Жәнібек ауданы Библионавигатор

1952 жылы Борсы ауылы құрылғанда 10 шақты үй ғана болған. Сол жылы «Қызыл бұрыш» ашылып Батырғалиев Сабырғали жұмыс жасаған ауылды бір де бір кітап болмаған, ауданға барушылардан газеттің кейбір номерлерін ғана алдырып соны «Қызыл бұрышқа» келушілердің басын қосып жаңалықтармен таныстырып отырған.

Есенғалиев Мұхамедияр 1955 жылдары «Қызыл бұрышта» жұмыс істеген кезде, бірде бір кітап болған жоқ, ауданға қатысқандар газет алып келеді. Соны келушілерге оқып береді. Сайлауға қарсы үгіт жүмыстарын жүргізед. 1957 жылы март айында 1500 данамен кітапхана ашылып Гумарова Қыдырғаным 1961 жылға дейін жасады.

Сағынғалиева Сағира 1968жылдың жазында Алматыдағы қыздар педагогикалық инситутының кітапхана бөлімін бітіргеннен кейін 4500 дана кітаппен осы кітапхананы қабылдап алды. Сол жылы кітаптарды 11 бөлімге жіктеп бөліп, көркем әдебиеттер мен орысша көркем шығармаларды альфавитке бөліп орналастырды.Ол кезде жаңа кітаптар бибколлектордан почтамен келеді есепке алып, бөлімдерге орналастырып «Жаңа кітаптар» көрме шығарылды. Түрлі шаралар өткізіліп оқырмандарын 150 ге дейін жеткізді.

