аудандық кітапханадағы аудандық әскери комиссариат, кәсіптік-техникалық училищемен бірлесіп, әскери борышын өтегелі отырған жастармен кездесу кеші.

1993 жылдары көшпелі кітапхана астық қабылдау орны – Жымпиты кәсіпорнына барып, оқырмандарға «Іске сәт, егін орағы – 93» деген қабырға газетін шығарып, жұмысшылармен дөңгелек стол ұйымдастырған. Мәдениет бөлімі қызметкерлерімен бірлесе отырып, егін орағы бойынша мерзімді басылымдардағы мақалаларға шолу жасап, «Ақ қайың» ансамблі концерт қойған.
ҚР үкіметінің 1996 жылғы 9 қаңтарындағы №31 қаулысына сай, аудандық мәдениет бөлімінің бұйрығымен мәдени мекемелердің жұмысын реформалау және оңтайландыруына байланысты, нарықтық экономикаға сәйкес келетін жүйеге көшу бағытында 22 ауылдық кітапхана қысқартылды.

1996 жылғы кітапхана оқырмандары

Аудандық кітапхана 1996 жылы 28 дана газет-журналға жазылған.

 

 

 

 

Аудандық кітапханадағы 1997 жылғы кітап көрмелері

1999 жылы «Ұрпақтар бірлігі мен сабақтастығы жылында» аудандық кітапханада «Ұрпақтар аманат – бірлік» атты тарихи кеш ұйымдастырылып, жыл бойы «Аталар мұрасы – асыл қазына» атты кітап көрмесіне шолу жасалып, «Ұрпақтар бірлігі мен сабақтастығы жылының» мән-мағынасын насихаттады.
1997 жылдан аудандық кітапхананың директоры Хасанова Раушан Қапанқызы басқарып келеді.
Хасанова Раушан Қапанқызы 1958 жылы туған. 1980 жылы Алматы педагогикалық институтының кітапханашы-библиограф мамандығын бітіріп шықты. Жоғары білімді маман. 1982 жылдан аудандық кітапханада қызмет етіп келеді. 1997 жылдан орталықтандырылған кітапхана жүйесінің директоры.

2000-2007 жылдары 2000 жылы аудандық кітапхананың кітап қоры 77014 дана, оқырман саны 2500, кітап берілу саны 37000 дана.
Тәуелсіздігіміздің алғашқы жылдары кітапханалар біршама қысқарды, бәрі қаржы жағдайына тірелді. Аудан бойынша 19 кітапхана 280407 кітап қорымен 14681 оқырманға қызмет көрсетті.
Аудандық кітапхана меңгерушілері
1937-1945 жылдары Абдушева Мүслима
1950-1953 жылдары Нурманова Өзипа
1953-1964 жылдары Каримова Сария
1964-1966 жылдары Мұханбетқалиева Мәрия
1966-1968 жылдары Исатаева Бағи
1968 -1970 жылдары Темиралиева Тамара Хасенқызы.
1971-1974 жылдары Уалиахметова Майра.
1974-1980 жылдары Даулетова Галия
1980-1986 жылдары директоры Сақаева Света
1987-1998 жылдары директорыТеміралиева Тамара Хасенқызы.
1998 жылдан директоры Хасанова Раушан Қапанқызы.

Теміралиева Тамара Хасанқызы 1942 жылы Орал қаласында дүниеге келген.Әкесі Темиралиев Хасен көп жылдар бойы Орал облыстық партия комитетінде, Жәнібек аудандық партиясының екінші хатшысы,Орда аудандық атқару комитетінің төрағасы,Қаратөбе совхозының директоры болып жұмыс жасады.
Теміралиева Т.Х. 1960 жылы мектепті Жамбыл қаласында бітірген,сол жылы Қазақ мемлекеттік қыздар педагогикалық институтына түсіп,1965 жылы институттың кітапханатану факультетін бітірген.Институтта оқыған кездері Фрунзе қаласында өткен Орталық Азия және Қазақстан студенттерінің халықаралық конференциясына қатысып, І дәрежелі дипломға ие болды.Бірнеше мәрте мақтау қағаздарымен марапатталды. 1965 жылы еңбек жолын Қособа орта мектебінен бастаған.1967 жылы Жымпиты аудандық кітапханасының меңгерушісі болып тағайындалды.1970 жылы аудандық «Білім» ұйымының жауапты хатшысы қызметіне ауыстырылды.1972 жылы жолдасының Тасқұдық совхозының директоры жұмысына ауысуына байланысты,1977 жылға дейін мектепте мұғалім болып жұмыс жасайды.1977 жылы жолдасының аудандық ауыл шаруашылық бөлімінің бастығы болып тағайындалуына байланысты,Тамара Хасенқызын аудандық партия комитетінің ұйымдастыру бөлімінің нұсқаушысы қызметіне шақырады.1979 жылы «Білім» ұйымының жауапты хатшысы жұмысына ауысты.1987 жылы ОКЖ директоры қызметіне тағайындалды.Барлық еңбек еткен жылдарында бірнеше мәрте СССР мәдениет министрлігінің құрмет грамотасы (республикалық,облыстық,аудандық) марапаттауларына ие болды.
1997 жылдың қазан айында зейнеткерлікке шығып,қазіргі кезеңде Орал қаласында ұлы-Мақсат Телманұлымен бірге тұрады.
1965-1997 жылдардағы Жымпиты ауданының
мәдениет бөлімінің жұмысы туралы

Е С Т Е Л І К
Мен үшін алпысыншы жылдар – ең бақытты жылдар.
Қазақ Қыздар педагогикалық институтын бітіргеннен кейін мен күйеуім Бисембиев Телманмен Жымпиты ауылына келіп, аудандық кітапхананың меңгерушісі болып жұмыс жасадым. Сол кезде біздің мәдениет бөлімінің меңгерушісі өте тамаша, қайырымды Нұрманов Өтеген болды. Сол адам тұсында халықтық театр құрылды, онда Көптілеуов Әбу, Рахметов Қанатқали, Құлғалиева Жібек сынды әртістер, әнші Амангелді Ғұбайдуллин жұмыс жасады.
Ал аудандық кітапханада менімен бірге сол кезеңнің нағыз насихатшылары – Кажимова Сария, Айтбаева Ұмсын, Исатаева Бағи, Мұханбетқалиева Мария сияқты кітапханашылар жұмыс жасады. Аудан кітапханашылары арасында Абай ат. совхоз кітапханашысы Карина Ұрқияны еске алмауға болмайды. Ол Құрмет орденімен марапатталды. Сонымен қатар Тоғызбаева Күляш, Болатова Ботагөз, Махметова Күляш сынды кітапханашыларды атауға болады.
Ешбір кітап көрмесі суретшілер Бахметов Мади мен Рахметов Аяштың көркем безендіруінсіз болмайтын.
Барлық кітапханада тарихи оқиғалар мен даталы күндерге арналған тақырыптық, әдеби кештер өткізілетін. Мәдениет қызметкерлері мүмкіндігінше аудан тарихын насихаттады, азаматтық, отан соғысының батырлары – Махамбет Өтемісұлы, Исатай Тайманұлы, Сырым Датұлы сынды тарихи тұлғалармен таныстырды.
Аудандық кітапхана көп жылдар бойы бірнеше мәрте аудан, облыс, республика мақтау грамоталарымен марапатталды, әдістемелік және ақпараттық насихат орталығы болды.
Сол жылдардағы бірге жұмыс жасаған әріптестеріме алғысымды айтамын.
Темиралиева Т.Х.

Мен, Сакаева Гүлзия Уәлиқызы 1950 жылдың 3 ақпанында Грозный облысы Каясулы ауданының Махмуд-Мектеб ауылында мұғалімдер әулетінде дүниеге келдім. 1966 жылы Астрахань облысында орта мектепті үздік бітірдім. Содан кейін Орал музыкалық, педагогикалық училищесінде оқып, 1981 жылы Орал педагогикалық институтының филология факультетін бітірдім.
1970 жылы Орал облысы Жымпиты ауданы Жымпиты ауылының тұрғыны Сакаев Төлеу Молдашұлымен отбасын құрдым. Ол өзінің қысқа ғұмырының соңына дейін Жымпиты ауылында аудан тарихында алғаш балалар музыка мектебін құрып, директоры және «фортепиано» класының оқытушысы болды.
Алғашқы еңбек жолымды училищеде оқып жүргенде Орал қаласындағы №20 дүкенінің сатушысы қызметінен бастадым, содан кейін аудандық халыққа білім беру бөлімінде кассир, ал 1975-1980 жылдар аралығында Жымпиты аудандық атқару комитетінде хатшы-іс жүргізушісі, 1980-1987 жылдары Жымпиты аудандық кітапхана жүйесінің директоры болып жұмыс жасап, аудан кітапханаларына алғаш кітапханалық-библиографиялық жіктеу жүйесін енгіздім, ал 1987 жылы тарих және мәдениет ескерткіштерін қорғау ұйымының жауапты хатшысы қызметіне ауыстырды. Осы кезеңде Жымпиты аудандық атқару комитетінің төрағасы Гааль Александр Петровичпен бірлесіп, Жымпиты уезінде Совет үкіметінің құрылу тарихын мұрағат құжаттарынан көтеріп анықтадық, мұны аудандық өлкетану мұражайындағы құжаттар жинағы және сол кезеңдегі орнатылған ескерткіш куәландырады.
1988-1990 жылдары аудандық атқару комитетінің (әкімшілік) жалпы бөлім меңгерушісі болып жұмыс жасадым, республика бойынша іс жүргізу ісіне мемлекеттік тіл – қазақ тілін енгізу кезінде ауданда алғашқылардың бірі болдық.
1990-1999 жылдары Жымпиты аудандық АХАЖ бөлімінің меңгерушісі болдым, әділет кеңесшісі деген дәрежем бар.
Содан кейін отбасы жағдайымен облыс орталығы Орал қаласына көшіп, 2002-2004 жылдары ТДК-42 тәуелсіз телевизиялық каналының директоры болып жұмыс жасадым, содан кейін күні бүгінге дейін Батыс Қазақстан облыстық маслихаттың баспасөз хатшысы болып жұмыс жасаймын.
Үш бала тәрбиелеп, өсірдім. Ұлым Алмаз – ІІБ офицері, қызым Саида – Сырым аудандық ОКЖ қызметкері, қызым Заира – облыстық бір газеттің аға менеджері, 8 немерем бар.

Кітапхана қазірге кезеңде

Бүгінде кітап қорындағы кітаптардың мазмұны жағынан өте бай екендігін де айтқанымыз жөн. Кітапхананың кітап қоры әмбебап, 51339 дана. Бұлар – қазақ, орыс, шет ел тілдеріндегі әдеби, ғылыми-көпшілік, білім салаларын қамтыған әдебиеттер. Онда қазақ жазушыларының, шетел және орыс классиктерінің орыс және қазақ тілдеріндегі шығармалары баршылық. Сонымен қатар ғылыми фантастикалық, қоғамдық-саяси, өнертану тағы басқа салалардағы әдебиеттер де осы кітапханамыздан орын алған. Аудандық кітапхана 35 атаулы, бағасы 57500 теңгенің мерзімді басылымдарына жазылды. 2006 жылы облыстық кітапханадан 915 дана жаңа әдебиеттер келді.

Аудандық кітапханада 10 қызметкер жұмыс жасайды, оның 9 арнаулы жоғары білімді кітапханашы және 1 суретші. Оқырмандарға кітаптарды насихаттауда кітапханашылар жұмыстың жаңа формалары мен әдістерін өмірге батыл енгізе отырып жұмыс жасауда. Кітапханада оқырман конференциялары мен диспуттар, кітап көрмелері, әдебиеттерге шолу, тағы басқа жұмыс түрлерімен қатар, кітапхананың әуесқойлар клубы жұмыс жасауда.

 

 

Кітапханада “Өлкетану”, “Инабат”, “Жас жанұя” клубтары жұмыс жасайды.
Аудандық кітапхана ауылдық кітапханалардың орталығы. Аудандық кітапхана қазіргі кезде 21 ауылдық кітапханаға кітапхана ісін жетілдіруде әдістемелік көмек көрсетеді. Аудандық кітапхананың әдістемелік бөлімі кітапханашылардың мамандығын жетілдіруде жылма-жыл зерделі кеңестер өткізеді.

 

 

Ауданымызда 2004 жылы Бұлдырты ауылдық кітапханасы базасында облыстық зерделі кеңес өтті.

Облыстық “Ауыл энциклопедиясы – шағын Отан” байқауы ІІ кезең бойынша ұйымдастырылып, облыс бойынша І кезеңде аудандық кітапхана бас жүлдені, ІІ кезең бойынша 1 орынды иеленді.

Аудан бойынша кітапханалар саны дамуда

 

№	Аудандық  округтар бойынша	2004	2005	2006
1	Алғабас а/округі	2	2	2
2	Аралтөбе  а/округі	2	2	2
3	Бұлан  а/округі	2	2	2
4	Бұлдырты  а/округі	1	2	2
5	Елтай  а/округі	1	1	1
6	Жетікөл  а/округі	1	1	1
7	Жосалы  а/округі	2	2	2
8	Қособа  а/округі	1	1	1
9	Сарой  а/округі	2	2	2
10	Талдыбұлақ  а/округі	2	2	2
11	Шолақ аңқаты   а/округі	2	2	3
12	Жымпиты  а/округі	3	3	3
	Барлығы	21	22	23

Аудандық кітапхана орналасқан мәдениет үйінің ғимараты

 

 

 

 

 

Аудандық кітапхана бөлімдері

– Абонемент бөлімі
– Оқу залы
– Әдістемелік-библиографиялық бөлім
– Кітап қорын толықтыру және өңдеу бөлімі
– Кітапхана әкімшілігі тел. 21-6-28
Аудандық кітапхананың басты мақсаты халқымыздың рухани талап –тілегін қанағаттандырып, басылымдармен қамтуда қызмет ету. 51339 дана кітап қоры оқырмандардың әр түрлі білім саласы бойынша сұраныстарын қанағаттандырады. Кітапхана жыл сайын 35 атаулы мерзімді басылымдармен толығып отырылады. Сіздің сұранысыңыз бойынша библиографиялық және тақырыптық тізімдер, кітап көрмелерін жасақтайды. Кітапхана жұмысын автоматтандыруда «РАБИС» бағдарламасы бойынша электронды каталог жасақталуда. Сізді қызықтыратын тақырып бойынша ақпарат күнін өткізу, ауызша анықтама беру, көпшілік шаралар т.б. қызмет түрлерін ұсынады.
Кажғалиева Дина Ғарифолллақызы

Сан ғасыр көшін жалғастырып, ұрпақтан–ұрпаққа жеткен мәдениетіміздің мұрасы – кітапты бүгінгі замандастарымыз бен келешек ұрпақтың игілігіне жаратуға өлшеусіз үлес қосып жүрген құрметке лайықты кітапхана маманы. Аудандық кітапхананың оқырмандарға қызмет көрсету бөлімінің меңгерушісі Кажғалиева Дина Ғарифолллақызы. Дина 1968 жылы Жымпиты ауданы, Алғабас ауылында дүниеге келген. 1985 жылы Алғабас орта мектебін бітіріп, 1986 жылы Орал мәдени-ағарту училищесінің кітапхана ісі бөліміне оқуға түсіп, 1988 жылы үздік бітіріп, осы жылы Сырым аудандық балалар кітапханасының меңгерушісі болып жұмысқа орналасқан. 2001 жылы М.Өтемісұлы атындағы БҚМУ-ң кітапханатану және библиография бөліміне сырттай оқуға түсіп, 2004 жылы бітірген. Аудандық кітапханада 1988 жылдан бері қызмет атқарады. Оқырмандарға ұсынылатын әдебиеттерді жетік білуі, өз ісіне жауапкершілікпен қарауы, оқырмандарының арасында зор беделге ие болуына, олардың құрметіне бөленуге ықпал етті. Дина Ғарифолллақызы кітапхана ісінің әдістерін жан-жақты меңгерген, өз міндетін үздік атқаратын, жас мамандарға ақылшы ұстаз маман. Ұжымда беделді, ұйымдастырушылық қабілеті жоғары қызметкер.

Абонемент бөлімі

Бұл бөлімде ауыл тұрғындары үйге кітап және мерзімді басылымдарды алып оқуына болады. Кітап қоры 40 000 дана орыс және қазақ тілінде. Кітап қоры барлық білім салаларымен қамтылған. Бұл бөлімде оның ішінде көркем әдебиеттерге, классикалық, қазақ және шетел әдебиеттеріне өте бай. Оқырман үшін бөлім кітап алатын орын ғана емес, олар мұңда өз білімімен және өмірлік тәжірибелерімен де бөлісетін орталыққа айналған. Оқырмандар көмегімен түрлі мәдени шаралар өткізіліп тұрады. Кітапханада кітап көрмелері, викториналық ойындар, қызықты әдеби кештер, конференциялар т.б. шаралар ұйымдастырылады. Кітапхана аралық абонемент, керекті басылымдарды, кітаптарды басқа кітапханалардан сұраныс жасап алып береді. «Инабат» әуесқойлар клубы жұмыс жасайды.

 

Оқу залы

Аудандық кітапхананың оқу залында 1000 жуық оқырманы бар, оқырман құрылымы әр түрлі, оқырман сұранысын өзінің кітап қоры есебінен қамтамасыз етеді. Мұғалімдерге, дәрігерлерге, жастарға, жасөспірімдерге т.б. барлық білім саласы бойынша әдебиеттер оқу залында беріледі. Жаңа әдебиеттердің келгенін насихаттауда «Жаңа кітаптар» атты көрме ұйымдастырады. Қазіргі өзекті мәселелер бойынша әр түрлі тақырыпта кітап көрмелерін ұйымдастырады. Оқырмандармен түрлі мәдени шаралар ұйымдастырады.

