Жобаның мақсаты: Қоғамдағы түрлі мамандық иелерін оқырмандарға таныстыру, олармен сыр – сұхбат өткізіп, болашақ жастарға үлгі – өнегелерін дәріптеу. Жастардың рухани дүниесінің, ой-өрісінің артуына, әлеуметтік дәрежесінің, саяси және құқықтық мәдениетінің жоғарлауына ат салысу және оларға қолдау көрсету. Сонымен қатар оқырмандарды кітапханаға тарту, жаппай кітап оқуды насихаттау, жас ұрпақтың бойына отансүйгіштік сезімдерін қалыптастыру.
2000 жылдан бастап Қазақстанда отбасылық кітап оқу дәстүрін қалыптастыруға үлкен көңіл бөлінуде, кітапханалар өздерінің басты міндеттерінің бірі ретінде отбасыларды рухани қолдау, кітап оқу арқылы өз өмірлерін қызықты ету деп санайды. «Оқитын Қазақстан» бағдарламасын жүзеге асыру барысында 2007 жылы Ж.Молдағалиев атындағы ОӘҒК- да отбасылық оқу орталығы ашылды.
2020 жылдан бастап Ж.Молдағалиев атындағы ОҒӘК өзінің қолжетімді ақпараттық және интеллектуалдық ресурстары арқылы БҚО тұрғындарына «ҚОШ» қызықты оқуға шақырамыз атты жобасын ұсынады.
Жұбан Молдағалиев атындағы облыстық әмбебап ғылыми кітапханасының «Абонемент және тіркеу» секторы жастарды кітап оқуға тәрбиелеу, бағытында ауқымды жұмыстар атқаруда. 14 пен 21 жас аралығындағы жастармен жұмыс жасудың бір бағыты- қоғамдастық немесе клуб құру. Спикерлер клубын құру жастардың қызығушылықтарына қарай біріктіруге және оларды өзін-өзі дамытуға, тұлғалық өсуге, кітаптарды оқуға баулуға көмектеседі.
Жұбан Молдағалиев атындағы облыстық әмбебап ғылыми кітапханасының абонемент бөлімі, жыл сайын кітапхана пайдаланушылары үшін, жаңа жұмыс түрлерін енгізіп келеді. Кітапхана қызметін цифрландыруға байланысты, біз танымал телеграмм мессенджерін пайдалануды жөн көрдік.