Жолдыбаева Алтынай 1971 жылы Ақтөбе мәдени ағарту училещесін кітапхана бөлімін бітіріп келіп, кітапханаға жұмысқа кірісті. Сол кезде 4750 дана кітап қорымен 200 оқырманды қабылдап алған. Кітапханада туған өлке табиғатын насихаттауда мақсатында «Табиғатпен дем аламыз», «Алтын күз» атты кештер, еңбек ардагерлерімен «Еңбек ер атандырады», «Жұмысшы қастерлі мамандық» тақырыптарында кездесу кештер, балалар арасында «Әнші балапан», « Ойлан, ізден, тап» ойындар өткізеді.
Бүгінгі күні жас ұрпаққа берілер білім мен тәрбиенің өз мәнінде сапалы болуы бірінші кезекте. Осыған орай бірден- бір рухани қазына ордасы-ауыл кітапханасының алатын орны зор. Бүгінгі таңда ауыл кітапханасы өз заманының даму денгейінде болып, жастардың өркендеуімен қалыптасуы, оның балалар мен жасөспірімдерге тәрбие беруде үлкен көмек көрсету керек. Жасөспірімдермен жұмыс жасай отырып, кітапқа деген құрметі мен сүйіспеншілігін қалыптастыру, оларға кітаптармен жұмыс жасай білуді үйрету- кітапханашының негізгі міндеттерінің бірі.
Заман талабына қарай кітапханаларға зор көңіл бөлініп, жұмыстың жаңа қырлары мен сырлары ашылуда. Кітапхана қызметі жаңалық пен жақсылықтың ізгіліктің қайнар көзі.
Кітапхана газ жүйесіне қосылған, жарық, кітапхана меншігінің ғимаратында орналасқан.
Кітапхананың жалпы мақсаты- келешекте оқырмандармен саралы жұмыс жүргізіп, оларды кітапханаға тарту, рухани байлығымызды кейінгі ұрпаққа мұра ретінде тапсыру, жаңа заман кітапханасы ретінде нағыз білім орталығына айналдыру
Әдебиетіміздің ұлы тұлғасы, сыршыл өлең сөздің зергері Мағжан Жұмабаевтың өлеңдері насихатталды. «Мағжанды жырлаймыз», «ғасырда да бір туылар ғажайыбым» атты жыр кеші оздырылды. Кешке ақынның өмірбаянымен таныстырылып өтті. Одан кейін ақынның өлеңдеріне тоқталды. «Туған жер», «Мен жастарға сенемін», т.б. поэмаларынан үзінділер оқылды. Кештің мақсаты: Мағжанның өнегелі өмірі мен тағылымдарнын тану, ақын бейнесі арқылы ұлтжандылыққа елін,жернін туған отбасын сүюге тәрбиелеу.
-Қазақ балалар әдебиетінің классигі Б.Соқпақбаевтің 85 жас толуына орай «Менің атым Қожа» кітабынан оқушылар арасында «Түбінде адам болатын бала» атты оқырмандар конференциясы өтті. Кештің мақсаты: Жазушының сүйікті кейіпкері туралы пікірлерін, көзқарастарын және көркем әдебиетті талдай алу қабілеттерін, өз ойларын көркем жеткізе білу дағдыларын дамыту. Жазушының әдебиеттерінен «Бала жанының бағбаны» атты кітап көрмесі ұйымдастырылды. Жазушының кітабындағы кейіпкерлер туралы өз пікірлерін ортаға салды. Жазушы туралы жақсы сөз айтқан жазушылар Т.Ахтанов, С.Шаймерденовтің ойлы сөздері оқылды. Жазушы бір кезде ақында болған екен. Жазушының 1950 жылы «Бұлақ» деп аталатын жыр жинағы жарыққа шықты. Сол өлеңінен «Шыныққан денеміз», «Сақ құлақ», «Мысық», «Маса» атты өлеңдерін оқып берді .Кітапханашы жазушы туралы ол кісі туған елінің кеңес уақытындағы ауыр тұрмысын, ұрпақ есіне салады. Елдің азаматтығын,тәуелсіздігін арман еткен тұғырлы тұлға. Ол ел болуды армандады.Жазушының шығармалары нәрі мол, айтары көп, мағыналы мәндер дүниелер. Қаламгердің жұртына қалдырған мұрасы.
2010 жылы қазақтың халық жазушысы Жұбан Молдағалиев 60 жасқа толды. «Бір ел –бір кітап» акциясы бойынша быйылғы жыл Ж.Молдағалиевтің «Мен Қазақпын» поэмасына арналып отыр. Осыған орай жастармен жасөспірімдер арасында «Жыр алыбы-Жұбан» атты әдеби кеш өтілді. Кеште ақынның алып жырлары оқылып «Жырлары мәңгі жырлайды» атты кітап көрмесі ұйымдастырылды. Және ауданда «Жұбанның жырлары» атты байқау өтілді. Бұл байқауда 10 сынып оқушысы Ермуханова Алма қатысып ақынның «Түсімде көрдім Анажан» атты өлеңін оқыды және ақынға арналған жергілікті ақын М. Балмолданың «Жұбан ақын-жығылмайтын иығым» атты өлеңін оқып беріп оқырманның жылы лебізіне ие болды, және «Алғыс хатпен» марапатталды.
«Кітап менің өмірімде» атты көп оқитын оқырман Ғ.Есенғалиевпен оқырман бенефисы өтілді. Кештің мақсаты: жасөспірімдерді кітапқа баулу, олардың рухани байлығын молайтып, дүниетанымын кеңейтуге қол ұшын беру. Кітапқа құштарлығын ояту, және кітапқа қүмар оқырманмен таныстыру.Келешекте де оқырман санын көбейтіп,жас ұрпаққа кітаптың ұшан –теңіз пайдасын насихаттау. Кеште оқырманды толық таныстырып яғни қай жылдан кітапхана оқырманы қанша және қандай кітаптар оқығаны, қай әдебиеттерге әуестігі туралы айтып өтілді. Оқырманға мына сұрақтар бойынша ой бөлісілді. «Қай уақыттан кітапхана оқырмансыз», «Алғашқы оқыған кітабыңыз», «Кітап қоры туралы пікіріңіз» т.б. әдеби шығармалардан үзінділер оқылып қай кітап қай жазушы екенін туралы сұрақтар берілді. Оқырманға тосыннан тапсырма беру арқылы кітапты қалай қадірлейтінін тусіндірілді.
Кеште ақын Ғ.Сейтақтың «Ауылдағы кітапхана», С.Сейітовтың «Сен мені іздейсің бе оқырманым?» атты өлеңдері оқылды.