 

 

Әдістемелік –библиографиялық бөлім

Әдістемелік-библиографиялық бөлім – кітапханалардың әдістемелік орталығы. Бұл орталық методикалық бағытта қызмет етеді. Орталық мына бағытта жұмыс жасайды:
– Кітапханалардың жұмыс сапасы мен нәтижесін арттыру;
– Хабарлама–талдау жұмыстарын жеткізу;
– Алдыңғы қатардағы тәжірибе жұмыстарды тарату;
Методикалық көмек көрсетуде, мәселен әдістемелік құралдар дайындау, нұсқаулар жазу кітапханашылардың мамандығын арттыруда түрлі семинар кеңестер, конференция, дөңгелек үстел ұйымдастырылады. Жыл сайын ауыл кітапханаларына Аудандық кітапхана қызметкерлерінің озық тәжірибелерін анықтап, оны аудандағы басқа кітапханалар назарына ұсынады. Іс сапарларда болып, кітапханаларға көмек көрсетеді, баспа және талдау қызметтерімен айналысады.
Бөлімдегі библиографиялық жұмыстың басты мақсаты – оқырманның сұранысына жауап беру, ауызша және жазбаша анықтамаларды орындау.
Анықтама – билиографиялық ақпарат құрамына мыналар кіреді:
– Анықтама және библиографиялық басылымдар қоры;
– Каталогтар мен картотекалар;
– Орындалған анықтамалар қоры;
Анықтамалық басылымдар қоры сирек кездесетін библиографиялық кітаптар, энциклопедиялар, анықтама сөздіктер, күнтізбелер құрайды. Мынадай каталогтар мен картотекалармен жұмыс жүргізіледі:
– алфавиттік каталог
– жүйелі коталог
– өлкетану картотекасы
– тақырыптық картотекалар
Мамандарға арналған «Мамандар күні» библиография күні, хабарлама күндерін өткізеді. Библиограф аудан кітапханаларына библиография саласынан әдістемелік, іс–тәжірибелік нұсқаулар беріп іс-сапарда болып, кітапханашыларға көмек көрсетеді. Кітапханадағы басты бөлімдерінің бірі, себебі кітапханаға келген барлық оқырман анықтама-библиографиялық, ақпараттық аппаратын пайдалануға толық мүмкіншілігі бар.
Әдістемелік-библиографиялық бөлім меңгерушісі Уалиахметова Айнур Жасұланқызы кітапхана базасында кітапханашының білім дәрежесін жетілдіруде кітапхана жұмысын автоматтандыру, кітапханалық бағдарламаларды ұйымдастыру, үлгілік кітапхананы ұйымдастыру т.б. өзекті мәселелер бойынша зерделі кеңестер ұйымдастырып, кітапхана қызметінің негізгі міндеттері мен бағыттары туралы кеңестер, баяндамалар дайындап, кітапханашылардың кәсіби білімін жетілдіруге ат салысуда.
Уалиахметова Айнұр Жасұланқызы 1971 жылы Жымпиты ауданы, Жамбыл ауылында дүниеге келген. 1994 жылы Шымкенттегі Әл–Фараби атындағы мәдени-педагогикалық институтының кітапханатану және библиография бөлімін үздік бітіріп шыққан. 1994 жылы еңбек жолын аудандық кітапхананың кітапханашысы болып бастаған. Айнұр қазіргі уақытта ОКЖ – нің библиография-әдістемелік бөлімінің меңгерушісі, әдіскер, өз ісінің шебері, мамандығын сүйеді. Өзіне де, өзгеге де талап қоя білетін жоғары білімді маман. Білімін үнемі жан-жақты жетілдіріп отырады.
Уалиахметова Айнұр – өз ісін жетік білетін, тәжірибелі маман. Ол 1994 жылдан бүгінгі күннің өзекті мәселелерін қозғап қана қоймай оқырманның ой өрісі мен білімін жетілдіруге арналған көптеген әдістемелік көрсеткіштер шығарып, озық іс-тәжірибелері облыс көлемінде кітапханаларға таратылып жүр.
Кітап қорын толықтыру және әдебиеттерді өңдеу бөлімі

Бөлімнің басты міндеті жүйе бойынша кітапханалардың кітап қорын түрлі білім салаларын тұтас қамтитын басылымдармен толықтыру. Соңғы әр жылда жүйе бойынша кітап қорыңа 4000 астам кітап түссе, мерзімді басылымдар саны 260 данаға жетіп отыр. Жүйе бойынша кітап қоры 289513 дана, оның 113819 данасы қазақ тілінде.
Негізгі кітап қорын толықтыру көздері облыстық кітапхана, кітап дүкендері, мерзімді басылымдарға жазылу, жеке адамдардың сыйға берген әдебиеттері толығуда. Толықтыру және өңдеу бөлімі есеп каталогын, электронды каталогтар жүргізеді. Бөлімнің дәстүрлі каталогтары мен картоттекалары пайдаланушыларға қызмет етеді. 2003 жылдан кітапхана ісін автоматтандыруда РАБИС бағдарламасының моделі электронды каталог жасақталуда.
Біздің рухани дүниемізді байытып, ой-өрісімізді өркениетті елдердің озық ойлы азаматтары қатарына өткізетін бірден-бір құрал, ол кітапхана. Осы байлықты оқырмандарына ұсынып, бірден-бір насихатшысы болып отырған аудандық кітапхана.
Қазіргі уақытта кітапхана жергілікті тұрғындардың талап-тілектері мен сұраныстарының жан-жақты ақпараттық қажеттіліктерін ескеретін мәдени-ағарту және ақпараттық орталық болып отыр. Кітапхана жұмысының негізгі бағыттары кітаптарды насихаттау, оқырмандардың ой-өрісі, талап-тілегін өзінің алдына қойған мақсатымен ұштастыра отырып көпшілік шаралардың тиімді түрлерін ұйымдастыруда. Кітапхана жұмысын автоматтандыруда жаңа технологиямен жабдықтауда аудандық кітапханада қазіргі таңда 3 компьютер алынды. Кітапханаға жасөспірімдер, әр түрлі сала мамандары, зейнеткерлер, кәсіпкерлер және тағы басқа топ оқырмандары өздерінің сұраныстарын қанағаттандыру үшін келеді. Кітап қорын насихаттау жас ұрпақтың дүниетанымдық көзқарасын қалыптастыру, оқырмандарды кітапханаға тарту, олардың сұраныстарын қанағаттандыру кітапхананың негізгі мақсаты болғандықтан көпшілік шаралар осы бағыттарда жүргізеді. Көпшілік шаралар оқырмандардың әр түрлі білім дәрежесі, мамандығы және жас ерекшелігі ескеріліп ұйымдастырылады. Аудандық кітапхана әрдайым жұмыстың жаңа формалары мен әдістерін іздестіріп отырады, өз қызметтерінде әдеби мерекелер, байқаулар, викториналық ойындар, театрландырылған көріністер, дебат, ток-шоу т.б. жұмыс формаларын жиі қолданады. Оқырмандарға әдебиеттерді насихаттауда 38 көпшілік шара ұйымдастырылып, оған 784 оқырман қатысты.
Кітапхана жұмысын бүгінгі күн талабына сай ұтымды ұйымдастыра алатын, көптеген жылдар бойына жемісті қызмет атқарып келе жатқан мамандар біздің ұжымның мақтанышы. Олардың қатарында Хасанова Р.Қ., Уалиахметова А., Кажғалиева Д., Қонақбаева Г., Уалиахметова М. және тағы басқалары. Құқықтық ақпараттар мен басылымдар, қазақ жазушыларының көркем шығармалары, туған өлкенің тарихы, мәдениет, тіл туралы мәліметтер мен өмірдегі күнделікті жаңалықтар және өзгерістер жайында көпшілікті хабардар ететін кітапхана.
25 – қазан Республика күні қарсаңында аудандық кітапханада «Менің елім – Қазақстан» тақырыбында брейн-ринг танымдық ойны өтті. 40 оқырман қатынасты. Ойынға Ж.Досмұхамедов атындағы орта мектеп және Қ.Мырзалиев атындағы орта мектеп оқушылары қатысты.
20 наурызда кітапханаларда Наурыз мерекесіне арналып «Наурыз-думан» әдеби кеші өтті. Ұлттық мәдениет, салт-дәстүрді насихаттау мақсатында өткен кеште наурыз мерекесінің ерекшелігі, бірліктің, татулықтың, ізгіліктің мерекесі турасында айтылды. Кештен оқырмандар жақсы әсер алып, әр кітапханада 10-15 оқырман кітапханадан кітап жаздырып алған.

Қазақстан Республикасының Конституциясы күніне аудандық кітапханада «Ата заң – елдік тұғыры» атты кітап көрмесіне шолу жасалды.
18 қазан Рухани келісім күніне орай Елбасының 1 наурыздағы Қазақстан халқына арнаған «Қазақстан өз дамуындағы жаңа серпіліс жасау қарсаңында» атты жолдауы еліміздің қоғамдық-саяси және экономикалық мүддесі үшін маңызды 7 басымдықты ұсынды. Соның ішінде 6-шы басымдығын басшылыққа алып ұйымдастырылған «Дін, қоғам және халықаралық қауіпсіздік» тақырыбында дөңгелек үстел отырысы оздырылды. 25 жас оқырман қатынасты.
Аудандық кітапханада «Ауырып ем іздегенше, ауырмайтын жол ізде» тақырыптық кеш 17 оқырманмен өтті. Оқырман арасында салауатты өмір салтын өмірлік қағида ретінде ұстануға, иманды, әдепті болуға үндеу. Кеш барысында оқырмандарға темекі шегу, шарап ішу, нашақорлыққа салыну жолдарының зиянды әрекеттері тек сөзбен түсіндіріліп қана қоймай, болған оқиға ізімен көрініс көрсетіліп, салауатты өмір салтын ұстану негізінде адам өмірінің ерекшелігі бағаланып, жете түсіндірілді. Кеш соңынан 18 әдебиет оқырмандарға қолға берілді.
Тәуелсіздігіміздің 15 жылдығына байланысты кітапханада «Тәуелсіздікке 15 жыл» атты көрме шығарылды. Тақырыптық папка жинақталып, тақырыптық картотека жасақталды. Желтоқсан оқиғасының 20 жыл толуына орай аудандық кітапхананың оқырмандарға қызмет көрсету бөлімінде №19 кәсіптік мектеп студенттерінің қатысуымен «Желтоқсан рухы мәңгілік» атты тарихи кеш өтті. Кешке 35 оқырман қатысты.
«Жаңа әдебиеттер» атты кітап көрмесі жаңа келген кітаптармен толықтырылып, әдебиеттер тізбесі баспасөз беттеріне жарияланды.
Аудандық кітапханада жергілікті ақын Б.Тілегеновтың «Шеңбер» атты тұңғыш кітабына тұрақты оқырман тобына әдеби талқы жасалды. Аудандық кітапханада жерлес әнші, термеші А.Ғұбайдулиннің 55 жасқа толуына орай 22 мамырда «Сұлу әнімен тамсандырған жан еді» атты еске алу кеші оздырылды. Аудандық кітапханада Жосалы, Коминтерн кітапханаларында қазанда жерлесіміз суретші Жоламанов Мұратбек Тауфикұлының 40 жасқа толуына орай «Қылқалам шебері» атты еске алу кеші жасөспірімдермен оздырылды. Кешке 53 оқырман қатынасты.
Сырым елінің 68 ақынының жырлары жинақталған «Жыр өзегі-Жымпиты» кітабының тұсаукесері аудандық кітапхана ұйымдастыруымен 25 желтоқсанда өтті. Жинаққа өлеңдері енген авторлар шақырылды. Кешке аудан әкімі, ауылдық окургтер әкімдері, ақындар, мұғалімдер, т.б. оқырмандар қатысты. Кеш бейнетаспаға, фотоға түсірілді. «Жыр өзегі-Жымпиты» атты кітаптың макеті жасалып, кітап көрмесі шығарылды. Жинаққа енген 68 ақынның суреттері жинақталып кеш барысында мультимедиядан залда көрсетілді. Сырым ауданы ақындарының ұжымдық жинағының ашылу рәсімін аудан әкімі Ерлан Беркінұлы Нысанғалиев ашып, Сырым өңірі дарынға, мәдени мұраларға бай өңір, біз еліміздің құнды қазыналарын аршып алып, игілігімізге жаратуымыз керек, ел тарихына толымды дүниелер қосып, осы мақсатта үлкен істер тындыруымыз керек деген мағынада ойын айтып, кітап авторларын шын пейілмен құттықтады. Бұдан кейін ақын К.Хабиева, Орал қаласынан келген жерлес қонақтарымыз, кітап авторлары Бақтығали Тілегенов,Энгельс Шыңғалиев жергілікті авторлар Е.Баймұханбетов, Махмет Қажиахметов, жас ақын А.Сәрсенғалиева сөз сөйледі.
Жерлес жазушы М.Есламғалиев 60 жасқа толуына орай «Жайықтың жарық жұлдызы» атты кітап көрмесі ұйымдастырылды. Жасөспірімдермен жазушы М.Есламғалиев 60 жасқа толуына орай шығармаларын насихаттауда «Жайықтың жарық жұлдызы» атты әдеби кеш өтті. Аудандық кітапханада Мұқадес Есламғалиевтің 60 жасқа толуына орай «Сырым елінің түлегі М.Есламғалиев 60 жаста» атты кітап көрмесі шығарылып, библиографиялық шолу жасалды. Шолуға 22 оқырман қатысты.
15 қаңтар күні «Кітап – рухани азығым» тақырыбында оқырман бенефисі өтті, кездесуге кітапхананың оқырмандары, зейнеткерлер №19 кәсіптік мектептің ұстаздары мен курсанттары, мәдениет бөлімінің қызметкерлері бас қосты.

Кітапхана қызметін жарнамалауда, насихаттауда, кітапханалда өткен көпшілік шаралар аудандық газетке беріліп, жарнамалық плакаттар шығарылды. Жергілікті “Қайнар” және облыстық “Орал өңірі” газеттерінде кітапхана жұмысын және өткізілген шаралардың тиімділігін ашып көрсету бағытында кітапхана жұмыстары үзбей жарияланады. Кітапханада кітапхана жұмысын насихаттауда қазіргі дизайндық үлгіде безендірілген “Ақпараттық қиылыс”, ”Оқырман назарына” атты жарнамалық беттер шығарылды. Әр түрлі сілтемелер мен буклеттер кітапханалардың және ОКЖ жұмысын насихаттауға арналып шығарылды.
Қоғамның дамуы, адамзаттың өсіп-өркендеуі кітаппен тығыз байланысты. «Жақсы кітап-жан азығы» деп халық тегін айтпаған. Рухани байлықтың адамзатқа берері мол, қайтарымы шексіз. Сондықтан кітапхананың бұдан былай да маңызын артырып, беделін биіктете түсуге ат салысамыз.
Кітапхана тарихы осымен аяқталып қана қалмайды, жылдар бойы жалғасып ақ парақ бетінде тарих болып жазылып қала берері сөзсіз.

Алғашқы мұнайшы Хамит Ғабдуллинмен кездесу кеші

Жерлесіміз профессор Мусин Чапаймен кездесу кеші

«Библиографиялық құралдар жәрмеңкесі» кітапханашылар сайысы

«Жылдың үздік кітапханашысы» кітапханашылар сайысы

Сырым Датұлына арналған «Ел бастаған көсем, сөз бастаған шешен» атты кітап көрмесіне библиографиялық шолу

№19 кәсіптік мектеп бірлесіп өткізілген «Әлем таныған Абай» атты танымдық кеш .

«Оқуға құштар Қазақстан» бағдарламасы бойынша ұйымдастырылған кітап көрмесі

Соғыс ардагерлері Уалихан Қасмұханов және Базарбай Ерекешовпен кездесу кеші

Даталы күндерге ұйымдастырылған кітап көрмелері

Ж ы м п и т ы  а у ы л ы
Жымпиты -Сырым ауданы әкімшілігі ,1928 жылдан орталығы ,ауыл.Облыс орталығы-Орал қаласынан оңтүстік-шығысқа қарай 140 км жерде ,Өлеңті өзенінің жағалауындағы қара жусан ,көкпек,бұйырғын өскен сортаңды-сор топырақты,шөлейт белдемде орналасқан.Тұрғыны 6 мың адам.Іргесі 19 ғасырдың соңында Жымпиты уезінің құрылуына байланысты қаланды.Ауыл 1895-97 ж.алғашқы аурухана және мектеп салынды.Сол өңірдегі ірі сауда –саттық орталығы болды.Татар және орыс саудагерлері Жымпитыда мешіт пен шіркеу салдырды.1927 жылға дейін әуелі уезд орталығы,1928 жылдан аудан орталығына айналды.Бұрынғы кәсіпорындар мен мекемелер 1997 жылдан 22 шаруа қожалығы мен 1 серіктестікке біріктірілген.Ауыл 2 орта ,1 орталау мектеп,1 аурухана.2 фельдш.-акушерлік пункт, мейманхана, кинотеатр,мәдениет үйі ,клуб,кітапхана т.б. мекемелер бар.
Егістіктің басым бөлігі дәнді дақылдар үлесінде. Мысалы: осы 2003 жылы 79,4 мың гектар дәнді дақылдар егіліп, жалпы мөлшері 80,3 мың тоннадай астық жиналды.
Аудан көлемінде 14 ЖШС, 156 шаруа қожалығы, 11 жеке кәсіпкер, бір мектеп егін егумен шұғылданады. Шабындық жерлерден 510000 центнер мал азығы дайындалып отыр. Осымен бірге техникалық дақылдар, бау-бақша, жеміс – жидек алқаптарының көлемі жылдан жылға өсіп келеді.

Кітап – біздің рухани жан-азығымыз. Аудандық кітапхананың басты мақсаты – халқымыздың рухани талап-тілегін қанағаттандырып, басылымдармен қамтуда қызмет көрсету. Мұқадес Есламғалиұлы атындағы аудандық кітапханада 2400-ге жуық оқырман, 51000 дана кітап қоры оқырмандардың әр түрлі білім саласы бойынша сұраныстары қанағаттандырады. Жыл сайын кітапхана қоры қажетті мөлшерде жаңартылып, 47 атаулы мерзімді басылымдармен толықтырылады.
Кітапханада жоспарлы көптеген іс-шаралар өткізіліп, тақырыптық көрмелер ұйымдастырылады: «Өлке тарихы – ел тарихы», «Тәуелсіздік – Мәңгілік елдің тарихы», «Бір ел – бір кітап», «Жыл мерейтой иелері», «Кітап – сарқылмас рухани қазына», «Ұлы даланың жеті қыры», «Қазақтың тарланы – Қадыр ақын», «Мұқадес мәңгі өлмейтін жазушы», «Жаһанша – заңғар тұлға», «Ерен Ер Сырым», «Жазғы демалысқа кітаппен», «Ата заң – елдігіміздің еңсесі», «Әуезов әлемі», «Кел,жастар оқылық», «Асыл сөзді іздесең, Абайды оқы, ерінбе», Отты жылдар шежіресі», «Мұқағали – мәңгілік ғұмыр», «Ауған ақиқаты», «Жұбан жыры жадымызда», «Азаттық таңын аңсаған Алаш» т.б.
«Рухани жаңғыру» бағдарламасын іске асыру бағытында «Шежірелі өлке» жобасы, жаңа әдебиеттерді насихаттауда «Әдебиет әлемінде» библиомикс кітапханалық жобасы, «Ашық аспан астындағы кітапхана», «Жазғы оқу» жобасы, «Инабат» әуесқойлар клубы, «Алтын оймақ» үйірмесі жұмыс істеп келеді.
Оқу залында адалдық пен парасаттылықты, ізгілік пен даналықты, әділдік пен қамқорлықты дәріптеп, сыбайлас жемқорлыққа қарсы мәдениеттің мәнін түсіндіруге бағытталған «Парасат жолы» орталығы ашылды. «Парасат жолы» – адалдыққа бастар жол» тақырыбында көрме таныстырылымы өткізілді.

