Ж.Молдағалиев атындағы Батыс Қазақстан облыстық әмбебап ғылыми кітапханасының ақпараттық-библиографиялық бөлімі 2020 жылдың 3 наурызында «Өрлеу» БАҰО» АҚ филиалы «БҚО ПКБАИ» базасында «Білім беруді жаңарту – уақыт талабы» тақырыбында «Ақпарат күні» өткізілді.

Тәуелсіздік алғалы бері елімізде әлемнің дамыған мемлекеттерімен қатарлас деңгейде болу үшін көптеген істер жүзеге асырылып келеді. Елбасының қолдауының нәтижесінде қазақстандық білім беру жүйесі жаңа даму деңгейіне өтуде. Елбасы Нұрсұлтан Назарбаев «Болашақта еңбек етіп, өмір сүретіндер бүгінгі мектеп оқушылары, мұғалім оларды қалай тәрбиелесе, Қазақстан сол деңгейде болады. Сондықтан ұстазға жүктелетін міндет ауыр» деген болатын. Қазіргі заман мұғалімі жаңартылған білім жағдайында кәсібін терең түсінетін, жаңа технологияларды меңгерген білім-біліктерін тәжірибеде қолдана алатын, тарихи танымдық, педагогикалық-психологиялық сауаттылығы жоғары, кәсіби шебер маман болуы тиіс.

Қазіргі таңда педагогикалық жаңаша үрдістерде білім мен тәрбие берудегі ізгілендіру, жариялылық, педагогикалық ынтымақтастық, ғылыми-әдістемелік тың ізденістерге сүйене отырып, жаңашылдыққа талпыну қажет екендігі айтылады.

«Ақпарат күні» аясында Ж.Молдағалиев атындағы облыстық әмбебап ғылыми кітапханасы ақпараттық-библиографиялық бөлімінің қызметкерлері «Қазақстан тарихы  және  құқық негіздері  пәндері мұғалімдері», «Математика пәні мұғалімдері» саласы бойынша «Цифрлық білім беру ресурстарының жинағы» тақырыбында веб-библиографиялық көрсеткішті таныстырды.  Онлайн режимінде  https://ust.kz/.; http://edulife.kz/; https://e-history.kz/kz; http://kazbilim-edu.kz т.с.с. мұғалімдерге пайдалы білім беру ресурстары көрсетілді.

Шараға 50 мұғалім қатысты.