Жасөспірімдер арасында «Кәмелетке толмағандар арасында құқық бұзушылықтың алдын-алу» атты кездесу кеші ұйымдастырылды. Кештің мақсаты: кәмелетке толмағандардың бос уақытын дұрыс ұйымдастыру, бос уақыттары үшін жағдайлар жасау, салауатты өмір салтын насихаттау.
-Балалар мен жасөспірімдерді қылмысты ортадан қорғау комиссиямен тығыз байланыс орнату, олардың жұмысының тиімді ұйымдастыруына қол ұшын беру.
Кеште «Заңды білу-заман талабы» атты көрме ұйымдастырылды. Көрмеге «ҚР қылмыстық кодексі» әдебиеттер мен мерзімді басылым беттерінен «Қылмыс және отбасы», «Жасөспірім қылмыс жасады», «Қылмыс өршіп тұр »т.б мақалалар қойылды. Бірінші «Қылмыстың алдын алу» туралы баяндама оқылды, одан кейін аудан бойынша «Құқық бұзушылықтың орын алуы туралы анықтама» ауыл инспекторы Н.Сағындықов айтып өтті. «Сенің ата-анаң», «Қиын бала қайдан шығады» жағдаяттар бойынша ата-аналар меноқушылар пікірі тыңдалды.
-Оқушылар арасында «Балам бол, басқа бол бәріңе заң біреу» атты тақырыптық кеш өтілді. Кешке 5-6-7сынып оқушылары қатысты. Кеште кітапханашы хабарлама жасап театрландырылған көрініс көрсетілді. Одан кейін Ата заң, Отан туралы жаттаған ән-жырларына кезек берілді. Балар бұдан басқа да қандай заң талаптары бар екеніне назар аударды. Заңның тараулары мен баптарынан түсініктер берді.
Жастарды жат қылықтан аулақ болуға бағытталған «Дін және дінгек» атты дөнгелек үстел оздырылды.
Елімізге жан –жақтан келіп қаумалап кіріп жатқан діндердің толастар шағы қашан болмақ? Еліккен жасөспірімдер мен жастар оған да бейім болып барады. Дін тақырыбына байланысты жастарды ашық пікірге шақырып сұрақтар берілді.
Кеш соңында өзге дінге кірген жастар туралы бейнефильм көрсетілді. Дін бізді инабаттылыққа, кішіпейілділікке, тазалыққа шақырумен бірге бір бағыттануға шақыратын ұлы күш.
Ата-аналар мен балалар арасында кітап оқуға тәрбиелеуде «Әулеттің кітаптан алар мұрасы» атты кеш өтті. Кешке ата-аналар балаларымен шақырылды. Бүгінгі ата-ананың әдеби кітаптарды таңдауда оны ұрпағының бойына сіңірудегі жолын айқындап, өздерімен ой бөлісіліп:
Сіз жерлес жазушылардан кімді білесіз?, Балалар жазушыларын атаңыз?, Кітап не үшін керек? т.б сұрақтар қойылып пікірлер айтылды. Кітаптың қасиетін бағалаған көптеген ақындардың Қ.Мұқашев «Кітап», Ө.Тұрманжанов «Жыртық кітап жылады», С.Қалиев «Кітап» т.б өлеңдері оқылды.
«Менің атым Қожа» повесінен көрініс көрсетіліп ата-аналарға « Кітапханаға жиі келіп тұрасыз ба?», «Сізге ұнай ма?» т.б сауалнамалар жүргізілді.
2012 жыл «Бір ел-бір кітап» акциясы бойынша жасын жазушы О.Бөкейдің шығармаларына арналды. Жазушының әдебиеттерін насихаттауда оқырмандармен жұмыс жасаудың әр алуан формасын пайдалана отырып, түрлі шаралар ұйымдастырылып, оқырмандар талантты ақынның роман, повестерімен танысты. Осыған орай көпшілік оқырмандар арасында Бөкейдің шығармаларынан «Касқыр ұлыған түнде» атты әдеби-кеш өтті. Кеште жазушы туралы мәлімет берілді. Одан кейін оқырмандарЕ.Ғайнолла, Д.Қадралиева,А.Закарина, Қ.Осатовалар өз ойларын бөлісті.О.Бөкейдің бұл шығармасының орны ерекше. Өйткені бұл әңгімеде сол кездегі заманның қиындығы, жол азабы,екі адам арасындағы махаббат, қатыгездік, қайырымсыздық туралы айтылады. Кеште жазушының әдебиеттерімен «Кербұғы секілді қазақтың кербезі» атты кітап-иллюстрациялық көрмесі көпшілік оқырманға ұсынылды.
Ауданымыздың құрылғанына 90 жыл толуы құрметіне Борсы ауылдық кітапханасында «Берекенің бастауы болған- Жәнібегім» атты тақырыптық кеш өтті. Кештің тақырыппен аттас бөлімінде Жәнібек ауданының құрылымы, «Жәнібек» атауының шығу тарихы, халық саны тағы да басқа деректер мен дәйектер айтылды. Бұдан әрікеш Жәнібек өңіріне танымал тұлғалардың есімдері мақтанышқа айналған ұл қыздарының өмірі мен қызметін жастарға егжейлі-тегжейлі түсіндірумен жалғасын тапты. Ақын С.Сейітовтың «Жәнібек»атты өлеңін О.Ибрашев келістіре оқыды.Кештің келесі бөлімі «Жәнібегім жыр бесігінде тербеледі»деп аталып, онда ауданнан шыққан ақындардың туған жері туралы өлеңдері оқылды. Сол сияқты Жәнібекке арнап, саз әуендерін шығарған компазиторлардың әндері шырқалды. Кеш соңында «Тағылымды тарихы мол Жәнібек» деп аталатын кең көлемді кітап көрмесі ұйымдастырылды.
«Мұхтар Әуезовті оқимыз» атты халықаралық акциясы жарияланды. Осыған орай жасөспірімдер мен оқушылар арасында М.Әуезовтың шығармаларынан «М.Әуезов әлем әдебиетіндегі алып тұлға» атты әдеби кеш өтті. Кеште жасөспірімдер Қ.Ерасыл, Р.Керейбаев, Г.Қайырлиева, Г.Жұмашева «Көксерек», «Жетім», «Қорғансыздың күні», атты әңгімесінен оқығандарын айтса төменгі класс оқушылары Г.Жұмаш, З.Мерей, Р:Есенбаева, Г.Нұрмұқанова т.б. жазушының бұрын жарияланбаған орыс тілінен аударылған әнгімелерін оқып білді. Кештің мақсаты: жазушының әдебиеттерін насихаттау арқылы кітап оқуға тәрбиелеу. Кеш соңында «Біз Мұхтар Әуезовті оқимыз» атты кешке қатысқаны үшін дипломдармен марапатталды және суретке түсірілді.