Кітапханада өлкемізден шыққан қаламгерлердің шығармаларын насихаттауда Қазақстан Журналистер және Жазушылар Одағының мүшесі, ақын, талантты журналист, тележүргізуші Мұнайдар Балмолданың Алашорданың Батыс бөлімшесінің төрағасы, заңгер Жаһанша Досмұхамедовтың туғанына 135 жыл толуына арналған «Дала көкжалы», Батыс ән мектебінің көрнекті өкілі болған әнші, термеші Амангелді Ғұбайдуллинге арналған «Ән Бекзадасы» атты кітаптарының тұсауы кесілді. 15 мамыр –Халықаралық отбасы күніне арналған «Отбасым – бақыт мекенім» тақырыбында алтын той иелері Галимовтар, Қаналиевтер отбасыларымен кездесу кеші ұйымдастарылды.
«Шежірелі өлке» жобасы аясында туған жерге деген сүйіспеншілігін ісімен дәлелдеп, өзінің жан – жақты қырын дамыту жолында бар қажыр – қайратын жұмсап жүрген жерлесіміз продюссер, медиа менеджер Шаримов Алпамыс Өскенбайұлымен онлайн сұхбат кеші, Еңбек ері В.Шубиннің өмірі мен еңбек жолын дәріптеу мақсатында «Ерлікпен өрілген өмір» атты еске алу кеші өтті.
Жыл сайын «Бір ел –бір кітап» республикалық акциясы аясында кітапханада көптеген іс-шаралар мен кітап көрмелері ұйымдастырылады. 2022 жылдың Жыл кітаптарын таңдау бойынша «Бір ел – бір кітап» акциясы аясында оқуға ұлт ұстазы Ахмет Байтұрсынұлы шығармалары ұсынылды. Аудандық кітапхананың оқу залында ұлттық жазудың реформаторы қазақ лингвистикасы мен әдебиеттанудың негізін қалаушы Ахмет Байтұрсыновтың шығармаларына арналған «Ұлт ұстазы – Ахмет Байтұрсынұлы» тақырыбында кеңейтілген кітап көрмесі ұйымдастырылды.
Кітапхана оқырмандары әлеуметтік желісі арқылы өткізілген іс-шаралар, фейсбук парақшасына жүктелінген «Жаңа кітаптар», «Библиопост», Әдеби парақша» айдарымен1980 жылдардағы аудандық кітапханадағы тақырыптық ұсынылған ақпараттармен таныса алады.
Оқырмандарды ақпарат мәдениетіне, кітап құмарлыққа, оқу мәдениетіне, азаматтық сауаттылықты қалаптастыруға көмектесу – біздің басты міндетіміз.

 

Аудандық балалар кітапханасы алғаш рет аудан орталығында 1955 жылы ашылды. Кітапхананың алғашқы меңгеруші қызметін Айтбаева Ұмсын бастады. Кітапханада сол уақытта 2000 кітап қоры болды. Кітапхана ғимараты екі бөлмелі шағын ескі орында болды. Кейінгі кітапханаға кітапханашы болып Абсатырова Надя келді. Сол кезде оқырмандар көп болған, азғантай кітаппен газет-журналдарды пайдаланған. Солардың бірі қазақ балалар жазушысы Қадыр Мырза Әли студент уақытында үнемі келіп тұрған. Кітапхана қорын бастапқы кезде кітап дүкендерінен толықтырса, соңынан облыстық бибколлектордан келетін болған. Жылдан-жылға кітап қоры толыға түсті. Көбіне бос уақыттарында балалар кітапханаға келіп шахмат, шашка ойындарын ойнаған. 1964 жылы Алматыдағы ЖенПИ-ді бітіріп алғашқы жоғары білімді маман Мұхамбетқалиева Мәрия меңгеруші болып қызметке кіріскен. Жас маман кітапхана жұмысын қолға алып, кітапханада мерекелер мен мерейтойларға арналған көрмелер шығарылды, оқырмандармен әр түрлі тақырыпта көпшілік шаралар ұйымдастырылды. Оқырмандардың кітап оқуға ынтасы арта түсті. 1966 жылы ЖенПИ-дің кітапхана факультетін бітіріп екінші жоғары білімді маман Исатаева Бағи келді. 1972 жылдан 1990 жылы зейнеткерлікке шыққанға дейін балалар кітапханасында меңгерушілік қызметін атқарды. Жылдан жылға кітап қоры көбейіп, оқырман саны арта түсті. 1960-2007 жылға дейін кітапханада кітапханашы қызметін атқарғандар: Құсайынова Қ, Тажикова М, Ғазизова Т, Тұралбекова З, Шайхидденова А, Ғаббасова Т. 1990-1993 жж аралығында кітапхана меңгерушісі қызметін Қажғалиева Дина атқарды. Кітапхана жұмысы жақсара бастады. Кітап қоры жаңа кітаптармен толыға түсті. Кітапхана орта мектеп және балалар бақшасымен бірігіп көпшілік шаралар ұйымдастырды. 1992-1993 жж меңгеруші болып жас маман Шайхидденова Ақмарал қызмет атқарды. Іскер маман жұмысқа кіріскеннен бастап кітапхана келбеті өзгерді. Кітапханада шебер қолдар клубы жұмыс жасай бастады, жас бүлдіршіндерге арналып бұрыштар ашылды, көпшілік оқырманға арналып «Что за прелесть эти сказки» атты үлкен бұрыш ұйымдастырылып, кітапханаға оқырмандар жақсы тартылды. Сонымен қатар кітапхана активі жақсы жұмыс жасай бастады. Оқырман мен кітапхана достығы нығая түсті. 1993 жылдан осы уақытқа дейін кітапхана меңгерушісі Қайжан Г.З. кітапханашы Ғайнешова С.Т. жұмыс жасап келеді. Қазіргі таңда кітапхана қоры 24705 дана, 1910 оқырманы бар. Кітапханада 14 орындық оқу залы бар. Бір абонемент бөлмесі бар, кітапхана жылу жүйесіне қосылмаған, пеш жағылады. Кітапхана ғимараты ескі әрі тар, қараңғы. Соңғы техникамен жабдықталмаған. Балалар үшін 12 атаулы баспасөз басылымы алынады. Кітапхана мектеп, тәрбие орталығы, «Балдырған» балалар бақшасы, педагогикалық–психологиялық түзету орталығымен тығыз байланыста жұмыс жасайды.
Кітапханада жүйелік каталог өлкетану, тематикалық, газет-журнал картотекалары бар. Үнемі жаңа материалдармен толықтырылып тұрады. Кітапханада оқырмандар үшін «Ертөстік ертегілері», «Жас суретшілер» клубтары ұйымдастырылды. Жас бүлдіршіндерді кітапханаға тарту мақсатында «Бүлдіршіндер үшін», «Кел, ойнайық» бұрыштары, «Ғажайып ертегілер әлемі» атты кітап көрмесі шығарылды. Балалардың оқуға қызығушылығын арттыру мақсатында «Оқы, біл, үйрен», «Ғылым ғаламына бізбен бірге», «Сен білесің бе?» «Шығыстың ұлылары» атты кітап көрмелері шығарылды. Кітапхананың негізгі бағыты: оқырмандардың сұранысын қанағаттандыру, 6-18 жасқа дейінгі оқырмандарды кітаппен қамту, мұғалімдер мен тәрбиешілерге көмек көрсету, кітапханаға келіп түскен жаңа әдебиеттермен таныстыру, Қазақстан ақын-жазушылар мерейтойларына арнап кештер өткізу. Әрбір өткен шара газет бетінде жарияланып, суретке, бейне таспаға түсіріледі. Жыл сайын өткізілетін сайыстарға қатысып, алғыс хаттармен марапатталдық. Біздің кітапхананың тұрақты оқырмандары: Бердіғалиева Ғазиза, Тусилова Жұмазия, Едрисова Әсем, Гайсина Эльнура, Султаналиева Аида, Кубаев Дастан сынды оқырмандарымыз «ХХІ ғасыр көсбасшысы» ойнына қатысып, қазір бәрі еліміздің түкпір-түкпірінде жоғары оқу орнында оқып жатыр. Сондай-ақ кітапханадан үзбей кітап алып жақсы оқыған оқырмандарымыз: Сапарғалиев Р., Жоламанов Ә., Хамзин Ж., Исанов Е., Ихласов С., Шалабаев М., Сауғабаев Е., Мұқанова Л., Мұхамбетжанова А. т.б. оқырмандар мектепті жақсы бітіріп, барлығы да аудан, облысымызда басшылық қызметте қызмет атқарып жүр. Ай сайын өткізілетін аудандық, облыстық зерделі кеңестерге қатысып, әдістемелік көмек алып тұрамыз.

Балалар кітапханасы ғимараты

Оқу залы

Абонемент

Сырым аудандық педагогикалық–психологиялық түзету кабинеті мекемесімен бірлесіп өткізілген «Тапқыр аналар» сайысы

Балалар кітабы күніне арналған «Кітап – рухани қазына» ертеңгілігі

   

«Ер Төстік» клубының белсенді мүшелері

Аудандық өлкетану мұражайымен бірлесіп өткізілген «Мәдени мұра –мәңгі мирас» атты саяхат

Мұханбетқалиева Мария 1939 жылы 5 мамырда Батыс Қазақстан облысы, Жәнібек ауданына қарасты Ұзынкөл елді мекенінде дүниеге келген.
1947-58 жылдары орта мектепте оқып, 1958-60
жылдары Атырау облысына қарасты Құлсары,
Батыс Қазақстан облысының Жалпақтал (бұрынғы Фурманов ауданы) аудандарында шаруашылық жұмыстарына араласты. 1960 жылы Қазақ мемлекеттік қыздар педагогикалық институтына түсіп, оны 1964 жылы кітапханатанушы-библиограф мамандығы бойынша тәмамдап шықты. Осы жылы арнайы жолдамамен Жымпиты ауылына жіберіліп, мұнда аудандық кітапхана меңгерушісі болып тағайындалады. Аудандағы тұңғыш жоғары білімді кітапханашы М.Мұханбетқалиева 1966 жылы жолдасының қызмет бабымен Жосалы кеңшарына көшіп, осындағы ауылдық кітапхана меңгерушісі болып қызмет атқарды. 1968 жылы аудан орталығына қайта көшіп, аудандық кітапханада кітапханашы болып қызмет атқарды. 1972-85 жылдары Жосалы кеңшарындағы А.Жұмағалиев атындағы орта мектептің кітапхана меңгерушісі болып жұмыс істеді. 1985-1991 жылдары зейнеткерлікке шыққанға дейін аудандық кітапханада «Ауыл шаруашылығы» бөлімінің меңгерушісі қызметінде болды. Қазір құрметті демалыста. М.Мұханбетқалиева жанұяда 5 бала тәрбиелеп өсірген ана. Тұңғыш баласы Жоламанов Мұратбек Тауфиқұлы өмірден ерте кеткеніне қарамастан, артына өлмес туындылар қалдырған талантты қылқалам шебері.

Хусайнова Хатима 1938 жылы Орал облысы, Тайпақ ауданы Өлеңті совхозында дүниеге келген. Әкесі Қобыландиев Х. оқытушы отбасында жалғыз өзі болған. 1956ж Жымпиты орта мектебін бітірген. 1957-1959 жж Абай селосында кітапханашы меңгерушісі болып жасаған. 1959ж облыстық кітапханада 10 айлық курста оқып бітірген соң, 1959-1962 жж аудандық кітапханада кітапханашы болып жасады. 1962-1973 жж Аудандық партия комитетінің кітапханашысы болып еңбек етті. 1973-1992жж аудандық балалар кітапханасында кітапханашы болып жасады. 1988ж зейнеткерлікке шықты. Отбасында 9 бала тәрбиелеп, 1998 жылы «Ардақты ана» атағын алды. Үкімет грамоталарымен марапатталды.

Қайжан Гүлбағида Зағыпарқызы 1951 жылы Жымпиты ауылында дүниеге келген. 1958 жылы мектеп табалдырығын аттап, 1964-1969 аралығында Оралдағы С.Сейфуллин атындағы мектепте оқып, 1969 ж 11класты бітіріп шықты. Сол жылы кітапханалық мамандығын алып шықты. 1969 жылы сол мамандық бойынша Аудандық балалар кітапханасына кітапханашы болып орналасты. 1980 жылға дейін кітапхананың әр бөлімінде жұмыс жасады. 1980-1993 жылдары кітаппен қамту бөлімінде меңгерушілік қызметін атқарды.1993 жылдан бастап Аудандық балалар кітапханасының меңгерушісі қызметін атқарып келеді. Кітапханалық қызмет атқаруда алғыс хаттармен, мақтау грамоталармен марапатталды.1980ж «Үздік кітапханашы» атағын алды. Отбасылы, 2 бала, 4 немересі бар.

Кажғалиева Дина Ғарифолллақызы.

Сан ғасыр көшін жалғастырып, ұрпақтан–ұрпаққа жеткен мәдениетіміздің мұрасы – кітапты бүгінгі замандастарымыз бен келешек ұрпақтың игілігіне жаратуға өлшеусіз үлес қосып жүрген құрметке лайықты кітапхана маманы. Аудандық кітапхананың оқырмандарға қызмет көрсету бөлімінің меңгерушісі Кажғалиева Дина Ғарифолллақызы. Дина 1968 жылы Жымпиты ауданы Алғабас ауылында дүниеге келген. 1985 жылы Алғабас орта мектебін бітіріп, 1986 жылы Орал мәдени-ағарту училищесінің кітапхана ісі бөліміне оқуға түсіп, 1988 жылы үздік бітіріп, осы жылы Сырым аудандық балалар кітапханасының меңгерушісі болып жұмысқа орналасқан. 2001 жылы Батыс Қазақстан мемлекеттік М.Өтемісұлы атындағы университетінің кітапханатану және библиография бөліміне сырттай оқуға түсіп, 2004 жылы бітірген. Аудандық кітапханада 1988 жылдан бері қызмет атқарады. Оқырмандарға ұсынылатын әдебиеттерді жетік білуі, өз ісіне жауапкершілікпен қарауы, оқырмандарының арасында зор беделге ие болуына, олардың құрметіне бөленуге ықпал етті. Дина Ғарифолллақызы кітапхана ісінің әдістерін жан-жақты меңгерген, өз міндетін үздік атқаратын, жас мамандарға ақылшы ұстаз маман. Ұжымда беделді, ұйымдастырушылық қабілеті жоғары қызметкер.

Габбасова Тыныштық Орынғалиқызы 1973 жылы Тайпақ ауданы, Базаршолан ауылындағы орта мектепті бітірген. Орал мәдени-ағарту училищесінің кітапхана бөліміне оқуға түсіп, өз мамандығы бойынша Сырым аудандық кітапханасына 1992 жылы жұмысқа орналасып, өз ісін жетік білетін маман ретінде таныла білді. Кітапханалық қызмет атқарудағы жемісті еңбегі үшін облыстық мәдениет басқармасының «Алғыс хатымен» марапатталды. Отбасылы, 3 ұлы бар.

Кітапханада өткізілген көпшілік шаралар

«Парасат жолы» жобасы аясында өткізілген іс шаралар
Ақын, драматург, аудармашы Қасым Аманжоловтың туғанына 110 жыл толуына орай, өмір жолын, әдеби мол мұрасын кейінгі ұрпаққа насихаттау мақсатында «Көркем ойдың құдіреті» атты . Шараға ЖББ Қ.Мырзалиев мектебінің 7 «а» сынып оқушылары жетекшісі А. Бауыржанқызы, аудандық мәдени- демалыс орталығының әншісі А.Жұма қатысты.
Шара барысында оқырмандарға ақынның өмірі мен шығармаларынан мағұлмат берілді. Ақынның таудай тасқын жырларынан оқырман Ж.Ғинаятова «Туған жер», көркемдік сапасы аса биік туындысы «Оралым» – ды С.Қайыржан, ақынның майдан даласында ақын жолдасы А.Жұмағалиевтың ерлік оқиғасы себеп болған «Ақын өлімі туралы аңыз» поэмасын С.Иманғали мәнерлеп оқыды. Шара мәдени демалыс орталығының әншісі А.Жұма ақынның «Өзім туралы» жырын домбыраның сүймелдеуімен орындап берді.
Көрнекті қоғам және мемлекет қайраткері, ғалым, тарихи тұлға, өз заманының ұлы перзенті Д.А. Қонаевтың туғанына 110 ж толуына орай «Ел жадында сақталар жарқын бейне» атты портреттік кеш болып өтті.
Мақсаты: Өмірі мен еңбек жолын үлгі ете отырып елжандылыққа, отансүйгіштікке, азаматтыққа баулу; ел болашағын ойлайтын, халқы үшін еңбек ететін жастарды тәрбиелеу. Шараға ЖББ Қ. Мырзалиев мектебінің 9 «а» сынып оқушылары қатысып отырды, шара барысында оқымандарға қоғам қайраткерінің өмірнен, еңбек еткен жылдарынан мағұлмат беріліп, «Ұрпағы ұлықтаған ұлы тұлға» атты кітап көрмесіне библиографиялық шолу жасалды.
«Парасат жолы», «Жас суретшілер» клубы жұмысы
БЖШО-ның «Жас суретшілер» үйірмесі мүшелері, жетекшісі Г. Рахметованың қатысуымен дарынды, қылқалам шебері М.Жоламановтың туғанына 55- жыл толуына орай «Мұратбек қалдырған мұра» атты портреттік кеш болып өтті. Мақсаты: Мұратбектің өнері мен өмір жолын, ғұмырының келбеті өлмес мұраларын кейінгі ұрпаққа насихаттау. «Саз» мектебінің дәстүрлі ән сыныбының оқытушылары Д.Қажғалиев күші Ғ.Құрманғалиевтың «Салем саған Қазақстан» жырын, Ғ.Уалиахмет Ғ.Құрманғалиевтың «Қызыл қайың серперлер» күйінен ән шашу жолдады. Кітапхана оқырмандары А. Сарқұл ақын М. Баймолданың рухты арнау өлеңі «Мұратбекке», табиғат пен жан сұлулығының үйлесімін ұштастырып ерекше шабытқа бөленген Мұратбектің «Өмір сағым» өлеңін Н. Амандық мәнерлеп оқыды. Шара соңында оқырмандар Мұратбектің өшпес мұраларымен танысты.

ҚР Тәуелсіздігіне – 30 жыл
ҚР Тәуелсіздігінің 30 жылдығы қарсаңында Тәжік ауған шекарасынан Қазақстандық батальонның шығарылғанына 20 жыл толуына орай ұйымдастырылған «Ерлікке тағзым» тақырыбындағы тәрбие сағатының мәліметі. Мақсаты: жасөспірімдерге патриоттық тәрбие бере отырып, ерлікке тағзым ету.Шараға ардагер Ешмұханов Нурлан Ахонұлы, Сырым мектеп – лицейінің 7 сынып оқушылары қатысып отырды. Ардагер Нурлан Ахонұлы тарихи оқиғаларға тереңірек бойлап, оқырмандардың саналарында туындаған сұрақтарға жауап беріп отырды. Өз кезегінде оқырмандарға «Тәжік –ауған шекарасындағы соғысқа қатысқан ардагерлер» тақырыбында бейне көрсетілім көрсетілді.