2013 жылы ауданымызда «Отбасылық оқу» сайысы өтілді. Сайыстың мақсаты: баланы терең ой мен саналы білімге, кітап оқуға тәрбиелеудегі ата-ананың ролі. Қоғамдағы жағымсыз жайттардан, ұрпақ тәрбиесіне кері әсерлерін болдырмау. Бұл сайысқа Ибрашевтар отбасы «Өнегелі отбасы» номинациясына ие болып сыйлықтармен марапатталды.
Ақын Ғ.Қараштың өмірін, қаламынан туған туындыларын, асыл мұраларын ұрпаққа жеткізу кітапханашының міндеті. Ғ.Қараштың шығармаларын насихаттауда жыл сайын дәстүрлі түрде кітапханада Ғ.Қараш оқулары өтеді. Ауданда биыл 7 маусым күні Ғ.Қараш оқулары өтті. Аудан орталығындағы ақын ескерткішінің алдында «Ұлылықты өнермен өрнектегені» тақырыбында оздырылды. Алғаш болып Борсы ауылындағы Ғ.Қараш есімін еншіліген білім шаңырағынан тәлім алып жүрген 5 сынып оқушысы Г.Жұмаш қатысып ақынның «Неден қорқам» өлеңін жатқа оқыды.
Кітапханашының ұйымдастыруымен мектеп акт залында ауған ардагері Берік Асанов және ауған ардагері /қаза болған/ Ж.Искаковтың қызы Әселдің қатысуымен «Ауғанстанда ерлік көрсеткен жерлестеріміз» кездесу кеші оздырылды. «Ауғанстан жүрегімнің жарасы» кітап көрме таныстырылып өтілді.
«Қазақ әңгімесінің символы болған Сайын Мұратбеков» кітап көрме жасақталып кітапханаға келген оқырмандарға оқуға ұсынылды. Мектептің көрермен залында кітапханашының ұйымдаструымен «Жүректерді баураған Жусан иісі» атты тоқталыспен оқу шарасы оздырылды. Кеште оқырмандар жазушының әдебиетінен жетім бала Аянның тағдыр тауқыметі, өмір жорығындағы қандай қиындыққа да мойымаған қайсар ерліктері мен ең қызықты әсерлі жерлерінен кезектесіп оқып шықты. Кеште жазушының шығармаларынан ұйымдастырылған «Сайын Мұратбеков қазақ әңгімесінің символы болған жазушы» көрмесіне шолу жасады. Кітапхана оқырмандары жазушы шығармаларынан үзінділер оқып талқылады.
Кітапханада «Дін және діни экстремизм» бағытында оқушыларғы теріс жолга түспеу жаман әдеттерден аулақ болуға арналған «Ашық күнде адаспа, бауырым» тақырыбында мерзімді басылым беттерінде жарияланған мақалалардан әңгіме өткізіліп «Жас буын, жолыңнан адаспа» көрме жасақталды. Көрмеге А.Айталы «Діни педогогика діни тәрбие», «Дін бүлікті емес, бірлікті көздейді», «Адасу», «Секталардың мақсаты не?», «Сығалаған секталар», «Ата діннен безген қазақтар» т.б мерзімді басылым беттерінен мақалар қойылып шолулар жасалып өткен.
Табиғат туралы білімдерін молайту, табиғатты қорғау әр адамның міндеті екенін ұғындыру, табиғатты қорғай алатын, адамгершілігі мол, ізгілікті, экологиялық білімі мен мәдениеті жоғары жаңа ұрпақ тәрбиелеуде Борсы ауылдық, кітапханасында «Табиғат-туған анамыз» тақырыптық кеш өтті. Кеште оқушылар 2 топқа бөлініп табиғат, жан-жануарларға арналған мақал-мәтелдер тиым сөздер айтты.
Борсы ауылдық кітапханасында «Дана халықтың – дара Абайы» әдеби кеш өтіп, оқушылар «Ғылым таппай мақтанба», «Өлең сөздің патшасы сөз сарасы», «Қараша, желтоқсан мен сол бір он екі ай» т.б өлеңдерін мәнерлеп оқып, «Көзімнің қарасы» әндерін орындады. Кеш соңы «Абай дана, Абай дара қазақта» кітап көрмесімен қорытындыланды.
Борсы ауылдық кітапханасында оқушылар арасында «Ән әлемінің падишасы» ән-кеші өтті. Кеште Шәмшінің өмір жолы мен шығармашылығы туралы мағлұмат берілді. Кітапханашы «Аспалы көпір болып қаларсың сен, жүректі жүректерге жалғайтұғын» кітап көрме жасақтады.
хаттар, дипломдар табыс етіп балаларға алғысын білдірді.
Қадыр мұрасының мәңгілігін сезіндіру үшін Борсы ауылдық кітапханасында «Тағлымы терең ұстаз ақын» поэзия кеші өтті. Кеште оқушылар ақынның «Мен Қадырмын», «Мазалайды», «Шыдаймын ғой, қайтейін өлсем де енді», «Домбыра», «Бір үзім нан», «Қадалар жанға мың қайғы» өлеңдері оқылып, ақын өмірінен кең мағлұмат беріліп, «Қадыр найзағайлы ақын» атты кітап көрмесі оқырмандарға таныстырылды.
Ғ.Қараш атындағы ОЖББМ-нің 6-7 сынып оқушыларына өз ана тіліміздің тұғырының мықты болуы, қазақ тілінің мәртебесін көтеру, оқушыларды топ алдында еркін сөйлеуге баулу мақсатында «Тіл достықтың кепілі» атты мақал –мәтел сайысы өткізілді. Сайыста 6 сынып оқушылары «Жас тілшілер», 7 сынып оқушылары «Ана тілі» болып екі топқа бөлініп Бәйге, Көкпар, Жорға, Жеті жұмақ кезеңдеріндегі қойылған сұрақтарға жауап берді . «Жас тілшілер» тобы мақал-мәтел айтудан алдарына жан салмай жеңімпаз атанды . Кітапханашы С.Дишенова «Тіл тағдыры –ел тағдыры» кітап көрмесін жасақтап шолу жасап өтті.
Борсы ауылдық әкімі аппаратында мекеме басшылары мен қызметкерлерінің қатысуымен оздырылған жиында кітапханашы С.Дишенова Елбасы жаңа әлемге, яғни төртінші өнеркәсіптік революция әлеміне бейімделу мен жетістікке жету жолын табу үшін не істеу қажеттігінің 10 бағытына тоқталып өтті. Қатысушылар өз ойларын білдіре отырып колдайтынын айқындап берді.