14-Наурыз «Көрісу айт- ізгілік жаршысы» танымдық сағат.
Кітапханада Көрісу мейрамы, амал мерекесіне орай «Көрісу айт- ізгілік жаршысы» танымдық сағат оздырылды.
Мақсаты : 14-наурыз Көрісу күні туралы түсінік беру арқылы, қазақ халқының салт-дәстүрін көрсету, үлкендерге сәлем беріп, ізгілікке тәрбиелеу. Шараға кітапхана оқырмандары, ЖББ Қ.Мырзалиев мектебінің 4 «в» сынып оқушылары, сынып жетекшісі А. Аманжолқызы қатысып отырды. Шара барысында оқырмандар «Амал келді- жыл келді» атты кітап көрмесімен танысып, жалпы Көрісу айт тарихы туралы мағұлмат алды. Оқырмандар К.Аманкелді, Ж. Едіге қазақтың «Қазақ биін» мың бұрала билесе, Е.Қыдырғали, И.Қараман мерекелік «Бата» берді.

2- Сәуір Халықаралық балалар кітабы күніне орай өткізілген «Жылдың үздік оқырмандары» бенефисі.
Шараға Қ. Мырзалиев мектебінің 7 сынып 2- сәуір Халықаралық балалар кітабы күніне орай кітапханада «Жылдың үздік оқырмандары» бенефисі болып өтті. Шараға ЖББ Қ. Мырзалиев мектебінің
4«б» сынып оқушылары, сынып жетекшісі Қ.Амангелдіқызы қатысып отырды. Шара барысында жылдың үздік оқырмандары таныстырылып, оқырмандар оқыған кітаптарымен ой бөлісіп оқуға ұсынды. Өз кезегінде шара «Өй сергіту» бөлімімен жалғасып, оқырмандар берілген сұрақтарға нақты жауап беріп өз білімдерін көрсетті. Оқырмандарға «Кітап – өмір ұстазы» кітап көрмесі ұсынылып, библиографиялық шолу жасалды.

 

«Өз өлкеңді танып біл» жобасы аясында өткізілген іс шаралар
«Өз өлкеңді танып біл» жобасы аясында Қазақ жырының алыбы Қ.Мырза Әлидің өлеңдерін насихаттау, оқу мақсатында : «Туған жер- ай, күнім де, дінім де сен» поэзия сағаты болып өтті. Шараға ЖБб Қ. Мырзалиев мектебінің 4 «а» сынып оқушылары қатысып, А. Едіге «Туған жер», А.Аманжол «Не үшін», К. Амангелді «Туған жер ай, тілім де дінімде сен» атты туған жерге арналған өлеңдерін оқыса, «Балдырған» балабақшасының бүлдіршіндері Р.Ораз, А.Мендимова, С.Дулатова, Ж.Ерболатова ақынның балаларға арнап жазған «Диктант», «Досым екеуміз», «Тоқал ешкі», «Балақай», «Менің әжем» өлеңдерін мәнерлеп оқып берді.

«Бір ел , бір кітап» мәдени акциясы аясында өткізілген іс шаралар
Аса көрнекті ағартушы- педагог, жазушы, этнограф, қоғам қайраткер Ы. Алтынсарин туғанына 180 ж толуына орай өнегелі өмірін, сарқылмас мол әдеби мұрасын оқырмандарға насихаттау мақсатында «Ұлттың ұлы ұстазы» тақырыбында әдеби вернисаж болып өтті. Әдеби шара қонағы кітапхана жанынан құрылған «Парасат жолы» орталығының мүшесі, демалыс саябақтарының меңгерушісі А.Мурадимова ұлт ұстазының парасатты өміріне, идеясы үгіт насихат, өсиет, еңбекті сүю, қадірлеуді мақсат ететін шығармаларына тоқталып өтті. Балалармен жұмыс әдіскері Л. Бергалиева «Тәуелсіздіктің 30жыл 30 кітап» мәдени акциясы шеңберінде оқылатын «Өнер білім бар жұрттар» шығармасын оқуды ұсынды.
«Сырым мектеп лицей» жазғы мектеп оқушыларының қатысуымен «Бір ел, бір кітап» акциясы аясында ел болып оқуға ұсынылған ақын, ағартушы ұлт ұстазы А. Байтұрсынұлының шығармаларын оқытуда «Өлең сөздің маржаны» атты жыр марафоны болып өтті. Мақсаты: Ел болып оқуға ұсынылған ағартушы А. Байтұрсынұлының шығармаларын оқырмандар арасында насихаттау. Шара барысында оқырмандар С.Алпысбай, Е.Аман, А.Бақтығали, А.Зулқайнар ақынның «Оқуға шақыру», «Жұртыма», «Өлең -сөздің патшасы, сөз сарасы» өлеңдерін мәнерлеп оқыды.

2022 ж «Балалар жылы», «Ашық аспан аясында кітап оқу», «Жазғы кітапхана» шеңберінде өткізілген іс шаралар

6- шілде Астана күніне орай «Балдырған» балабақшасы «Ертөстік» тобы бүлдіршіндерінің қатысуымен «Төбесінде жарқырап, күн байланған- Астанам» тақырыбында әдеби сазды сағат болып өтті.
Мақсаты: Бүлдіршіндерді Астана тарихымен таныстыру. Шара Еліміздің Әнұранымен басталып, кішкентай бүлдіршіндер қазақтың «Жетіген», заманауи «Топ, топ» әндерін шебер орындап, А.Рысқали «Менің Астанам» өлеңін мәнерлеп оқыды. Бүлдіршіндерге «Гүлдене бер Астанам» тақырыбында әдеби көркем көрме ұсынылып таныстырылды. Шара барысында ұлттық ойындар ойналып, «Дене нұсқаушысы» Е.Шукановтың жетекшілігімен спорттық ойындармен жалғасты.
«Балалар жылы», «Ашық аспан аясында кітап оқу» айдарымен оқырмандардың жаз мезгілінде бос уақыттарын кітап оқып, тиімді пайдалану мақсатында «Кітап ақыл ой қазынасы» атты кітап көрмесі ұйымдастырылып оқырмандарға оқуға ұсынылды. Шара барысында оқырмандар А.Бауыржанова балалар ақыны О.Асқардың «Шілдехана», М.Асхат, А.Ақметқали «Апа», А.Сопыбековтың «Шаңырақ» шығармаларын мәнерлеп оқып өз қызығушылықтарын білдірді.

«Жазғы кітапхана» оқырманы Марат Мерей кітапханада ұйымдастырылған «Кітап әлемі балалықтан- даналыққа» атты кітап көрмесі аясында «Таңғажайып хикаялар» айдарымен «Гуливердің саяхаттары» әңгімесін оқуға ұсынады.

Аудандық балалар кітапханасының меңгерушісі: Т.О. Габбасова

Қособа – Сырым ауданындағы ауыл әкімшілігі округінің орталығы. Аудан орталығы – Жымпиты ауылынан оңтүстік-батысқа қарай 25 км жерде, Өлеңті өзенінің сол жағалық жазығында, бетеге, көкпек, еркекшөп өскен бозғылт қоңыр, сортаңды қоңыр топырақты шөлейт белдемде орналасқан. Тұрғыны 726 адам. Қособа ауылдық округіне Жырақұдық ауылы қарайды. Халық саны 690 адам.
Бүгінгі таңда ауылдық окрукте 1 дәрігерлік амбулатория, 1фельдшерлік акушерлік пункт, 1 кітапхана, 1ауылдық клуб жұмыс жасайды.
Қособа совхозында «Киров», «Қырымқожа» бөлімшелері болды. Барлық жер көлемі – 134781 га., соның 122430 гектары мал жайылысы, 8399 га шабындық, 3952 га егістік жері болды.
Халыққа қызмет көрсетілетін дәрігерлік амбулатория, бір фельдшерлік-акушерлік пункт, ауылдық кітапхана, байланыс торабы, электр жүйесі, сауда орындары, монша, жылыту жүйесінің бу қазандары, 200 үстінде тұрғын үйі бар. Осы ауылдағы Аяқкөл ауылдық кітапханасы 1967 жылы ашылды. Кітап қоры 2000 дана болды. Кітапханада кітапханашылар Есмағанова Сәния, Өтепкалиева Жанаргүл, Ахметкалиева Гүлсім, Идаева Гүлбақша қызмет етті.
Қазіргі таңда кітап қоры 6258 дана. Оқырман саны 634. Оқырманға кітап берілімі 4994 дана. Кітапханашы Бекчурина Динара 1984 жылы туылған. Жоғары білімді маман. 2008 жылы Батыс Қазақстан Мемлекеттік университетінің кітапханатану факультетінің сырттай бөлімін бітірген. Қазіргі уақытта кітапхана жергілікті тұрғындардың талап – тілектері мен сұраныстарының жан – жақты ақпараттың қажеттіліктерін ескеретін мәдени-ағарту орталығы болып табылады.
Кітапхана әр заманда, әр қоғамда қай халықтың да қасиетті құттыханасы, рухани қазынасы болып саналады.
Аяқкөл ауылдық кітапханасы ауыл халқының мәдениетін көтеруге,ауылда кітапхана жұмысын жақсарту, әдебиет пен ғылымның жетістігін үзбей насихаттауға, кітапхана қорын толықтыруда, пайдаланушылардың сұраныстарын қанағаттандыруда жұмыс түрлерінің жаңа тәсілдерін пайдалана отырып, біршама жұмыстар атқарып келеді.
Кітапхананың қазіргі кезде жас жеткіншектердің өскелең талабын қанағаттандыруда жалпы қабілетін ой-өрісін дамытуда оқырманның қызығушылығын арттыруда алатын орны ерекше.
Аяқкөл ауылдық кітапханасы ауыл тұрғындарына руханият шапағатын дарыту, олардың мәдениетін көтеру бағытында мектеп, бала-бақша, мәдениет үйі, денсаулық сақтау қызметкерлерімен тығыз байланыс жасап жұмыстануда.
Балалардың кішкентай кезінен кітапқа деген сүйіспеншілігін, оқуға деген ынтасын арттыру біздің міндетіміз. Осы міндетті басшылыққы ала отырып, мектеп жанындағы бала-бақшада «Ертегілер елінде» атты ертеңгілік, мәдениет үйі қызметкерлерімен «Наурыз келді сағынтып», «Халық өнері асыл қазына» кездесу кештері ұйымдастырылды.
Кітапханада Қособа округіне қарасты Жырақұдық ауылына көшпелі кітапхана ұйымдастырылған. Жырақұдық ауылы Қособа ауылынан 3 км. қашықтықта орналасқан.
Қазіргі уақытта кітапхана жергілікті тұрғындардың талап-тілектері мен сұраныстарынының жан-жақты ақпараттық қажеттіліктерін ескеретін мәдени-ағарту және ақпараттық орталық болып отыр. Кітапхана жұмысының негізгі бағыттары кітаптарды насихаттау, оқырмандардың ой-өрісі, талап-тілегін өзінің алдына қойған мақсатымен ұштастыра отырып көпшілік шаралардың тиімді түрлерін ұйымдастыруда. Кітапханаға оқушы балалар, әр түрлі сала мамандары, зейнеткерлер, кәсіпкерлер және тағы басқа топ оқырмандары өздерінің сұраныстарын қанағаттандыру үшін келеді.
Кітапханада балалармен «Менің Отаным Қазақстан» жұлдызды сәт ойыны 17 оқырманмен ұйымдастырылды. Бұл бағдарлама негізінде оқырмандардың өз отанының тарихын білуге олардың өз бетімен ізденіп, жан-жақты ізденуге, есте сақтау қабілетін арттыру негізінде бәйге, тіл, өнер, жорға сайысы арқылы өз біліктіліктерін таныта алды. «Өз құқығыңды білесің бе?» атты сұрақ жауап кеші өткізілді. Кітапханада «Ауырып ем іздегенше,ауырмайтын жол ізде» тақырыптық кеш 10 жасөспірімдермен өтті.
Кітапханада жасөспірімдермен салауатты өмір салтын насихаттауда, есірткіден сақтану, оның зияны туралы насихаттауда «Есірткі қауіпті дерт» атты дөңгелек стол ұйымдастырылды.