Ауылдық кітапханасы мен мәдениет үйі бірлесе отырып шара оздырылып, «Тәуелсіздігіміздің бойтұмары –Астана» атты кітап көрме жасақталды.Кітап көрмеге «Астана- Қазақстанның жүрегі», «Астана» энциоклопедиясы, «Менің Отаным Қазақстан», «Моя Родина Казахстан» атты т.б кітаптар мен Астана қаласында орналасқан көркем ғиматтардың суреттері қойылды. Шарада оқушылар Астананың 20 жылдығына арналған ақындардың өлеңдері оқылып, «Астана арман қала» атты бейне ролик көрсетілді.
«Жырымен жұртын оятқан – Мағжан » Мағжан жырларын оқудан жыр кеші өткізілді. Ақын Мағжан Жұмабаевтың шығармалары пролетариат төңкерісі дәуірінде Кеңес үкіметі кезінде қазақ әдебиетін дұрыс дамытып , дұрыс қалыптастыруға бағытталған құнды еңбек. Ұлт әдебиетінің атқарған міндеттерін анықтаған М.Жұмабаевтың ұстанымы – елдің ұлттық сана сезімін ояту, бұрын дербес ел болғандығын есіне салып, жасыған жігерін қайрап, өркениет жолына түсуіне көмектесті.
Борсы ауылдық кітапханасының кітапханашысы ауыл әкімі мекемесінде мамандардың қатысуымен «Таңдауымыз –жемқорлықсыз болашақ» атты пікір алмасу ұйымдастырып өтті. Шарада сыбайлас жемқорлықтың көріністерімен, одан туындайтын тұрақты және қауіпсіз дамуына қатер төндіретін сыбайлас жемқорлық туралы болғызбау және алдын алу туралы насихаттап, слайдпен таныстырып өтті.
Кітапхана мен «Балапан» бөбекжайының қызметкерлерімен ұйымдастыруымен «Адамзаттың алыбы-хакім Абай» оқу марафоны оздырылып, ақынның өлеңдері оқылып, «Желсіз түнде жарық ай», «Көзімнің қарасы» әндері шырқалды. Ақынның өмірі мен шығармашылығынан «Абай дана, Абай дара қазақта» атты көрме шығарылып шолу жүргізілді.
«Мен тұратын көше сыр шертеді» челленджі бойынша кітапхана оқырманы Дайырғали Айсана өзінің тұратын көше совхоздың директоры қызметін атқарған Шалгез Мұхамбетқалиев жайлы айтып, ол туралы өмір жолы, еңбек жолы және ұл-қыздары туралы бейне ролик түсірсе, Ерғали Ұлжан өзінің Дина Нұрпейісова көшесінде тұратындығы жайлы мақтанышпен айтып берді.
Борсы ауылдық кітапханасының оқырмандары ”Үйде отырайық кітаппен” атты челлендж эстафетасына кітапхананың зейнеткер оқырманы Ғ.Есенғалиев өзінің оқыған сүйікті жазушысының кітаптары туралы айтып өттіМәдениет қызметкерлері және мектеп ұжымы халық мүддесі үшін қызмет еткен бабамыздың рухына тағзым ету, артына қалдырған өшпес мұраларын кейінгі ұрпаққа дәріптеу мақсатында кітапхана оқырмандарын жоғарыда аталған кесенеге апарды. Сонымен қатар, «Ғұмар баба ұрпағымыз» атты кітапханада шығарылған кітап көрмесі, аталмыш мектепте орналасқан «Ел іші Ғұмарды ұмытпайды» атты бұрышымен танысып, ақын туралы мағлұматтармен қанықты. Ғ.Қараш атындағы ЖОББМ-нің оқушылары «Ғұлама Ғұмар» атты өлеңін мәнерлеп оқыды. Ғұмар Қараштың есімін есте қалдыру, шығармаларын келешек ұрпаққа таныстыру жұмыстары кітапханада жалғасын таба бермек.
айтып өтті.
Кітапхананың ұйымдастыруымен мектеп кітапханасында «Өнер – білім ар жұрттар» атты поэзия кеші оздырылды.
Кештің мақсаты жазушы Ы.Алтынсариннің өмірі мен шығармаларын таныстыру арқылы ұлтын, елінің тарихын, салт-санасын сүйген азамат екендігін танып білуге үйрету. Шарада Ғ.Қараш атындағы ОЖББМ- нің 2-4 сынып оқушылары Ы.Алтынсариннің «Өнер білім бар жұрттар», «Кел, балалар оқылық», «Әй, жігіттер» және т.б өлеңдерін оқып, «Даланың дара жұлдызы» атты кітап көрме көпшілікке таныстырылды.
Кітапханада «Нашақорлық – қоғамға төнген қауіп» атты танымдық шара өткізілді. Мақсаты: өскелең ұрпаққа жаман қасиеттерді ұғындыра отырып, нашақорлық ғасыр дерті екендігін, алдын-алу, саналы да салауатты өмір сүруге тәрбиелеу. Кітапхана басшысы С.Дишенова оқырмандарға нашақорлыққа байланысты лекция оқыды. Сонымен қатар медбике Б.Беккалиева нашақорлықтың жалпы адамдарға зияны жөнінде айтып өтті. Шара соңында «Нашақорлық – қоғамдық дерт» атты бейнебаян көрсетілді.
«Туған жер» бағдарламасы аясында Ғұмар бабамыздың рухына арнап кесене салу қолға алынған болатын. Бүгінде ғұламаның туған жері Борсы ауылында жаңа нысан бой көтерді. Кесенің ашылу рәсіміне облыстық мәслихат хатшысы М. Құлшар, облыстық мәдениет басқармасының басшысы, облыстық «Рухани қазына» кіші бағдарламасының жетекшісі Қ.Мұсағалиев, Батыс Қазақстан инновациялық-технологиялық университетінің доценті, тарих ғылымдарының кандидаты, ғұмартанушы Б.Боранбаева, «Егемен Қазақстан» газетінің Батыс Қазақстан облысы бойынша меншікті тілшісі Қ. Құттымұратұлы, БҚО тарихи-өлкетану музейінің директоры М.Ерсаев, облыстық «Рухани қазына» кіші бағдарламасының өкілі Г.Задашқызы қатысты. Осы шарада Ғұмар Қараш еңбектерін дәріптеуде «Ғұлама дарын, ірі тұлға» киіз үй жасақталып, ақпаратты- библиография бөлімінде жинақталған жинақ папкілер, фото суреттер, мен құралдар «Жойылмаса игі еді, артта қалған ізіміз» атты көрмеге қойылып, елге келген қонақтарға, оқырмандарға таныстырылды.