Сіздер бұл шахын басылымнан Сырым ауданы орталықтандырылған кітапхана жүйесіне қарасты Бұлан ауыл кітапханасының тарихымен таныс боласыздар.
Бұлан ауылы ауданнан 12 шақырым қашықтықта орналасқан. Бұлан әкімшілік округінің орталығы. Бұлан ауылы 1969 жылы құрылған. Тұрғындар саны округте ауылшаруашылығымен айналысатын бір ЖШС және 10 шаруа қожалығы бар. Биылғы жылы «Бұлан» ЖШС 3400 гектар жерге егін салды. Шаруа қожалықтары да 10500 ц мал азығын дайындап, өз қажеттерінен артылғанын жеке тұрғындарда сатып, азаматтардың малын, мал азығымен қамтылуына өз үлестерін қосты.
Қазіргі таңда білім саласында жүргізіліп жатқан реформаның басты мақсаты ой-өрісі жаңашыл, шығармашылық деңгейде қызмет атқара алатын дүниетанымы жоғары, жан-жақты қалыптасқан жеке тұлға даярлау болса, осы мақсат жолында қажырлықпен еңбек етіп жақсы көрсеткіштерге ие болып отырған үлгілі мектептердің бірі – жалпы білім беретін Бұлан орта мектеп-балабақша кешені. Мектепте 26 мұғалім, 3 тәрбиеші қызмет етеді. Оның 76 пайызы – жоғары білімді педагогтар.
Мұғалімдер өз пәндері бойынша білім жетілдіру курстарынан өтіп, жаңа технологиялық әдіс-тәсілдерді өз сабақтарына енгізу арқылы, жақсы көрсеткіштерге жетуде. Жоғарғы көрсеткіштерге жету нәтижесінде мектеп түлектері грант иегері атанып, жоғарғы оқу орындарына түсуде.
Елбасы Қазақстан халқына Жолдауында «Балабақша жүйесін қалпына келтіру және толыққанды мектепке дейінгі білім беруді қалыптастыру керек» деген игі бастамасын орындау мақсатында 2006 жылдың соңында 20 орындық балабақша пайдалануға берілді.
Ауылдағы ғылым-білім мен танымның ордасы, мәдениет пен әдеби мұраның қара шаңырағы – Бұлан ауыл кітапханасы. Кітапхана 1969 жылы 3000 дай дана кітап қорымен ашылды. Кітапхана меңгерушісі болып Иманғалиева Камила Иманғалиқызы 1969-1974 жылдары жұмыс жасады.
Иманғалиева Камила Иманғалиқызы 1950 жылы Сырым ауданы Бұлан жерінде дүниеге келген. 1957 жылы мектепке барып 1967 жылы аяқтап, Ақтөбе қаласындағы мәдени-ағарту училищесінің кітапханашы бөлімін бітіріп, алғашқы еңбек жолын Бұлан ауыл кітапханасынан бастады. Әркез сабырлы, үлкен адамгершілік иесі, рухани дүниесі, таным білігі мол Камила Иманғалиқызы жастарға, кітапхана оқырмандарына бағыт-бағдар сілтейтін тәжірибелі кітапханашы болды. Кітапхана клубтың бір бөлмесінде орналасты. Оқырмандар саны 70-80-дей болады. Сол уақыттағы тұрақты оқырмандар: Досалиев М, Шабдушев А, Куткужин О, Қожиев Я, т.б. болды. Мал шаруашылығындағы еңбек еткен малшыларға, шопандарға үнемі көшпелі кітапхана жұмысы ұйымдастырылып отырды. Көшпелі кітапхананың оқырмандары: Абуов Ғ, Утешов Ж, Акмуханов К, Жумағалиев Н сынды оқырмандар кітапханамен тығыз байланыста болды.
Камила Иманғалиқызы шығармашылық ізденісте оқырмандармен байланысып, кітапханада түрлі тәрбиелік шаралар жүргізіліп отырды. 1975-1977 жылдары кітапхана меңгерушісі болып Алматы қыздар педагогикалық институтының «Кітапхана және библиография» бөлімін бітірген Сапиева Мадина қызмет атқарды. 1975-1977 жылдары кітапханада 6-7 мыңдай кітап қоры болды. Кітап қорына жылына 1000-ға жуық жаңа әдебиеттер қосылып отырды.
1978-1985 жылға дейін кітапханашылық қызметті Мухамбетжанова Алтын атқарды. Сол жылы жаңа клуб салынып, кітапхана клубтың бір залына көшірілді. Кітапханашылық мамандығы болмағанымен Алтын Хамитқызы, талапты өз оқырмандарымен тамаша тіл табыса білетін беделге ие, оқырмандардың әр-түрлі тобына арналған үнемі көпшілік шаралар ұйымдастырады, сұранысқа сай қызмет көрсетіп, оларды кітапханаға тарту ісін ойдағыдай жолға қоя білді.
Кітапханадағы кітап қоры 15000-ға жуық.
Оқырман саны 800-дей, кітап берілімі 1000–дай болды. Кітапханаға келушілер саны жылына 5000-ға жетіп отырды. Жаңа әдебиеттердің келу саны
500 болды. Өткізілген көпшілік шаралар саны 35. Көшпелі кітапхана жұмысын үгіт бригадасымен бірлесе отырып, диқаншыларға, малшыларға, т.б. пунктерге жылына 200-дей кітап, 600-ге жуық мерзімдік басылымдар таратып отырды.
Кітапханашы – көп салалы еңбек адамы дегендей, Хамитқызы Алтын еңбек еткен жылдары әр түрлі саладағы әдебиеттерді оқырмандарға ұсынып, қызықты кештер, кездесулер, (ауыл мамандарымен) конференциялар ұйымдастырып, кітапхананы әдеби кештер өткізетін орталыққа айналдырды.
Білім ордасы – мектеп ұжымының тәрбие жұмысының жетекшісі Кульбаева Г.З. бірлесе отырып, «Көгілдір шырағдан» атты үлкен көлемде мамандық таңдау кешін ұйымдастырды. Кешке совхоздың барлық мамандары шақырылды. Жастар ұйымымен бірігіп «Әскер қатарына барасыз» сазды кеш, «Сен мәдениеттілікті қалай түсінесің?» диспут, «Біздің ауыл» пікірталас кештері оқырмандардың қолдауымен өте қызықты өтіп, көптің көңілінен шықты. Осындай әсерлі шаралардың нәтижесінде оқырмандардың кітапханаға келу саны жыл сайын көбейді.
«Жақсы кітап оқу жақсы адаммен сырласқансмен бірдей», деп орыс жазушысы Л.Н.Толстой айтқандай, кітапхананың тұрақты оқырмандары Таженов Қ бір жылда 41 кітап, Құтқожин О – 46, Басигарин Б – 38, Исимова С – 48, Исимова Т – 36 кітап алып оқыды.
1985-1986 жылдары кітапхана меңгерушісі болып, Орал қаласындағы мәдени-ағарту училищесінің «кітапханатану» бөлімін бітірген жас маман Тұралбекова М, 1986-1987 жылдары Тұралбекова В қызмет атқарды.
1987-1988 жылдарда Бұлдырты орта мектебінің түлегі Балпейісова Гүлзира Муханбетжанқызы қызмет істеді. Кітап қорында 12000-ге жуық кітап болды. Оқырмандар саны – 750. Көшпелі кітапхана жұмысы уақытылы қызмет жасады. №1, №2 бригадаға 160 кітап, 120 мерзімдік басылымдар апарылып отырды. Кітапханада үнемі мектеп, балабақша, мәдениет үйімен бірлесе түрлі тәрбиелік маңызы бар көпшілік шаралар жүргізіліп отырды. Бір жылдай уақыт ішінде Гүлзира өзінің ақжарқын мінезімен оқырмандарына зерттеу жұмыстарын жүргізе отырып, кітапхананы оқырмандардың сүйікті орнына айналдыра білді.
1989 жылдан бастап күні бүгінге дейін кітапхана меңгерушісі болып Аманбаева Асия Сағатқызы атқарып келеді. Асия Сағатқызы 1968 жылы Бұлдырты ауылында дүниеге келген. 1976 жылы бірінші сыныпқа қабылданып, 1986 жылы Бұлдырты орта мектебін аяқтап, 1987 жылы Жезқазған қаласындағы мәдени-ағарту училищесінің кітапханатану бөліміне оқуға түсіп, 1989 жылы бітіріп, содан бері Бұлан ауылындағы кітапханада еңбек етіп келеді. Өз мамандығын көтеру мақсатында 2005 жылы Батыс Қазақстан мемлекеттік университетінің «Кітапханатану және библиография» мамандығына оқуға түсті, 2007 жылы бітіріп шықты.
2005 жылы облыс орталығында «Ауыл кітапханаларындағы балалармен жұмыстың жаңа бағыттары» атты аймақтық-республикалық семинарға қатысып келді. Онда өткізілген «Кітапханаға қоғамның сенімі» атты дөңгелек үстелге және «Қазіргі кітапханашы қандай болу керек?» тақырыбындағы пікіралмасуға қатысты.
2006 жылы Бөкейордада өткен «Кітапхана және оқырман: қазіргі кездегі қарым-қатынас негіздері» атты зерделі кеңеске қатынасып, озық іс-тәжірибе ретінде «Отбасы және кітапхана» мүдделестер клубының жұмысын көрсетті. Сол жылы Ж.Молдағалиев атындағы облыстық ғылыми-әмбебап кітапханасының 135 жылдығына арналған облыс кітапханашыларының форумына қатынасып «Кітапхана ауылдағы ақпараттық және мәдени орталық» деген тақырыпта баяндама жасады, облыстық мәдениет басқармасының Мақтау грамотасымен марапатталып, заттай сыйлыққа ие болды.
1989–1990 жылдары кітапхана қорында 9544 дана кітап болды. Оқырмандар саны – 800, кітаптың берілуі 12000-нан асып отырды.
1991-92 жылы кітап қоры 10233 данаға жетті. Жылына кітапхана қорына 689 дана жаңа әдебиет қосылды. Мерзімді басылым саны 22 болды.
Кітапханаға оқырмандар жиі келіп қажетті әдебиеттерін, материалдарын жазғызып алып, газет-журналдарды оқу залында отырып керегінше пайдаланды. Оқырмандарға қызмет көрсетудің жаңаша түрлері қолданыла бастады. Тұрақты оқырмандармен (Зинегабденов Р, Нургалиева Г, Султангалиев Б, Куткужин Ө, Муханбеткалиева Ж, Жанесова Г, Ташенов Қ, Габдушев М т.б.) байланысып, әр ғасырда өмір сүрген ғалымдар еңбегімен және жазушылардың шығармаларымен танысуына ықпал жасап «Оқырман бинефисін», «Менің алғашқы кітабым» тағы басқа шаралар ұйымдастырылып отырылды.
Ұйымдастырылған шаралардың ішіндегі қызықты да әсерлі өткен шара З.Жакеновтың «Көшпелі алтын» кітабы бойынша өткізілген оқырмандар конференциясы мен «Бұл жерде менің туған өлкем» атты пікірталас кешін айтуға болады. Конференцияның нәтижесінде «Көшпелі алтын» кітабы 140 рет оқылды.
Сол жылы кітапхана бұрынғы әкімшілік ғимаратына көшірілді.
1993-94 жылдары кітапханадағы кітап қоры 10264 дана болды, оқырмандар саны 850-ге жуық, кітап берілімі 10000-дай болды. Бірақ көпшілік жұмыстар өткізуге мүмкіндік болмады, себебі орналасқан жері өте тар болды. Дегенмен де ауыл тұрғындарын рухани байлықсыз қалдыруға болмайды, әсіресе кітапхана арқылы оқырмандардың ішкі жан-дүниесі мен мәдени рухы, адамгершілік қасиеті, эстетикалық талғамы, өмірге деген көзқарасы, сана–сезімі қалыптасады. Бұл бағытта кітапхана мектеп ұжымымен, мәдениет қызметкерлерімен тығыз байланыста болып, жас ұрпақты кітап оқуға баулуда үлкен үлес қосты.
1995-96 жылдары кітап қорының саны 10531 болды, 750-ден аса оқырманы, жыл сайын 10000-дай кітап беріліп, келушілер саны 3000-нан асты. 20 атаулы мерзімді басылымдарды жаздырып алдырды.
«Кітап – білім кілті» демекші кітапхананың атқаратың жұмысы үлкен, солардың ішінде балалардың шығармашылық жұмыс істеуіне көп ықпалын тигізеді.
Бала – біздің болашағымыз десек, олардың өз өмірлерін қызықты да баянды өткізулері біздің қолымызда. Сондықтан да кітапханада балалар кітабы күніне «Білім кілті – кітапта» тақырыбында апталық өткізіліп, «Балаларға базарлық» кітап көрмесі ұйымдастырылды. Ал Халықаралық балаларды қорғау күніне де түрлі ойындар, сурет байқауы ұйымдастырылды.
Оқырман балалардың ақпараттық мәдени білімділік сұранысын қанағаттандыру бағытында «Ертекші» клубы ұйымдастырылды. Кітапхана ішінде балаларға арналған «Балалар қалашығы» ашылды. Селолық әкім Қ.Зинуллин, мәдениет үйі қызметкерлері диқаншыларға «автопоезд сапарда» деген атпен еңбек адамдарының көңіл-күйін көтеруге ат салысты. Осы сапарға кітапхана жанынан ұйымдастырылған «Ертекші» әуесқойлар клубының мүшелері Абай Құнанбаевтың 150 жылдық тойы қарсаңында өлендерін, нақыл сөздерін жатқа айтып, «Шықбермес Шығайбай» (халық ауыз әдебиеті), «Зеректік» (А. Құнанбаев), «Түлкі», «Аю мен қойшы» ертегілерін сахналық көрініске айналдырып, диханшы қауымның көңіл-күйін көтеруге олардың рухани мәдени демалуына өз үлестерін қосты. Әсіресе клуб мүшелері Сәрсенбаева Л, Бактыгазиева Л, Меңдіғалиева Н, Сатаева Т, Тастаева М орындаған ролдері өте сәтті шықты.
Ұлттық тәрбие бағытында тарихымызды, өнерімізді насихаттау бағытында тақырыптарға арналған мәдени көпшілік жұмыстары тоқсан сайын өткізіліп тұрды.
Қадыр Мырзалиевтің 60 жасқа толу мерейтойына арналған «Қадыр лирикасының сыңғыры бөлек, сыры терең» поэзия кеші, Ұлы Жеңістің 50 жылдығы қарсаңында «Мен қазақ қыздарына қайран қалам» ауызша журнал, жыр алыбы Ж.Жабаевтың 150 жылдығына «Асқақ үнді, алып ақын» атты апталық ұйымдастырылды.
1997-98 жылдары кітапхана қорының жаңа әдебиеттермен толығуы өте төмен болды. Нарық заманының қиыншылықтарына кезіктік. Дегенмен уақыттың талап-тілегіне сай көпшілікті ақпараттық қажеттіліктермен өз дәрежесінде қамтамасыз ету үшін кітапханашы оқырмандар сұраныстарын жазып алып, сол бойынша қажет кітаптардың барын аудан орталығындағы кітапханадан әкеліп беріп отыруды жұмыс дағдысына енгізді. Сонымен бірге ауылдық округ әкімшілігі көмектеріне сүйене отырып, мәдени көпшілік шара түрлерін де ұйымдастырып отырды.
1997 жыл «Саяси қуғын-сүргін құрбандарын еске алу жылы» деп жарияланғаны баршамызға мәлім. Осыған орай Ш. Мұртазаның «Тамұқ» кітабының тұсау кесері өткізілді. Қазақтың жазықсыз жапа шеккен аяулы азаматы, белгілі қоғам қайраткері Т.Рысқұловтың түрмедегі соңғы күндерінен, мәдениет үйінің режиссері Өтешова Г. ұйымдастыруымен сахнада ықшамдалған шағын қойылым көрсетілді.
ЮНЕСКО деңгейінде аталып өткен заманымыздың заңғар жазушысы М.О.Әуезовтың туғанына 100 жыл толуына «Дәуірдің дара тұлғасы» атты әдеби кеш өткізілді.
«Қазақстан – 2030» стратегиялық бағдарламаға сай әр түрлі шаралар белгіленіп, мектеп ұжымымен бірлесіп табиғатты аялау, Отанды сүю, салауатты өмір салтын қалыптастыру, халқымыздың өнері мен мәдениетін, тарихын, дінін, тілін қастерлеуге бағытталған әр түрлі тақырыптарда көпшілік шаралар жоспарлы түрде жүзеге асырылды.
«Қазақстан – 2030 және менің арманым» атты ертенгілік, жастар арасында «Қазақстан-2030 стратегиясын жүзеге асыру жастардың еншісінде» атты дөңгелек үстел өткізілді.
1999 жылы аты әлемге әйгілі мәшһүр ғалым, Қазақстан ғылым академиясының тұңғыш президенті Қаныш Имантайұлы Сатпаевтың туған күні аталып өтті.
2000 жылы кітапхана қорында 9596 дана кітап болды. Жыл ішінде кітап қорына 54 жаңа әдебиет қосылды.
Елбасы «2000 жылы – мәдениетті қолдау жылы» деп жариялаған болатын. Бұл, яғни кітапхана қызметкерлерінің алда тұрған міндеттерін арттыратын мәні зор қолдау болды.
Мәдениетті қолдау жылында «Кітапханаға кітап сыйлайық» акциясы өткізілді. Ауыл тұрғындары бұл істі ұйымшылдықпен қолдап, өздерінің жеке кітапханаларынан Бұлан ауыл кітапханасының кітап қорына 63 дана кітап сыйлады. Атап айтсақ, кітапхананың жанашыр белсенді оқырмандары Мұратов Р, Жалекенова А, Нургалиева Г, Куткужаева Қ, Жубангалиева А, Куткужина А т.б. кітап сыйлады.
Кітапханада көптеген тақырыптық кештер, еске алу кештері, әдеби- музыкалық шаралар ұйымдастырылып отырды. Соның бірі композитор Ш. Қалдаяқовтың туғанына 70 жыл толуына мәдениет үйі қызметкерлерімен бірігіп өткізген «Менің Қазақстаным» атты музыкалық кеш. Бұл кеште (бұрынғы бас мал дәрігері Ш. Мурадимов) Алматы қаласында студент кезінде Шәмшімен болған кездесулерін қызғылықты әңгімелеп берді.
«Әр адамның ең жақын досы, өмір досы кітап болуға тиіс»-деп М. Әуезов айтқандай, оқырмандарға ақпараттық қызмет көрсетумен қатар жұмыстың жаңа әдіс-тәсілдерін енгізе отырып, көптеген мәдени шаралар өткізу арқылы кітап қоры да оқырмандарға насихатталып отырды.
ЮНЕСКО көлемінде аталып өтетін атақты ақын жазушыларымыздың шығармаларын топтап «Өнегелі өмір, өшпес мұра» тақырыбында кітап көрмесі шығарылды.
Оқырманды зерттеу, оқырмандар талабымен санасу – кітапхана жұмысының негізі бағыттарының бірі. Оқырмандарды зерттеу барысында «Мен бір жылда не оқыдым?» деген тақырыпта дөңгелек үстел өткізілді. Оқырмандар өздерінің оқыған кітаптары мен пайдаланған библиографиялық құралдары туралы пікірлерін айтты.
2001 -2002 жылдары кітап қорына 389 кітап
қосылып, кітап қоры 10048-ге жетті, оқырман-
дар саны – 650, кітап берілімі – 10000.
Стационардан тыс 58 оқырманға жылына 167
басылым пайдалануға берілді.
Кітапханада жас ұрпаққа тәуелсіз қазақ мемлекетінің 10 жыл ішінде алған асулары, бағындырған шыңдары туралы кеңінен мәлімет беретін игі іс-шаралар көптеп атқарылды. Соның бірі оқушылар және мұғалімдермен бірлесе өткізілген «Тәуелсіздік даңғылы» тарихи–танымдық кеші. Қазақ поэзиясының Хантәңірі болған М. Мақатаевтың 70 жасқа толуына арналған «Мұқағали мәңгілік жыр» поэзия кеші ұйымдастырылды. Жалпы жыл бойы кездесулер, тарихи кештер, ауызша журнал, әңгіме сағаттары, ертеңгіліктер сынды көпшілік шаралар ұйымдастыру толастамайды.
Сырым бабаның 260 жылдық мерейтойына, денсаулық сақтау жылына бір жылға іс-шаралар жұмысы жоспарланып, сол жоспар бойынша жұмыстар атқарылды.
Елімізде нашақорлықпен есірткі бизнесіне қарсы күрестің 2001-2005 жылға арналған стратегиясы жарияланғаны бәрімізге белгілі. Стратегия мақсаты мен міндеттерін жүзеге асыру және маскүнемдік пен нашақорлықтың алдын-алу шараларын жүзеге асыру мақсатында «Нашақорлық – ХХІ ғасыр дерті» атты ток-шоу ұйымдастырылды.
2003-2005 жылдары кітапхана қоры 10682 дана әдебиетке жетті. Осы жылдарда кітапхана қорына 634 жаңа әдебиет қосылды. Жаңа әдебиеттердің келуі пайдаланушылардың кітапханаға келуінің санының артуына септігін тигізді. Жылына келушілер саны 3500-ге жетіп отырды. Оқырман саны – 650.
Жыл өткен сайын кітапхананың материалдық-техникалық базасы нығайып келеді. 2003 жылы кітапхана жеңіл жөндеуден өткізілген әкімшілік ғимаратының бір бөлмесіне орналастырылды. Оқырмандарға қызмет көрсету бөлімі оқу залы мен абонементтен тұрады.Оқу залы Абонемент
Кітапханада жылына 200-ден астам әр түрлі мазмұндағы анықтамалар беріліп отырады. 9 мерзімді басылымдар жаздырып алады, барлығы да ана тілімізде. Сонымен қатар кітапхананы эстетикалық көркемдеуде ауыл әкімшілігі 4 үстел, 5 орындық және 5 терезе жапқыш, 4 люстра берді. Техникалық құралдардан аудандық кітапхана компьютер берді. Кітап қорының көп даналығы қуанарлық болғанымен, уақтылы есеп жұмысы жүргізілсе де, әдебиеттердің көбі мазмұны жағынан ескірген. Осы бар мүмкіншіліктерді пайдалана отырып, кітапхана дәстүрлі мәдени шаралар өткізуде жұмыстың жаңа әдістері мен түрлерін кеңінен қолдана бастады.

Елбасының «2003-2005 жылдары – Ауыл жылдары» деп жариялауына орай ауыл энциклопедиясы жасақталды. «Киелі ата мекенім», «Ауылдың абзал аналары» кездесу кеші», «Ауыл – ел айнасы» кітап көрмесіне шолу сияқты шаралар ұйымдастырылды.
– Жауынгер ақын Махамбет Өтемісұлының туғанына 200 жыл толу мерейтойына «Махамбет алмас жырлы ақын, айбалталы батыр» әдеби сазды кеші
– Орал қаласының 390 жылдығына «Орал – сүйікті қалам» сұрақ жауап кеші
– Тың және тыңайған жерлерді игерудің 50 жылдығына «Тыңдағы бүкіл халықтың ерлігі»
– А.Бақтыгерееваның 60 жас мерейтойына «Өмірді өрнектеген өлеңменен» ауызшы журнал
– Жерлес ақын Қ.Мырза Әлінің 70 жасқа толуына арналып «Сырым елінің жыр жұлдызы» әдеби кеш
– Ж.Молдағалиевтің 85ж ылдығына «Жұбан елі – жыр әлемі» әдеби кеш
– Ұлы Жеңістің 60ылдығына «Елге ұран, ұрпаққа үлгі ардагер» кездесу кеші
– Жұмақаева Г.Т. «Ғажайып тұлға» кітабының тұсау кесері ұйымдастырылды.
Мемлекетімізде ұлттық маңызы бар бірқатар бағдарламалар болса, солардың бірегейі – «Мәдени мұра» бағдарламасы. Осы орайда кітапханада 2004-2006 жылдары «Мәдени мұра» мемлекеттік бағдарламасын оқырмандар арасына кенінен насихаттау арнайы жұмыс жоспары бойынша ұйымдастырылды.
«Мәдени мұра – асыл қазынамыз» кітап көрмесі, «Мәдени мұра – рухани жаңғырудың негізі» тақырыптық папкасы жасақталып, «Халық мұрасының жарасымды жалғасы» атты ауызша журнал ұйымдастырылды.
Ұрпақтарымызды парасатты да білікті, мәдениетті де білімді етіп тәрбиелеуде, олардың рухани жан дүниесін, дүниетанымын жалпы адамзаттық деңгейде дамытуда кітапханалардың алатын орны ерекше. Қай қоғамда болмасын кітапхана білімді тереңдетудегі қайнар бұлақтың көзі болған. Көктемде еккен тал шыбықтың тамыры тереңге жайылып, бой алып өсуі үшін жылдар бойы табиғаттың да, аралдардың да көмегі қажет-ақ.
Біздің балғын оқырмандарымыз да осы тал шыбықтай. Жас жеткіншектердің рухани байлығын, жалпы қабілетін, ой-өрісін дамыту, кітап оқуға тарту мақсаты – кітапхана алдындағы мақсаттарының бірі болып, бала тәрбиелеп отырған жанұямен байланыс жасауда «Ананың әлдиі» және отбасы және кітапхана клубтары ұйымдастырылды. «Ананың әлдиі» клубының мүшелері болып мектеп жасына дейінгі бүлдіршіндер. Бекжан Альберт, Қабекен Жұпарқан, Сарсенбаева Нарқыз, Габсаликова Г, Ерболатқызы Махаббат, Басібек Ақжібек болды. Анасымен бірге үнемі кітапханамен тығыз байланыс жасап «Кітап – біздің досымыз» атты ертеңгілікке қатынасып, ертегі кейіпкерлерімен таныстырылды.
Клуб мүшесі Бекжан Альберт «Кітап – біздің досымыз» ертеңгілігіне қатынасып, өзіне ұнаған «Дәуіт пен қарылғаш» ертегісі туралы өз ойын оқырман балаларға жеткізе білді. Сонымен бірге Бәсібек Ақжібек тілдер мерекесіне арналған «Сүйемін туған тілді – анам тілін» байқауына қатынасып, 2-ші орынды иеленді.
«Отбасы және кітапхана» атты мүделестер клубының мақсаты, ауыл тұргындарын отбасымен кітап оқуға насихаттау, кітап және кітапхана жөніндегі түсініктерін кеңейту болып табылады. Отбасымен оқитын жанұялар қатарынан Ермеков Б, Нұгманов О, Кажмуратов Н, Шакиров Б, Бегимов Т, Таженов А отбасыларын атауға болады. Клуб мүшелерінің ұйымдастыруымен «Жанұя тәрбиесі әдепте», «Отбасы және ана тілі» сайысы, «Білімді ұрпақ Қазақстанның болашағы» сұрақ жауап кеші,«Сіздің балаңыз қай бағытта оқиды» дөңгелек үстел т.б шаралар ұйымдастырылды. «Кітап – білім кілті» демекші, кітапхананың атқаратын жұмысы үлкен, солардың ішінде балалардың шығармашылық жұмыс істеуіне көп ықпалын тигізеді.
2006-2007жылдары кітап қоры 10900-ге өсті. Халық санының азаюына орай, кітапхана оқырмандарының саны да азайып, кітапхана 500 оқырманға қызмет көрсетіп отыр. Кітап берілімі 10100, келушілер саны -3000-дай.
Оқырмандардың күнделікті ақпараттық сұраныстарын қанағаттандыруда мерзімді басылымдардың рөлі ерекше. Соңғы жылдарда 15 атаулы мерзімді басылымдар алуға қол жеткізді. 15-де қазақ тіліндегі басылымдар.
Абонементте әдебиеттер сала бойынша орналасқан. Оқырмандар көптеген жаңалықтарға, қажетті, қызықты кітаптарға кенеледі, сонымен қатар сирек кездесетін бағалы кітаптар жиналған, мәселен оқымысты ғалымдардың еңбектері, Қазақстан Республикасы туралы анықтама баспалары т.б. әдебиеттерді пайдаланады.
Келген жаңа әдебиеттермен таныстыру, өлкеміздің атақты ақын-жазушыларының шығармалары бойынша кештер өткізу дәстүрге айналған. Жазғы мектеп демалысы кезінде абонемент айтарлықтай жұмыс ауқымын қамтиды. Демалыс лагеріне жылжымалы кітапханалық қызмет көрсетіледі. Жылына 50-60 оқырманға 250-300 басылым пайдалануға беріледі.
Оқырмандарға жарнамалық қызмет арқылы кітапхананың негізгі жұмыстарын, бөлімдерін, кітапхананы пайдалану ережесін, кітапханада өтетін көпшілік шараны оқырманға жаңа қырынан көрсетіп кітапхана жұмысын насихаттауда қазіргі дизайндық үлгіде безендірілген «Оқырман назарына» жэне «Балалар бұрышы» атты жарнамалық беттер шығарылды.
Кітапхана жұмысының негізгі бағыты – кітаптарды насихаттау, оқырмандардың ой-өрісін, талап-тілегін, өзінің алдына қойған мақсатымен ұштастыра отырып көпшілік шаралардың тиімді түрлерін ұйымдастыру.
Кітапханаға оқушы балалар, әр түрлі сала мамандары, зейнеткерлер, кәсіпкерлер және т.б оқырмандар тобы өздерінің сұраныстарын қанағаттандыру үшін келеді. Кітап қорын насихаттау жас ұрпақтың дүниетанымдық көзқарасын қалыптастыру, оқырмандарды кітапханаға тарту, олардың сұраныстарын қанағаттандыру кітапхананың негізгі мақсаты болғандықтан көпшілік шаралар осы бағыттарда жүргізілді. Жұмыстың жаңа формалары мен әдістерін іздестіріп әдеби мерекелер, байқаулар, викториналық ойындар, театрландырылған көрністер, дебат, ток-шоу т.б жұмыс формалары жиі қолданылды.
Елбасы Н.Ә.Назарбаевтың жыл сайынғы дәстүрлі халыққа Жолдауын оқырмандар арасында насихаттау, жолдаудың маңыздылығын, басым бағыттары мен міндеттерін айқындау бағытында да көптеген шаралар өткізіледі.
Кітапханада халықтың саяси, экономикалық-әлеуметтік жағдайын арттыру қажет екендігін көрсететін «Елбасы Жолдауы – елдің қолдауы» кітап көрмесі шығарылып, «Жолдау жол сілтейді» атты тақырыптық папка жасақталды.
2006 жыл Қазақстанда Пушкин жылы болып жарияланды.
Абай мен Пушкин адамзатқа ортақ тұлғалар. Олардың өлеңдері ең алдымен жастарға өсиет-өнеге. Жастар тобымен «Абай мен Пушкин жырлары – поэзияның биік шыңы» атты поэзия кеші ұйымдастырылса, оқырман балалармен «Пушкин ертегілерін ашайық» балалар апталығы өткізілді.
Тәуелсіздігіміздің 15 жылдығына Қазақстан тарихын білесің бе?» сұрақ-жауап кеші, желтоқсан оқиғасының 20 жылдығына мектеп ұжымымен бірлесіп «Желтоқсан – тәуелсіздігінің ұлы рухы» атты кездесу кеші өткізілді. Желтоқсан оқиғасының куәгері Жәлекенова Г. Қ. кештің қонағы ретінде қатысты.
Қазіргі таңда экология күн тәртібінен түспей тұрған өзекті мәселе. Адамзатты табиғат апаттарынан, адамдар қолымен жасалған жасанды апаттардан құтқарып, араша түсу болашақ жас ұрпақ үшін де өзекті болып қалары анық. Осы ретте жас ұрпақ бойында адамзаттың аялы бесігі – табиғатқа деген сүйіспеншілікт ояту мақсатында «Алтын табиғат аясында» атты дебат ұйымдастырылды. Кітапхананы пайдаланушылардың сұраныстарын қанағаттандырумен қатар, мұндай іс-шаралар өткізу кітапхана қабырғасында толастамайды.
2007 жылы өткізілген басты шаралардың бірі – Сырым Датұлының 260 жылдығына арналған «Батыр өмірі – ел тарихы» атты тарихи кеші.

Балалар кітабы күніне арналған «Сүйікті кітабын қорғау» атты эстафеталық ойын.

«Бір ел – бір кітап» аясында ұйымдастырылған Абай оқуларына арналған «Абайды білеміз бе?» тест ойыны, «Ғалым болмай немене» әдеби кеші.Мектеп кітапханашысымен бірлесе Н.Ә.Назарбаевтың «Қазақстан – 2030» стратегиялық бағдарламасына 10 жыл толуына арналған «Арман керек адамға» атты дөңгелек үстел оздырылды.
Осындай ұйымдастырылған іс-шаралар оқырмандардың белгілі бір тобына ықпал етіп, олардың білімін, рухани байлығын арттырып, ой-өрісін байытып, әдебиетпен қауышуына өзіндік әсерін тигізіп отырады. Сондай-ақ, кітап қоры да жылдан жылға қажетті әдебиеттермен, анықтамалар, сөздіктер, энциклопедиялар, түрлі көркем әдебиеттермен толығуда. Оқырмандар арасында мезгіл-мезгіл кітапхана, кітап қоры жөнінде сауалнамалық сұрақтар арқылы талдаулар жасалып отырады. Кітап – біздің рухани байлығымыз. Білімін толықтырып, әлем әдебиеттерімен танысып, кітап нәрімен сусындағысы келген оқырмандар кітапханаға келеді. Бұлан ауыл кітапханасынан қол үзбей, үнемі байланысып, түрлі шараларға атсалысып жүрген үздік оқырмандарымызды мақтанышпен атауға болады. Олар: Сұлтанғалиев Б.А., Габдушев М., Қуатов М., Нұрғалиева К., Ермекова Ж., Ермекова У., Болат Т., Батырғали Т., Шәріп А., Молдашев А., Мұхтарова А., Зағыпаров А., Нугманова Г., Мылқан Б., Молдашева В., Мүтиев А. т.б. Кітапхана – адамның білім көкжиегін кеңейтеді десек, ал Ж.Баласағұнның сөзімен айтқанда «Білім – адам баласының ортақ қазынасы». Сондықтан кітапханаға келіп әдеби көркем шығармаларды, түрлі газет-журналдарды оқыған адамның мерейі өсіп, рухани азық алып, дөңгеленген дүниеден хабардар болады.
Кітапхана – біздің рухани құндылығымыз, теңдессіз байлығымыз. Жалпы кітапхана адамдардың басын қосу, білім беру мүмкіндігі бар бірден-бір парасатты орын.
Г. Дәуітқызы жырлағандай:
Кітапхана ғасырларды жалғайды,
Төзім үлкен ғалымдардың талайы.
Ғұлама да, данышпан да кемеңгер
Дана ойлы парасаттың сарайы.

Бұлан ауылдық кітапханасы компьютермен жабдықталған.

Кітапхананың жарнамалық бұрышы

 

Мәдени ошақ Бұлдырты ауылдық кітапханасы 1955 жылдан бері халыққа рухани қызмет көрсетіп келеді. Кітапхана – баспа өнімдерін пайдалану ісін ұйымдастырып, оқырмандарға мәдени-ағарту бағытында көмек көрсетіп келеді.Әр кезеңде кітапханашылар халықтың рухани байлығын арттыру мақсатында қажырлы еңбек ете білді. Солардың бірі Махметова Күләш туралы айта кетсек . Махматова Күләш 1939 ж.Жымпиты ауылында дүниеге келген. 1956 –1959 ж.ж. Жымпты ауданы бұрынғы Интернационал колхозында, 1959 –1965ж.ж. Зеленов ауданы Перьм совхозында кітапханашы, 1965-1989ж.ж. Бұлдырты ауылдық кітапхана меңгерушісі болып қызмет жасады.
1968 Жылдан КПСС мүшесі. Бірнеше жыл қатарынан әйелдер қоғамын басқарды. Совхоздың қоғамдық жұмыстарына белсене араласты және өз қызметін де абыроймен атқара білді. Өз белсенділігінің арқасында Махметова Күләштің аты көпке танылды. Көп жылдар Қызыл – ту газетінің штаттан тыс тілшісі болды. 1989 ж. Зейнеткерлікке шығып, қазір Алматы қаласында тұрады.
Қазіргі кітапхана жаңа ғимаратқа орналасқан. Ғимараттың жалпы көлемі 120 кв.м. Кітапхана баспа өнімдерін жинау, сақтау, насихаттау, оқырмандарға баспа шығармаларын пайдалануға беру және библиографиялық ақпарат жұмыстарымен шұғылданады. Кітапхана оқырмандары жас бүлдіршіндер, ұстаздар, зейнеткерлер т.б. жастағы адамдар.
2004 ж. 8 шілдеде Бұлдырты ауылында «Жоспарлау және кітапхананың бағдарлама – жобалық қызметі» тақырыбында облыстық зерделі кеңес өткізілді. Зерделі кеңеске облыстық кілапхана және ОКЖ директорлары, әдіскерлер, ауылдық кітапханашылар барлығы 40 адам қатысты. Зерделі кеңесте Сырым ауданы әкімінің орынбасары Жакиев Қ.М., сол кездегі Сырым аудандық мәдениет бөлімінің меңгерушісі Жоламанов Ә.Т., Бұлдырты ауылдық округінің әкімі Аңшыбай А.К. қысқаша сөз сөйледі.
Пленарлық отырыста «Кітапхана қызметінің құқықтық негізі» тақырыбында Ж.Молдағалиев атындағы ОҒӘК директоры Жұмақаева Г.Т баяндама жасады.
–Кітапхана қызметін жоспарлау және дамыту тақырыбында Ж.Молдағалиев атындағы ОҒӘК–ның кітапхана ісін дамыту бөлімінің меңгерушісі Кенжебаева С.К. баяндады.
–Кітапханалық процесстерді мөлшерлеу жұмыстары тақырыбында.—Ж.Молдағалиев атындағы ОҒӘК директорының орынбасары Тетерятникова Т.Г.
–Кітапханалық жобаны жасау бағыттары,қаржыландыру үшін грантқа тапсырыс жазу жолдары -тақырыбында Ж.Молдағалиев атындағы ОҒӘК-ның әдіскері
–Кітапханадағы балаларға қызмет көрсету ісін мөлшерлеу тақырыбында А.Гайдар атындағы облыстық балалар мен жасөспірімдер кітапханасының бөлім меңгерушісі Ихсанова Г. баяндады.
Еңбекті мөлшерлеуге сәйкес ауыл кітапханасының жұмысын жоспарлау тақырыбында тренинг өткізілді.
«Әдіскердің кітапханадағы орны мен маңызы» мастер – класста Сырым ОКЖ–нің әдіскері А.Ж.Уалиахметованың жаңашылдық ізденістері ұсынылды.
«Тарихтан қысқаша»
Бұлдырты ауылдық кітапханасы 1955 жылы ашылды.
Ол кезде кітапхана шағын ғана бір бөлмеде аз ғана кітап қорымен ашылған.
Алғашқы кітапханашы болып 1955 – 1956 жылдары Байқатов Төлеген жұмыс істеген.
1956 – 1957 жылдары Ахметов Жарқынғали.
1957 – 1958 жылдары Есқалиева Т. Ахметов Ж.
1958 – 1963 жылдары Арыстанова К.
1963 – 1965 жылдары Ахметов Ж. Мықтыбаева Райхан.
1965 – 1991 жылдары Махметова Күләш.
1991 – 1997 жылдары Балпейсова Гүлзира.Кітапхана шежіресі
1955 – 1960 жылдары
Кітапхананың кітап қоры шамамен 500 дана.
Оқырман саны: 448 адам.
КПСС-тің ХХ және кезектен тыс ХХІ сьезінің шешімдерін іске асыру бағытындағы жұмыстарды насихаттауда кітапхана өз үлесін қосты.
1961 – 1965 жылдары
Кітап қоры: 650 дана.
Оқырман саны: 488 адам.
Кітапханада КПСС ХХІІ сьезі жоспарларын орындау мақсатында және Ұлы Жеңістің 20 жылдығына арналған көпшілік шаралар өткілді. Тың және тыңайған жерлердің игерілгеніне 10 жыл толуына арналып мәдени шаралар өтуізілді. Кітап көрмесі ұйымдастырылып, оқырман қауымға ұсынылды.Егіс даласындағы және мал шаруашылығындағы еңбеккерлерге насихат жұмысы жүргізілді.
1966 – 1970 жылдары
Кітапхананың кітап қоры: 5500 дана.
Оқырман саны: 569 адам.
Кітапханада КПСС ХХІІІ сьезі тапсырмаларын жүзеге асыру т.б. саяси өзекті бағыттарды насихаттауда кітапхана жұмыс жүргізді.
Ұлы Октябрь социалистік революциясының 50 жылдығына және В.И.Лениннің 100 жылдығына , 1970 жылы 9 мамырда Ұлы Отан соғысының аяқталғанына 25 толуына арналған соғыс ардагерлерімен кездесу кеші және кітап көрмелері ұйымдастырылды.
1971- 1975 жылдары
Кітапхананың кітап қоры: 8760 дана. Оқырман саны: 642.
КПСС ХХІҮ съезі белгілеген жоспарларды мерзімімен бұрын орындау науқанына кітапханада өз үлесін қосты. Социялистик идеологияны насихаттауда Бұлдырты ауылдық кітапханасында өзінің жан –жақты мәдени насихат жұмыстарын жүргізе білді.
1975 жылы мамыр айында Ұлы Жеңістің 30 жылдығын және СССР- дің құрылғанына 50 жал толуына лайықты қарсылау мақсатында көпшілік мәдени шаралар өткізілді.
1976-1980 жылдары
Кітапханада кітап қоры: 9980 дана. Оқырман саны: 695 адам. Кітапханада сол кезгі идеологияны насихаттауда басты ролъдердің бірін орындады. Сондықтанда сол кездегі елдегі және партиядағы болып жатқан жаналықтарды алғашқылардың бірі болып кітапхана насихаттап отыратын. КПСС ХХҮ- съезінің шешімдерін халыққа насихаттауда кітапхана өзінің сүбелі үлесін қосты. Ұлы Октябръ социолистік революциясының 60 жылдығын атап өту және Тыңға 25 жыл толуына, В.И.Лениннің туғанына 110 жыл толуына арналып көпшілік шаралар, кітап көрмелері ұйымдастырылды.
1981-1985 жылдары
Кітапхананың кітап қоры: 10300 дана. Оқырман саны: 699 адам.
Кітапханада Орталықтандырылған кітапханалар жүйесіне (ЦБС) көшірілу жұмыстары жүргізілді. КПСС –тің ХХҮІ- съезі шешімдерін жүзеге асыруда кітапхана насихат жұмыстарын жүргізді.
СССР-дің құрылғанына 60 жал толуына және Қазақстан комсомолына 60 толуына арналып мәдени шаралар өткізілді.
Ұлы Отан соғысының жеңіспен аяқталғанына 40 жыл толуына Бұлдырты ауылында кешенді мәдени шаралар өткізілді. Бұл атаулы датаға кітапханада мүмкіндігінше атсалысты. Кітапханада соғыс ардагерлерімен кездесу кештері, кітап көрмелері ұйымдастырылды.
1986-1991 жылдары
Кітапханада кітап қары : 10.750 дана. Оқырман саны : 725 адам. Бұл кезде елімізде Совет Одағы тоқырау кезеңдері орнауына байланысты кітапхана саласы да қиын кезеңдері басыннан өткізді.
Кітапханалар жабылып, жаңа кітаптар басылмай халық еңбек ақыларынала –алмай журген қиын кезеңді ауыл кітапханасы да басынан өткерді.
Алайда Бұлдырты ауылдық кітапханасы өз жұмысын тоқтатпай халыққа кітапханалық қызмет көрсете берді.
1991- 1997 жылдары
Кітап қоры: 11759 данаға жетті. Оқырман саны: 359 адам.
Еліміз Егемендік алып Тәуелсіздікке қол жеткізгесін Мәдениет саласының тамырларына да қан жугіріп, кітапханада жұмысыда қалыпқа келе бастады. Атаулы датыларға байланысты жазушылар мерейтойларына байланысты кітап көрмелері көпшілік шаралар ұйымдастырылыа отырылды.
1997 жылы Елбасының «Қазақстан-2030» даму бағдарламасының жариялануына байланысты, бағдарламаны халыққа насихаттау мақсатында кітапханада көпшілік шаралар өткізіліп, кітап көрмесі ұйымдастырылды.
1998- 2002 жылдары
Кітап қоры: 17184 данаға дейін жетті. Оқырман саны: 853 адам. Кітапханада 1999 жыл «Ұрпақтар бірлігі мен сабақтастығы жылы».
2000 жыл «Мәдениетті қолдау жылы», Ұлы Жеңістің 55 жылдығына арналып көпшілік кітапханалық шаралар, кітап көрмелері ұйымдастырылды. Кітап қоры: 16785 дана .Оқырман саны 699.
2001 жыл – Қазақстан Тәуелсіздігіне 10 толуына арналған бірнешекөпшілік шаралар өткізілді, кітап көрмесі ұйымдастырылды. Сонымен қатар 2001 жылыалғаш рет ауданда «Жыл кітапханашысы- 2001» конкурсы өткізілді. Кітап қоры: 16992 дана. Оқырман саны:814 адам.
2003 жыл
Кітап қоры: 17488 дана. Оқырман саны: 911.
Кітапханада Махамбет Өтемісұлының туғанына 200 жыл толуына және «Ауылды қолдау жылына» арналып тақырыптық кештер, кітап көрмелері, тақырыптық папкілер ұйымдастырылды. Осы жылы Бұлдырты ауылында есте қалар оқиға әкімдердің облыстық зерделі кеңесі болып өтті. Кітапхана жаңа ғимаратқа көшірілді.
2004 жылы
Кітапхананың кітап қоры: 17728 дана. Оқырман саны:868 адам.
Кітапхана ағымдағы жөндеуден өткізілді. 8- шілдеде кітапханада «Жоспарлау және кітапхананың бағдарлама жобалық қызметі» тақырыбында облыстық зерделі кеңес өткізідлді. «Мәдени мұра» бағдарламасына, Қазақстандағы Ресей жылына арнап және арнап және Тыңның 50 жылдығына арналған басылымдар насихатталды.
2005 жылы
Оқырман саны: 881 адам. Кітап қоры:15178 дана.
Елбасының халыққа Жолдауы, Қазақстан Республикасының Конституциясына 10 жыл толуына, Абай Құнанбаевтың туғанына 160 жыл толуына және Ұлы Жеңістің 60 жылдығына т.б. көпшілік шаралар ұйымдастырылды, кітап көрмелері жасақталды.
«Ауыл энциклопедиясы- Шағын Отан» энциклопедиясы жазылды. Көкөріс ауылдық кітапханасы ашылып, Бұлдырты кітапханасының кітап қорынан 2500 дана кітап берілді.
2006 жылы
Кітап қоры: 15688 данаға жетті. Оқырман саны:883 адам болды. Кітапханада күнднлікті кітапханалық-библиографиялық жұмыстармен қатар азақстанда А.С.Пушкин жылы, Ресейде Абай жылына және Елбасы Жолдауы, Тәуелсіздіктің 15 жылдығына т.б тақырыптарда көпшілік шаралар ұйымдастырылды. Кітап көрмелері жасақталды.
Бұлдырты ауылдық модельді кітапханасында Абыз ақын Қадыр Мырза Әли шығармашылығын насихаттау мақсатында «Қазақтың дара Қадыры» оқу марафон өтті. Рухани жаңғыру бағдарламасы аясында жас бүлдіршіндерді тәуелсіз елін мақтан тұтуға, болашаққа сеніммен қарауға, Отанын, ұлтын сүюге тәрбиелей отырып, туған елге арналған сүйіспеншілікке толы Қадыр Мырза Әлідің шығармашылығын насихаттау, шығармашылыққа баулу мақсатында ұйымдастырылып отырған шараға 5- 14 жас аралығындағы оқырман балалар қатынасып, Қамеш Г. «Бата» , Қайырбек Р. «Уақыт» Боранбай А. «Есеп» Ермек С. « Туған жер », Бақытжан А. «Баспалдақ» т.б. ақынның балаларға арналған өлеңдерін оқыса, нақыл сөздерін Жандаулетова Шұғыла дауыстап оқып оқырмандар хормен «Атамекен » әнін шырқап берді. «Тағылымы терең- Абыз ақын» кітап көрмесі оқырман назарына ұсынылып шолу жасалды. Кітапханашы Сұңғатқызы Н. балаларға арналған шығармаларының маңызын түсіндірдіре отырып, «Біз білетін Қадыр ақын» блиц сұрақтарына оқырмандар бір ауыздан жауап берді. Кітапханашылар шараны жүргізіп, ақын шығармаларын көп, мәнерлеп оқыған оқырмандарға «Алғыс хаттар» мен тәттілер ұсынылды.
Айтулы шешен, Айыбынды батыр Сырым Датұлының туғанына 280 жыл толуына орай оқырмандар назарына «Сөз бастаған шешен, қол бастаған көсем» вертуальды кітап көрмесі насихатталды. Рухани жаңғыру бағдарламасы аясында елім деп еңіреген тұлғамызды оқырмандарға жас ұрпаққа насихаттау. Жыл бойы Сырым Датұлының өмірі мен шешендігі, батырлығы мен тапқырлығын, нақылға айналган шешендік сөздерін оқырмандарға насихатталды.
2022 жылы кітапханада:
Кітап қоры:16548 дана.
Оқырман саны:1352 адам.
Кітап берілімі:19782 дана басылым.
Кітапханада үш кітапханашы қызмет атқарады.Олар:
Темірханова Б.Ж. меңгеруші-жоғары білімді.
Сұңғатқызы Н. Кітапханашы – жоғары білімді.