Қуатова Гүлжамал Сағындыққызы

1957 жылы 1 қаңтарда дүниеге келген.
1964 жылы Жақсыбай орта мектебіне 1 сыныбына барып, 1974 жылы бітірді.
1975 жылы ауылдық техникалық училищені оқыды. Әр түрлі жұмыстар істеді.
1978 жылы Жақсыбай орталық кітапхана меңгерушісі болып істеді. Осы жұмысты істей жүріп 1981 жылы Орал қаласындағы Жұбан Молдағалиев атындағы әмбебап ғылыми кітапханасынан 1 жылдық курс бітірді.
1988-1990 жылдар аралығында Ақтөбе мәдени-ағарту техникумына сырттай түсіп «кітапхана ісі» мамандығын алып шықты.
Борсы ауылдық кітапханасының меңгерушісі болып жұмыс жасап, 2015 жылы зейнетке шықты.

Жетістіктері:
2001жылы Аудандық кітапхананың 65 жыл, балалар кітапханасының 45 жыл толуына аудан әкімінің «Алғыс хатымен»
2003-2005 жылдары «Ауыл жылы» байланысты нәтижелі әдістеме құралын байқауға қатысқаны үшін Х.Есенжанов атындағы балалар мен жасөспірімдер кітапханасының «Алғыс хат»
2006 жылы аудан әкімінің «Жылдың үздік қызметкері» номинациясына ие болды.
2007 жылы Х.Есенжанов атындағы балалар мен жасөспірімдер кітапханасында «Шәнгерейдің шұғылалы жырлары» шығармашылық байқауына қатысып «Алғыс хатпен» марапатталды.
2010 жылы Ж.Молдағалиев атындагы облыстық ғылыми- әмбебап кітапханасында Ж.Молдағалиевтің 90 жылдығына арналған «Жыр алыбы – Жұбан» әдістемелік құрал байқауына қатысып «Алғыс хатпен» марапатталды.
2010 жылы ауданда өткен «Кітапхана құқықтық негізге тәрбиелеумен насихаттаудағы маңызды орын» тақырыбында семинарға қатысып «Құқық ағартудағы кітапхананың ролі» тақырыбында баяндама жасады.
Кітапханалық қызмет атқарудағы жемісті еңбегі үшін 2012 жылы аудан әкімінің «Алғыс хатымен» марапатталды.
Гулжамал Сағындыққызы бугінде өз әріптестерінің арасында еңбегімен танылып, «Құрмет тақтасынан» орын алды.

Дишенова Салтанат Кусайновна

1980 жылы 10 шілдеде БҚО, Жәнібек ауданы, Тегісшіл ауылында дүниге келген. Мектеп бітірген соң 1996-1997 жылдары Жәнібек кәсіптік – техникалық лицейінің оқып, 2011 2014 жылы Орал гуманитарлық колледжінің «Кітапхана ісі» мамандығын алып, 2015 жылдан Борсы ауылдық кітапханасына жұмысқа орналасып , 2021 жылдан кітапхана басшысы қызметін атқарып келеді.

Жетістіктері:
2016- 2017 жылы Ресей Федерациясы Воронеж облыстық кітапханасының Дипломымен марапатталған.
2017 жылы VІІІ Халықаралық «Читаем детям о войне» акциясына қатысып Ресей Федерациясының Самара балалар кітапханасының директоры Е.Канигинаның дипломымен марапатталды.
2017жылы Қазақстан Республикасының Тәуелсіздігі күнімен Хамза Есенжанов атындағы облыстық балалар және жасөспірімдер кітапханасының директоры З.Утешовадан “Алғыс хат”
2018 жылы «Жайықтың ақиығы» облыстық акция Хамза Есенжанов атындағы облыстық балалар және жасөспірімдер кітапханасының директоры З.Утешовадан Алғыс хат
2022 жылы Ж.Молдағалиев атындағы облыстық әмбебап ғылыми кітапханасының Алғыс хатымен марапатталды.

Жақсыбай өңірі батысы Борсы ауылымен, шығысы Казталовка ауданы Еңбек елді мекенімен, солтүстігі Талов ауылымен, ал солтүстік шығысы Малыузен /Сарыөзен/ Ресеймен шектеседі. Аудан орталығынан солтүстікке қарай 150 км жерде орналасқан. Тұрғыны 1055 адам.
Бүгінде Жақсыбай ауылының кітапханасының кітап қоры – 16070
Оқырман саны – 575
Кітап берілімі – 16631
Келім саны – 6723.
1928 жылы «Қызыл үй» құрылып, сонда кітапханашы болып алғаш Нұрсұлтан Машаев, Сүлейменова Злиха еңбек етті.
1948-1953 жылдары кітапхананың орнықты орны да болған жоқ. Ихсанғали Даулетчин аға өзінің әдемі үйінің бір жағын кітапхана үшін пайдалануға берді. Колхозға кітапхана үйі 1955 жылы салынып, кітапхана алғаш құрылған жылдардан-ақ, көпшіліктің жиі баратын, суйікті орнына айналды. Сол жылы Батырғалиев Сабырғали деген кісі кітапханашы болып тағайындалды.
1958-1960 жылдары кітапханада Сабирова Нәсіп деген апай жұмыс істеді. Ол кезде кітап қоры 1500 дей болды.
1961 жылы Сведлов колхозы Талов совхозының №5 фермасы болып біріккенде кітапханашы Ыдырсова Хабира апай жұмыс жасады. Міне, 50 шақты кітаппен ашылған «Қызыл үй» бүгінде заман үрдісімен дамып, қазіргі заманға сай кітапхана жүйесіне айналды деуге болады.