Кітапхана – бүкіл халықтың өмір сүріп отырған қоғамымыздың түп қазығы, қайнар көзі, білім бастауы болып саналады. Қазіргі таңда кітапхана замани ағымға сай жабдықталған, халықтың үлкен сұраныстарына ие мәдениет ошағы.Небір ғұлама данышпан да, ғылыми қызметкерлер де, ақын-жазушылар да өз туған жерінің, елінің тарихымен, салт-дәстүрімен танысып, жан дүниесіне рухани азық болған кітапхана екені рас. Ендеше «кітапхана шежіресі» деген атпен жинақталып, осы мақсатта құрылып, ілгері буын жас ұрпақтарға, жалпы оқырман қауымына арналып басылып отыр.
Жамбыл ауылы – Батыс Қазақстан облысы, Сырым ауданының шығысында орналасқан әкімшілік бөлік. Жерінің аумағы -1563. Тұрғын саны – 400 адам. Ауылдың жер бедері негізінен жазық, тегіс. Оңтүстік – оңтүстік батысқа қарай еңістей береді. Жер қойнауының құрылыс материалдарының қоры барланған.Жамбыл ауылы 1955 жылы құрылған.Жамбыл ауылының тұрғындарының мәдениеті өнер оздырып, рухани кемелденіп, өрістілігін биіктеткен ауыл. Жамбыл ауылдық кітапханасы 1955 жылы ашылды. Жалпы ауылдық кітапхана клуб мекемесімен бірге орналасып, халыққа қызмет көрсете бастаған. Клуб пен кітапхана жұмысын соғыс ардагері әрі ауылдық тілші Ербасов Ташай атқарған.
ЕрбасовТашай 1921жылы 18-ші сәуірде Абай совхозында дүниеге келген. Сол кездегі кітапхана қоры шағын болған. Кітапханадағы кітап қоры қазақ және орыс тілдерінде болған. Кітап қоры жаңа әдебиеттермен толықтырылып отырған.Сол уақыттағы партиялық жиналыстарға, съездерге әртүрлі тақырыптарға баяндама жасап отырған.Түрлі комсомол жастарының жиналыстарында кітапхана кешке дейін жұмыс атқарған. Сол жылдардағы бес жылдық жұмыс жоспарына байланысты түрлі еңбек ерлерінің қызметтеріне байланысты көрме, плакаттар ұйымдастырып отырған. Кітапханада мерзімді басылымдар жинақталған. Олар «Октябрь туы», аудандық «Қызыл ту» газеті, республикалық «Лениншіл жас» газеті болған. Кітапханаға келген оқырман мерзімді басылымдармен танысып, бір-бірімен пікір алысқан. Ауылдағы түрлі саладағы егін шаруашылығы, шөп науқаны кезінде көшпелі кітапхана жұмыс істеген. Оны «Кызыл мүйіс» деп атаған. Жаз маусымында даладағы жұмысшыларды аптасына екі рет кітаппен қамтып отырған. Кітапханашы Ербасов Ташай кітапханадағы жаңа әдебиеттерді насихаттап, түрлі істелінген жұмыстары туралы аудандық «Кызыл ту» газетіне жариялап отырған. Кітапханашы Ербасов Ташай кітапханада 1975 жылға дейін жұмыс істеді.
1975-1976 жылдары кітапханада Рысқалиева Бақу қызмет атқарды. Рысқалиева Баку 1958 жылы Аралтөбе совхозында дүниеге келген. Ауылдық мектепті бітірген соң, кітапханашы болып жұмыс істеді. Кітапханада кітап қоры 1413 дана болған. Кітап қоры 279 дана жаңа әдебиеттермен толықтырған. Кітапханадағы қоғамдық саяси әдебиеттер 351 дана, жаратылыстану саласындағы әдебиеттер 17 дана, техника саласындағы әдебиеттер 29 дана, ауыл шаруашылығы саласындағы әдебиеттер 104 дана, өнер саласындағы әдебиеттер 70 дана, көркем әдебиеттер 785 дана болған.
Кітапханадағы оқырман саны 140. Кітапханада көпшілік оқырман топтарына жыл аяғында 475 дана әдебиеттер ұсынылған. Оның 70 қоғамдық саяси әдебиеттер, 20 жаратылыстану саласындағы әдебиеттер, 36 техника, 40 ауыл шаруашылығы, 30 өнер, 246 көркем әдебиет берілген. Кітапханада көпшілік оқырман топтарына арнап 7 кітап көрмесі, 8 әңгіме сағаты,1 жар қағазы шығарылған. Барлығы 15 көпшілік шара өткізілген. Кітапханада 7 әуесқой мүшесі, 5 кітапхана активі кітапханашымен бірлесіп жұмыс атқарған.
1976 жылы кітапханадағы кітап қоры 1510 данаға жеткен. Кітап қоры жыл аяғында 1750 дана болған. Осы жылдың ішінде кітап қоры 240 жаңа әдебиеттермен толықтырылған. Кітап қорында 338 қоғамдық саяси әдебиеттер, 89 жаратылыстану саласындағы әдебиеттер, 98 техника, 102 ауыл шаруашылығы саласындағы әдебиеттер, 78өнер, 852 көркем әдебиет болды. Кітапханадағы оқырман балалар тобына 106 әдебиет ұсынылған.
Кітапханадағы жалпы оқырман саны 120. Кітапханаға оқырманның келім саны 1101. Оның ішінде 40 бала. Кітапханада көпшілік оқырман топтарымен 14 көпшілік шара өткізілген. Оның ішінде 5 кітап көрмесі, 3 жар плакаты, 5 әңгіме сағаты өткізілді. Рысқалиева Баку Жамбыл ауылдық кітапханасында екі жыл қызмет істеді.
Сисенова Ұмсындық 1950 жылы 10-шы октябрьде Жамбыл ауылында дүниеге келген.1958 жылы ауылдық сегіз жылдық мектепті бітірген соң, 1967 жылы Орал қаласындағы 11 қазақ пансионында 9-10 сыныпты бітірген. Пансионда оқып жүріп кітапхана курсын оқып, мектеп бітірерде кітапханашы куәлігін алып шыққан. 1970 жылы аудандық мәдениет үйінде мәдениет қызметкері болып жұмыс істеген. Кейіннен 1977 жылдан бастап Жамбыл ауылдық кітапханасында кітапханашы болып жұмыс істеген. Сол кезде кітапхана контор мекемесінің ішінде орналасқан. Кітапханада кітап қоры мол болған. Кітапханада мынадай мерзімді басылымдар болған: «Ара», «Огонек», «Қазақстан әйелдері», «Жұлдыз», «Работница», «Элеватор», «Мәдениет және тұрмыс», «Қызыл ту», «Орал өңірі», «Лениншіл жас», «Социалистік Қазақстан». Кітапханада «Шебер қолдар» әуесқойлар клубы болды. Кітапханашы СисеноваҰмсындық кітапхана қызметін жақсы ұйымдастырып отырды. Оқырман сұраныстарын үнемі орындап отырды. Кітапханада балаларға арнап «Кел,балалар, оқылық» көрме ұйымдастырған. Жазғы егін шаруашылығы, шөп науқаны кезінде бригадаларға «Озат еңбеккерлер», мал шаруашылығындағы еңбеккерлерге арнап «Озат малшылар» газетін шығарды. Сол кездегі түрлі партиялық жиналыстарда баяндамалар жазып, КПСС, партия съездеріне арнап көрмелер ұйымдастырған. Кешкі комсомол жастарының жиналыстарында кітапхана кешке дейін жұмыс істеген. Көпшілік оқырман топтарымен 52 көпшілік шара өткізді. Оның ішінде балалар тобымен 16 көпшілік шара ұйымдастырған. 1978 жылы кітапханада кітап қоры 1860 дана болды. Жыл барысында кітап қоры 320 жаңа әдебиеттермен толықтырылды. Жыл аяғында 100 дана әдебиет актіге шығарылды. Кітап қорында 390 қоғамдық саяси әдебиет, 103 жаратылыстану әдебиет, 105 техника саласындағы әдебиет, ауыл шаруашылығы 132, өнер 80, филология саласындағы әдебиеттер 150, көркем әдебиет 1016, балалар әдебиеті 104 болған. 916 қазақ тілінде, 1164 орыс тіліндегі әдебиеттер болған. Кітапханадағы оқырман саны 125, балалар саны 58. Оқырманның кітапханаға келім саны 1282. Жыл аяғында оқырмандарға 1404 әдебиет, балаларға 798 дана әдебиет берілген.
1979 жылы кітап қоры 2080 293 жаңа әдебиетпен толыққан. 200 дана әдебиет жыл аяғында актіге шыққан. Көпшілік оқырман топтарымен 48 шара өткізілген. Оның ішінде балалар тобымен 18 шара ұйымдастырылған. Кітапханада оқырман саны 125. Балалар тобы 54. Оқырман кітапханаға келім саны 1295. Жыл аяғында оқырман топтарына 1420 әдебиет ұсынылған. Балалар тобына 821 дана әдебиет берілген.
1981 жылы кітапханада кітап қоры 2548 дана болды. Кітап қоры 325 жаңа әдебиетпен толықты. Кітапханада 378 көпшілік шара ұйымдастырған. Оның ішінде балалар тобымен 20 шара өткізілді. Кітапханада оқырман саны 127. Балалар тобы 59. Жыл аяғында оқырмандарға 1527 дана, оның ішінде балаларға 819 әдебиет ұсынылды.
1982 жылы кітапханада кітап қоры 2873. Кітап қоры 202 жаңа әдебиетпен толыққан. Жыл аяғында қордан 172 дана әдебиет актіге шықты. Кітапханада оқырман саны 130. Оның ішінде балалар тобымен 59. Оқырман топтарымен 38 көпшілік шара ұйымдастырылған. Балалар тобымен 20 шара өткізілген. Жыл барысында оқырмандарға 1592 дана әдебиет, балалар тобына 895 дана әдебиет берілді.
1983 жылы кітапханада кітап қоры 2903 дана әдебиет болды. Кітап қоры 211 жаңа әдебиетпен толықты. 45 дана әдебиет жыл аяғында актіге шықты. Бағасы 3069. Кітапханадағы оқырман саны 125. Оқырманның кітапханаға келім саны 2250. Жыл барысында оқырмандарға 2500 дана, балалар тобына 980 дана әдебиет берілді.
1984 жылы кітап қоры 3096. Жыл аяғында қордан 52 дана әдебиет актіге шықты. Көпшілік оқырман топтарымен 32 шара, оның ішінде балалар тобымен 18 шара өткізілді. Оқырман саны 130. Балалар саны 75. Оқырманның кітапханаға келім саны 2560. Жыл барысында оқырмандарға 2500 әдебиет ұсынылды.
Кітапханада 1985 жылы кітап қоры 3172/272 жаңа әдебиетпен толықты. Кітапханада оқырман саны 132. Оның ішінде балалар тобы 75. Оқырманның кітапханаға келім саны 1400. Көпшілік оқырман топтарымен 52 шара, балалар тобымен 23 шара өткізілді. Жыл барысында оқырмандарға 1410, балалар тобына 683 әдебиет берілген.
Кітапханада 1986 жылы кітап қоры 3558 болған. Кітап қоры 176 жаңа әдебиетпен толыққан. Оқырман саны 137. Балалар тобы 66. Оқырманның кітапханаға келім саны 1407. Кітапханада оқырман топтарымен 49 шара ұйымдастырылған. Оның ішінде балалар тобымен 21 шара өткізілген. Кітапханада оқырмандарға 1407 дана әдебиет берілген. Балалар тобына 648 әдебиет ұсынылды.
Жамбыл ауылдық кітапханасында 1987 жылдан бастап кітапханашы болып Хасанова Алтын қызмет істеді. Хасанова Алтын 1967 жылы Жамбыл ауылында дүниеге келді. 1974 жылы ауылдық сегіз жылдық мектепті бітірген соң, 1982 жылы 9-10 сыныпты Орал қаласындағы №11 С.Сейфуллин атындағы мектепте оқып шықты. Алғашқы қызметін 1987 жылдан бастап Жамбыл ауылдық кітапханасында кітапханашы болып жұмыс істеді. Кітапханада көпшілік оқырман топтарымен көптеген шаралар өткізді. Клуб мекемесімен бірлесіп арнаулы мерекелік шараларды өткізді. Ақын-жазушылардың мерейтойларына арнап көрмелер ұйымдастырды. Жеңістің 50 жылдығына орай көрме ұйымдастырып, соғыс және еңбек ардагерлерімен кездесу кештерін ұйымдастырған. 1995 жылы ақын Жамбыл Жабаевтың 150 жылдығына арнап көрме ұйымдастырды. Кітапханада мерзімді басылымдар тіркелініп отырды. Балалар тобына арналған «Балдырған», «Ақжелкен», «Ұлан», ересек топтарға арналған «Зерде», «Ара», «Агитатор», «Арай», «Орал өңірі», «Кызыл ту» тағы да басқа мерзімді басылымдар болды.Балалар тобымен «Шебер қолдар» үйірмесі жұмыс істеді.Көпшілік оқырман топтарына арнап түрлі ауқымды спорттық шаралар оздырылды.Жазғы маусым кезінде егін,шөп шаруашылықтарындағы еңбеккерлерге кітап апарған.Кітапханада 1987 жылы кітап қоры 3742 болған. Оқырман тобы ересектер 153, оның ішінде балалар 30. Оқырманның кітапханаға келім саны 1714.Жыл барысында кітапханаға 218 жаңа әдебиет келіп түскен.Көпшілік оқырман топтарына 2583 дана әдебиет ұсынылған.Балаларға арнап 532 әдебиет берілген. Оқырман топтарымен 43,соның ішінде балалар тобымен 9 шара оздырылған. 1988 жылы кітапханада 6 айда 200 оқырман болса, жыл аяғында 245 оқырман болған. Оқырман келім саны 1416. Оқырман топтарымен 44 шара, балалар тобымен 1431 дана әдебиет берілген. 1989 жылы кітапханада кітап қоры 4227 дана. 275 оқырман. Оның ішінде балалар 120. Оқырманның келім саны 1946. Оқырмандарға берілген кітап саны 3680. Балалар тобына 1917 дана әдебиет ұсынылған. 45 көпшілік шара ұйымдастырылған. 15 шара балалар тобымен өткізілген. Ал 1990 жылы кітап қоры 4625. 398 жаңа әдебиет келіп түскен. Оқырман саны 270. Балалар саны 82.Оқырмандарға 2824 дана кітап берілген. Балалар тобына 1462 әдебиет ұсынылған. 1991 жылы кітапханада оқырман саны 270, балалар тобы 110. 3813 әдебиет берілген. Балаларға 1929 дана әдебиет ұсынылған. 1992 жылы 6 айда оқырман саны 130, берілген кітап саны 1422,көпшілік жұмыстар 11. 1993 жылы 6 айда оқырман саны 108, берілген кітап саны 977,көпшілік жұмыстар 13 орындалған. 1994 жылы 6 айда оқырман саны 103 берілген кітап саны 900, көпшілік шара 14 болған. 1995 жылы 6 айда оқырман саны 158, берілген кітап саны 1665, көпшілік жұмыстар 15 болған. 1996 жылы оқырман саны 300, берілген кітап саны 3512. Кітап қоры 4748. 17 жаңа әдебиетпен толыққан. 1997 жылы 285 оқырман, 120 балалар тобы. Оқырманның келім саны 1040. Оқырман топтарына 3100 әдебиет берілген. 2000 жылдан бастап кітапхана жұмысын Хайруллина Арайлым атқарды. Хайруллина Арайлым 1976 жылы Жамбыл ауылында дүниеге келді. 1983-1991 жылдары Жамбыл негізгі мектебінде оқып, 1992-1993 ж ылдары Орал қаласындағы № 11 С.Сейфуллин атындағы гуманитарлық лицейді бітірді. 1993 жылы Орал қаласындағы Даулеткерей атындағы өнер институтына оқуға түсіп, 1997 жылы кітапханашы-библиограф мамандығын алып шықты. 2000 жылдан бастап Жамбыл ауылдық кітапханасында кітапханашы қызметін атқарамын.Кітапханада көптеген жұмыстар жүргізілді. Әр жылдары «Инабат», «Шебер қолдар» әуесқойлар клубы жұмыс істейді.Кітапханада ақын –жазушылардың мерей тойлары на арнап көрмелер ұйымдастырылады.Кітапханада мынадай мерзімді басылымдар оқырманға ұсынылады. Олар Ақжелкен, Айгөлек, Балдырған, Мөлдір бұлақ, Балаларға базарлық, Ұлан, Жыл он екі ай, Бала би, Денсаулық, Қазақстан әйелдері, Қайнар, Орал өңірі, Дала мен қала, Егемен Қазақстан. Көпшілік оқырман топтарына арналған мынадай мәліметтер папкасы дайындалды.Олар «Денсаулық – зор байлық», «Қазақстан ғарышкерлері», «Айналайын, абайла», «Ата мұра-асыл қазына», «Ауыл тарихы», «Тәуелсіздік шежіресі» тағы да басқа папкалар жинақталған. Кітапханада тақырыптық картотекалар дайындалды. Олар «Өлкетану картотекасы», «Мерзімді басылымдар картотекасы», «Орындалмаған сұраныс картотекасы», және тақырыптық картотекалар ұйымдастырылған.Кітапханада әр жылдардағы бағдарламаларға орай көрмелер ұйымдастырылды.Мәдени мұра бағдарламасына «Мәдени мұра-мәңгі мирас», Тілдерді қолдану бағдарламасына орай «Тіл -ұлттық рухтың мәйегі», Елбасы Н.Назарбаевтың жолдауына орай «Жасампаздық жолдау», «Әлем таныған егеменді ел», балалар тобына арнап «Бүлдіршіндер бұрышы», «Қазақ әдебиетінің жарық жұлдыздары» атты көптеген көрмелер ұйымдастырылды.Кітапханада осы жылдар арасында балалар тобымен көптеген шаралар оздырылды.Атап айтсақ «Кітапхана әлеміне саяхат», «Ертегілер елінде», «Мың бір мақал, жүз бір жұмбақ», «Ойнайықта ойлайық», «Тәуелсіздік құрдастары», «Менің сүйікті кітабым», «Сен білесің бе ?»т.б. ертеңгіліктер өткізілді.Экология тақырыптарына орай «Құс қанатты досымыз», «Айналаң аялы алтын бесігің», «Табиғатты қорғау,болашақты ойлау» атты тәрбие сағаттар өткізілді.Жасөспірімдер топтарымен «Жастар және есірткі», «ХХІ ғасыр дерті» атты әңгімелер өткізілді.Кітапханада ақын жазушылардың мерей тойларына арнап «Өлкетанушы қайраткер Ж.Ақбай 80жаста», «Жазушы С.Шаймерденов 85жаста», «Дәуірдің дара тұлғасы- Д.Қонаев 95жаста», «Алаштың азаматы Ж.Досмұхамедовтың туғанына 120жыл», «Дала кемеңгері С.Датұлының туғанына 265жыл»,«Қазақ жырының қыраны М.Шаханов 65жаста» т.б. кітап көрмелер ұйымдастырылды.
Жамбыл ауылдық кітапханасында 2000 жылы кітап қоры 3371 дана кітап болды.Оқырман саны 385,оның ішінде балалар тобы 150.Жасөспірімдер саны 44.Кітапханаға оқырманның келім саны 2151.Оқырманға 50008 дана кітап берілді. Балалар тобына 2904 дана кітап ұсынылды.Кітап қоры 336 дана жаңа әдебиеттермен толықтырылды.
2001 жылы кітапханадағы кітап қоры 3771 дана болды. Оқырман саны 339, балалар саны139, 36-жасөспірімдер. Оқырманның кітапханаға келім саны-1463. Жыл барысында оқырмандарға 5170 дана кітап берілді. Оның ішінде балалар тобына 2812 кітап берілді.
2002 жылы кітапханадағы кітап қоры 4048 дана. Оқырман саны 304, балалар саны 123, оқырманның келім саны 1460. Кітап қорына 210 жаңа әдебиет келіп түсті.Оқырмандарға 5189 дана кітап берілді.Оның ішінде балалар тобына 2930.
2003 жылы кітапханада кітап қоры 4258 дана болды.Кітап қоры 251 жаңа әдебиетпен толықтырылды. Оқырман саны-285,оның ішінде 104.Оқырманның кітапханаға келім саны 1648. Жыл барысында оқырмандарға 4279 дана жаңа әдебиеттер берілді.Балалар тобына 2471 дана кітап берілді.
2004 жылы кітапханадағы кітап қоры 4509 дана әдебиет болды. Кітап қоры 81 жаңа әдебиеттермен толықтырылды. Кітапханада оқырман саны 311, оның ішінде балалар саны 101, жасөспірімідер саны 54, оқырманның келіс саны 1549. Көпшілік оқырман тобына 6286 дана әдебиет, балаларға 3526 дана берілді.
2005 жылы кітапханадағы кітап қоры 4590 дана әдебиет болды. Кітап қоры 38 дана жаңа әдебиеттермен қамтылды. Оқырман саны 310, оның ішінде балалар саны 85, жасөспірімдер саны 34. Оқырманның кітапханаға келім саны 1367. Оқырман топтарына 6049 дана әдебиет берілді, оның ішінде балалар тобына 3292 дана кітап берілді.
2006 жылы кітап қоры 4628 дана болды.Кітап қоры 233 дана жаңа әдебиеттермен толықтырылды. Оқырман саны 302, балалар саны 85, жасөспірімдер саны 55, оқырманның кітапханаға келім саны 951. Жыл барысында оқырман топтарына 5778 дана кітап берілді. Балалар тобына 3045 дана әдебиет ұсынылды. Қазіргі таңда кітапханада 273 оқырман бар, оның ішінде балалар тобы 89. Кітапханадағы кітап қоры 4781 дана. Кітап қорына 40 дана жаңа әдебиеттер келіп түсті. Оның 26 данасы қазақ тілінде, 14-әдеби қоғамдық саяси әдебиеттер, 14-көркем әдебиет, 1-өнер саласы бойынша, 6-филология саласы бойынша қорға келіп түсті. Кітапханада көптеген ауқымды жұмыстар жүргізіліп тұрады. Қазіргі таңда балалар тобымен «Шебер қолдар» клубы жұмыс істейді. Жалпы кітапхана жұмысы әрі қарай жанданып, оқырман қауымына қызмет көрсетуде.