Әр жылдарда істеген кітапханашылар:

Сабирова Нәсіп 1958-60ж
Ыдырысова Кабира -1961ж
Шалабаева Анар 1967ж
Адмелиева Ұрқия 1968-70ж
Шарипова Үміт 1975-79ж
Юсупова Жақып 1981-83
Қуатова Гулжамал 1983-94ж

«Жақсы кітап- жан азығы» деген нақыл сөз бар халықта. Кітапхана- тек қана кітап сақтайтын орын ғана емес, қоғамның рухани жағынан дамуына, мәдениетін көтеруге ықпал ететін мәдени орталық.
Қазіргі кездегі кітапханалардың алға қойған мақсаттарының бірі- кітап оқуды насихаттау, кітап оқитын оқырмандар санын көбейту.
Осындай мақсатпен Жақсыбай ауылдық кітапхана ауылдық әкімшілігі, ауылдық мектебі, ауылдық фельдшерлік амбулатория, балабақшаға оқырмандар сұраныстары бойынша әдебиеттер апарып, хабарлама күндерін өткізіп келеді. Рухани ошақтың қоғамдық сұранысқа сай дамуына аудандық кітапханадан кітап қорын молайтуда жұмыстар жүргізілуде. Жыл сайын ауылдық кітапханаларда кітап қоры көбеюде.
Кітапхана- кітап арқылы жеке адамның жан-жақты білім алып, саяси санасын қалыптастырып, кәсіби, мәдени даму дәрежесіне әсер ететін бірден-бір әлеуметтік орын.
Кітапхана 2009 жылдан Жақсыбай ауылдық мәдениет үйімен орналасқан газ жүйесіне қосылып. күрделі жөндеуден өтті.
Кітапхана іші қазіргі заманға сай безендірілді. Жаңадан жабдықтар алынып: кітап сөрелері, оқырмандарға арналған үстелдер, орындықтар алынып пайдалануға берілді.
Ауылдық кітапхананың шығармашылық жұмыстарына тоқталсақ, кітапханада «Шебер қолдар» және «Қуыршақ» үйірмелері жас оқырмандардың көңілінен шығып жүр.
Кітапханада өткізілетін іс-шаралар: Қариялар күнінен бастау алатын қайырымдылық айлығында ауылдық әкімшілігімен бірлесіп жылдағыдай қариялар мен жәрдемге мұқтаж жандарды назардан тыс қалдырмауда. «Достық пен сенімдік – біздің басты байлығымыз» тақырыбында мүмкіндігі шектеулі жандарға қамқорлық көрсетілді.
Кітапхана оқырмандарымен көптеген жұмыстар жүргізеді: Алты алаштың ақиық ақыны Ж.Молдағалиевтің 90 жылдығына орай, облыстық «Жұбан оқулары» байқауы өткізілді. Аяулы жерлесіміз Ж.Молдағалиевтің төл мұрасын кеңінен насихаттау біздердің, яғни кітапханашының міндеті.
Ақжайықтың ақиық ақыны Ж.Молдағалиев шығармаларын оқырмандар арасында насихаттау.
Осы байқауға белсенді кітапхана оқырманы А.Сағитов ауданда «Жұбан деп жырлайды жүрегіміз» атты Жұбан оқулары байқауына қатысып жүлдегер атанды.
2009 жылы «Ұлы Жеңістің 65 жылдығы» жобасы аясында «Ауылым – алтын бесігім» атты аудандық бейне ролик байқауына қатысып, ауылдық кітапхана жанынан қазіргі заман талабына сай жаңа технологиялық құралдарды пайдалану арқылы отансүйгіштік сезімдерге баулитын тағылымы мол мәліметтерді жинақтаған жұмыстары үшін 5 сынып оқушысы М. Атошев 1-ші орын алып «Құрмет грамотасымен» марапатталды.
2013 жылы «Ақжайық өңірінің оқырман отбасы-2013» облыстық байқауының, ауданда өтілген оқырман отбасы Жұбанаевтар отбасы «Парасатты отбасы» номинациясымен марапатталды.
Жастар мен жасөспірімдердің қатысуымен және мектеп кітапханасымен бірлесіп «Иманды ұл- инабатты қыз» тақырыбында тәрбие сағаты өткізілсе, мектептің 7-8-9 сынып қыздары арасында сынып жетекшісімен бірлесіп, «Атыңнан айналайын, қазақ қызы» атты тәрбиелі әңгіме жүргізіп, әдет-ғұрып, салт- дәстүрлер айтылып, қыздар арасында кітапхана жанынан құрылған «Шебер қолдар» үйірмесінің жұмыстары таныстырылып, қыздарға сәндік- қолданбалы өнерді үйрету және осы саладағы әдебиеттерді насихаттау болды.
Жолдаудың негізгі басымдықтарын насихаттау бағытында мектеп кітапханасында «Ұрпақ болашағына жарқын жол» тақырыбында ауыл жастары және жоғары сынып оқушылар арасында кітапханашы түсінік – әңгіме жүргізсе, ауыл жастар ісінің нұсқаушысы Е.Тілебалиев қатысушы жастарға жолдаудың төртінші басымдығындағы білім жүйесіне көңіл аударып өз пікірін ортаға салды.
9 сынып оқушылар арасында «Латын әліпбиі- рухани жаңғырудың негізі» тақырыбында танымдық әңгіме өткізілді. «Латын әліпбиі –рухани жаңғырудың негізі» тақырыбында жасақталған көрмеге таныстырылды.

Ауылдық кітапхана мен мәдениет үйінің ұйымдастыруымен «Елбасы мұраты, ел бақыты» атты тақырыптық кеш оздырылды. «Елін сүйген – елі сүйген Елбасы» тақырыбындағы кітап көрмеге шолу жасап, оқырмандар назарына кітаптарды оқуға ұсынды. Еліміздің тәуелсіздігіне, Елбасына арналған қазақ ақын – жазушыларының өлеңдерін оқушылар мәнерлеп оқып берді.
Ә.Кекілбаевтың шығармаларын насихаттау бағытында 8 сынып оқушылар арасында «Әбіш Кекілбаев – өзгеше дарын жазушы» атты әдеби дефиле шарасы оздырылды.