Кітапхана – мәдени-ағартушылық мекеме. Кітапхана баспасөз шығармаларын жинау, сақтау. Насихаттаумен, оқырмандарға баспасөз шығармаларын берумен библиографиялық ақпарат жинау, мәдени-ағарту және ғылыми-көпшілік жұмыстарын ұйымдастырумен шұғылданады. Кітапхананың ақпаратын міндетіне, кітап қорының құрамына және жұмыс әдісіне қарай екіге бөлінеді:
1) Көпшілік
2) Ғылыми және арнаулы
Көпшілік кітапхана оқырманға қоғамдық – саяси, кәсіптік, жалпы білім беретін басылымдар ұсынады.
Ғылыми және арнаулы кітапханалар ғылым салалары мен белгілі бір ұйымдарға (мекемелер, оқу орындары т.б.) қызмет етеді.
Ғылыми кітапханаларға:мемлекеттік академиялық, университеттік және салалық кітапханалар жатады.
Арнаулы кітапханаларға: техникалық, өндірістер жанындағы, ғылыми-зерттеу институттарының, жоғары оқу орындарының кітапханалары енеді. Кітапханалар жазба ескерткіштердің қоғамдық қоймасы ретінде ерте заманда пайда болған.
1980 жылы Қызыл ту колхозынан бөлініп, жаңадан Қызыл Ақтап колхозы құрылды. Сол жылы құрылған жаңа колхоз төрағасы болып Жәдігер Шайхиев сайланды.
Жаңаөңір ауылы
5 жеке шаруа қожалығы ашылып, 1 мектеп, МТМ, Ауылдық клуб, кітапхана, фельдшерлік пункт бар.
Жаңадан құрылған колхоз 1980 жылдың 31 шілдесінен жұмысқа кірісті. «Қызыл-Ақрап» колхозының жаңа орталығы Аңқаты өзеніне жақын жерде қоныс тепті. Мәдениет орындары, кеңсе, тұрғын үйлер салынды.жаңа жерде бірнеше ондаған жанұялар қоныс тойларын өткізді.
Колхоз кезінде Хасанов Қапан, Мұханбетжанов Иосиф басқарды. Халық депутаттары аудандық кеңесінің 1987 жылғы 14 шілдесіндегі №15-258 қарары мен «Қызыл Ақрап колхозы жабылып, «Қызыл ту» колхозына қосылды. №3 бөлімше «Жаңаөңір» ауылы болып аталды.
Сырым аудандық орталықтандырылған кітапхана жүйесіне қарасты № 37 филиалы Жаңаөңір ауылдық кітапханасы 1983 жылдың тамыз айында 2500 дана кітап қорымен ашылды. Ол кезде кітапхана меңгерушісі Тілекқаблова Айгүл Уахитқызы үгіт бригадаларға шығып, газет шығарып, көшпелі кітапхана ұйымдастырған, көпшілікке арналған іс-шараларды өткізгендігін төмендегі фотосуреттерден байқауға болады.
1984 жылы кітапханашы ауысып, Галиева Ақмарал Маулетқызы қызмет жасаған уақыттарда кітап қоры 3500 данаға дейін жеткен. Сулы көл, Орлы көл, Қыстаубай, Қызылағаш елді мекендеріне көшпелі кітапхана жалғасын тауып, қызмет атқарды. Осы елді мекендерге кітаптар, баспасөз басылымдары, мәдениет қызметкерлерімен концерт апарылды.
1987 жылдың тамыз айынан бастап, Орал мәдениет ағарту училищесін бітіріп келген жас маман Нарышева Айнагүл Айдынғалиқызы қызметке алынды. Қазіргі уақытта кітапханада жұмыс жасайды.
1987 жылы КПСС ХХVІІ – съезді мен Қазақстан компартиясының ХVІ – съезінің шешімдерін кеңінен насихаттау, еңбектегі және саяси белсенділігін шаруашылық мәдени құрылыстың нақты міндеттерін шешуге бағыттау. Еңбекші ауылы қарарларын еңбекшілер арасында съезд материалдарын жинақтап көрмелер шығарып, жаңа келген кітаптармен таныстырып, еңбек, соғыс ардагерлерімен кездесулер өткізіп, мектеп оқушылары мен балабақша мен ертеңгіліктер өткізіліп қызметтер атқарылды.
Малшы – шопандарға, егістік далаларға барып, баспасөз басылымдарын, жаңа кітаптар апарып, қабырға газеттерін шығарып, клуб қызметкерлері өнерпаздарымен концерттерін қойып қайтатын. Шөп бригадасы «Сулы көл» деген жерде болды. Егістік бригадасы «Тарауда болды» малшы шопандар Қастаубай, Орлы көл, сулы көл, Қызыл – ағаш деген елді мекенде қой бағып отырды. Көктемде сақыманшылар отырды.
22 сәуір В.И.Лениннің туған күні құрметіне мектеп, клуб, дәрігерлік амбулатория, МТМ, гараж, т.б. мекемелер сенбілік жасайды. Оқушылар тал егеді, гүл егеді.
1989-1999 жылы Кітапхананың кітап қоры өсіп, кеңейе түсті. Ауыл шаруашылық жаппай арендалыққа көшті. Біздің ауылымыз, Алғабасқа қосылып, біздегі дәрігерлік пункт, балабақша, интернат бәрі жабылып, Жаңаөңір ауылы, №3 бөлімше болып қалдық. Ауылда клуб пен кітапхана жұмыс жасады, даталы күндерге байланысты кітап көрмелер ұйымдастырылып, ауыл тұрғындарымен көпшілік шаралар өткізілді.
1990 жылы 25 қазанда Жоғарғы Кеңес мемлекеттік Егемен туралы Декларация қабылданды. Осы күні Республика күні болып жарияланды.
1991 жылы 2 қазанда Қазақ жерінде Байқоңыр ғарыш алаңы 40 жыл өмір сүргенде тұңғыш ғарышкер Т.Әубәкіров ұшты.
Кітапханада «Қыран ғарышкер» атты көрме ұйымдастырылып, Т.Әубәкіров туралы альбом жинақталды.
1991 жылы 1 желтоқсанда тұңғыш Республика президентіне жалпы халықтық сайлау өтті. 10 желтоқсанда Н.Назарбаев президенттік қызметіне кірісті.
1991 жылы 10 желтоқсанда Қазақ ССР-ын, Қазақстан Республикасы деп атау туралы заңға қол қойылды.
1991 жылы 16 желтоқсанда «Қазақстан республикасының мемлекеттік тәуелсіздігі туралы Конституциялық заң қабылданды. Бұл күн тәуелсіздік күні болып белгіленді.
1992 жылы 3 наурызда Қазақстан БҰҰ-ның мүшелігіне кірді. Нью-Йоркте әлем мемлекеттері тулары қатарында Қазақстан туы желбіреді.
1992 жылы 8 мамырда Қазақстан Республикасы президентінің жарлығы шықты.
1992 жылы 4 маусымда мемлекеттік рәміздер туралы заң қабылданды.
Жаңаөңір ауылдық кітапханасында «Қазақстан тәуелсіздігі, тарихы, тағылымдары», – атты кітап көрме шығарылып, оқырманға кеңінен таныстырылды. «Ел рәміздері – ел рухы», – атты ширма шығарылды.
1993 жылы 15 қарашада Қазақстан Республикасының ұлттық валютасы – теңге айналымға енді.
1995 жылы 30 тамызда Қазақстан Республикасының жаңа Конституциясы қабылданды.
Кітапханада «Ата заңым – айбыным» атты 5-8 сынып оқушылары арасында пікір алысу кеші ұйымдастырылды. Осы тақырыпта әртүрлі сұрақ жауап кештері өтті.
1998 жылы 21 шілдеде Қазақстан Республикасының Тіл туралы заңы қабылданды.
«Мемлекеттік тіл – елдіктің айнасы» – атты кітап көрмесі ұйымдастырылды.
1998 жылы 10 мамырда Ақмола қаласы Астана болып өзгерді.
1999 жылы Сабақтастық жылы болып жарияланды. Сол бағытта кітапханада көптеген іш – шаралар, кітап көрмелері ұйымдастырылды.
2000 жылы Мәдениетті қолдау жылы болып жарияланды. Тәуелсіздік жылына бір жылғы іс – шараларға, көрмелерге картотекалар ұйымдастыруға жұмыс жоспарланды. Сол жоспар бойынша тоқсан сайын көпшілік шаралар өткізіліп тұрды. Соның бірі «Тәуелсіздік – тәу етер жалғыз кие», – атты тақырыптық кеш.
2002 жылы денсаулық жылында халықтың әл-ауқатын жақсарту мақсатында «Денсаулық болса бәрі болады» – деген шешіммен, денсаулықты нығайту бағытында көпшілік оқырман тобына арнап «Денсаулық зор байлық» атты кең көлемде кітап көрмесі, әр түрлі бағытта денсаулыққа байланысты «Ауырғанша ауырмайтын жол ізде» атты дауыстап оқу, «Спорт – денсаулық кепілі» атты әңгіме сағаты, «Дәрігер кеңес береді» атты бұрыш ұйымдастырылды.
2003 – 2005 жылдары Ауыл жылына «Ауылым – ата мекенім» атты кітап көрме шығарылды. Жыл бойына ауыл тұрғындарымен бірлесіп осы бағытта көпшілік шаралар ұйымдастырылды.
Жасөспірімдермен, балалармен «Ырымдар мен тыйымдарды білесің бе?» атты сұрақ жауап кеші, «Мақал – сөздің мәйегі», «Көшеде жүру ережелерімен таныс болайық», «Ертегілер еліне саяхат»атты ертеңгілік, «Әдептілік – әдемілік», «Құс қанатты досымыз», «Кітап біздің ақылшымыз» т.б шаралар ұйымдастырылып өткізілді.
Кітапханада «Ақын жазушылардың мерей тойлары» атты кітап көрмесі шығарылды. Жерлес ақынымыз Қ.Мырза Әлидің 70 жасқа толуына орай кітапханада «Сырлы да, сында ақын», атты әдеби кеш 9-11 сынып оқушылары, тіл мамандары өтті.
2006 жылы М.Мақатаевтың 75 жасқа толуына орай «Айтып өткен ақында арман бар ма?» – атты поэзия кеші Жаңаөңір орта мектебінде 9-11 сынып оқушыларының, сынып жетекшілерінің қатысуымен өтті. «Мұқағали – мәңгі ғұмыр» атты кітап көрме ұйымдастырылды.
Тәуелсіздіктің 15 жылдығына «Он бес жылда он бес асу», – атты танымдық кеш өткізілді.
Желтоқсан оқиғасына 20 жыл толуына орай кітапханада ауыл жастарымен «Желтоқсан жұлдыздары» – атты тарихи кеш оздырылы.