Ауылдық кітапханасынының ұйымдастыруымен «Пара беру де, пара алуда – күнә» тақырыбында танымдық әңгіме жүргізілді. Шара барысында оқырмандардың назарына « Жемқорлық- жегі құрт» тақырыбында бейнеролик және «Біздің таңдауымыз- жемқорлықсыз болашақ» атты иллюстрациялық-слайд көрсетілді.
Ауылдық кітапханасы мен мәдениет үйінің ұйымдастыруымен « Елбасы мұраты, ел бақыты» атты тақырыптық кеш өздырылып, еліміздің Тұңғыш Президенті Н.Ә. Назарбаевтың Қазақстанның дамуы мен жарқын болашағына қосқан үлесі туралы айтылып, шара барысында «Елін сұйген – елі сүйген Елбасы» тақырыбындағы кітап көрмеге шолу жасалып өтті.
Ш.Қалдаяқовтың 90- жылдығына орай «Шәмші – әннің шынары» тақырыбында онлайн режимінде әдеби караоке ұйымдастырылды. Бұл шараға әнсүйер оқырмандар қатысып сазгердің бірнеше әндерін орындап өтті.
«Ұлы халықтың- Ұлы Абай» тақырыбында оқу марафонына ауылдық округ әкімі А.Каратаев, мекеме қызметкерлері, ұстаздар мен мектеп оқушылары қатысты.
Шара барысында ақын Абайдың балалық шығынан көрініс көрсетілсе, ауыл әкімі, мектеп ұстаздары Хакім Абай туралы пікірлерін ортаға салды. Шараға қатысып отырған көпшілік оқырмандар ақынның әндерін орындады және «Ұлы ақын ұлағаты» тақырыбындағы көрмедегі шығармаларымен танысты.
Ауылдық кітапханасы ауылдық мәдениет үйімен бірлесе отырып Кеңес әскерлерінің Ауғанстан жерінен шығарылғанына 31 жыл толуына орай «Ерлік – жан дүниенің ұлы қасиеті» тақырыбында ауған соғысына қатысқан жауынгер Н.Мекетаевпен кездесу кешін ұйымдастырды.
ҚР заңдарын орындау мақсатта «Ата Заң – адам құқықтарының кепілі» атты ашық аспан астында ұйымдастырылған көрмені оқырмандар назарына ұсынды.

Ауылдық кітапханада «Алтын шаңырақ» кітапханалық жоба.негізінде бағыты әр өткізілген отырыста балалар қолөнер бұйымдар жасаумен қатар, ұлттық тәлім-тәрбиені бойына сіңіру. Осы жоба аясында халық өмірімен, тұрмысымен бірге жетіліп білу.Өзгешілігі: оқушыларды шығармашылыққа тарта отырып жобаны тани білуге және іскерлік, икемділік қабілеттерін арттыру.
Жақсыбай ауылдық кітапханасында кітапсүйер барша оқырмандарға «Ханшайым кітабының елінде» тақырыбында библиокеш оздырылды. Кешке кітапхананың тұрақты оқырмандары және ата – аналар мен ұстаздар қатысты. Кітапхананың белсенді оқырмандары – Ханшайым кітабы, тентек қыз кейіпкерлерімен шараны ашты. Кітапханашылар қатысушыларга «Жұмбақ шешу, мақал-мәтелдерді жалғастыру», «Бірсөзбен көптеген сөйлем құрау», «Кроссвордты шешейік – білімімізді сынайық» ойындары, викторина, жұмбақтар ойнатылып білімдері шыңдалды.

Айтуғанова Светлана Набиуллиновна

1965 жылы 3 маусымда БҚО. Жәнібек ауданы Талов совхозында дүниеге келді.
1982 жылы мектеп бітіріп, ауылда түрлі жұмыстар жасады.
1985 жылы Орал қаласындағы Н.Крупская атындағы әмбебап кітапханасында І жылдық курс бітіріп Талов совхозында кітапханашы болып жұмыс атқарды. Жанұя жағдайымен 1988 жылы Жақсыбай ауылына келді.
1994 жылдан осы кезге дейін Жақсыбай ауылдық кітапханасының басшысы болып атқарып келеді.
2000 жылы БҚМУ мәдениет институтына сырттай оқуға түсіп 2005 жылы библиограф мамандығын алып шықты.Содан бері осы салада қызмет атқарып жүр.
Жетістіктері:
Ж.Молдағалиевтің 90 жылдығына «Ел жадынан өшпейді- Жұбан ақын» атты облыстық әдістемелік құралдар байқауына қатысып алғыс хат,
Жәнібек ауданының құрылғанына 90 жыл толуына орай «Шежіресі сырға толы-Жәнібегім» атты әдістемелік құралдар байқауына алғыс хат.
2013 жылы мәдениет және өнер қызметкерлерінің күніне орай аудан әкімінің «Алғыс хатымен» марапатталды.
2015 жылы Х,Есенжанов атындағы облыстық балалар мен жасөспірімдер кітапханасының директоры З.Утешовадан Алғыс хат
2016 жылы РФ Воронеж қаласының кітапханасының директоры А.Аристовадан «5День поэзии С.Маршака в детских библиотеках» байқауынада Диплом
2016 жылы мәдениет және өнер қызметкерлерінің күніне орай Ж.Молдағалиев атындағы облыстық әмбебап ғылыми кітапханасының директоры Ш.Уразаевадан Алғыс хат
2018 жылы аудан әкімі А.Сафималиевтен Алғыс хат
2019 жылы Қазақстан Республикасы «Үздік қызметкер» төсбелгісімен марапатталды.
2020 жылы мәдениет және өнер қызметкерлерінің күніне орай Батыс Қазақстан мәдениет басқармасының басшысы С.Дүйсеновтен Алғыс хат