Цифрлық құжаттар

«Цифрлық құжаттар» сервисін қолдану бойынша
Батыс Қазақстан облысының ақпараттандыру, мемлекеттік көрсетілетін қызметтер және архивтер басқармасы «еGov mobile» мобильді қосымшасында «Цифрлық құжаттар» сервисін (бұдан әрі – Сервис) іске асыру жұмыстары жүргізілгенін хабарлайды. Сервис азаматтарға құжаттарды (жеке куәлік, туу туралы куәлік және т.б.) мобильді қосымша арқылы, электрондық форматта қарауға, сондай-ақ оның дұрыстығын тексеруге мүмкіндік береді.
Құжат ақпараттық жүйе иесі – заңды тұлғаға берілген, Қазақстан Республикасының Ұлттық куәландырушы орталығының электрондық цифрлық қолтаңбасы арқылы куәландырылған, мемлекеттік органдардың ақпараттық жүйелерінен алынған мәліметтер негізінде жасалады.
«Ақпараттандыру туралы» Қазақстан Республикасының 2015 жылғы 24 қарашадағы № 418-V Заңында жеке және заңды тұлғалармен өзара іс-қимыл кезінде электрондық құжаттарды жасауға, сақтауға және пайдалануға арналған цифрлық құжаттар сервисі ұғымы бекітілген.
Қазақстан Республикасының Цифрлық даму, инновациялар және аэроғарыш өнеркәсібі министрінің 2020 жылғы 28 қыркүйектегі № 352/НҚ бұйрығымен бекітілген «Цифрлық құжаттар» сервисін қолдана отырып, электрондық құжаттарды қалыптастыру, тексеру және пайдалану қағидаларына» сәйкес, цифрлық құжат – Сервис қалыптастыратын, мемлекеттік көрсетілетін қызметтерді және өзге де көрсетілетін қызметтерді электрондық түрде алу үшін, сондай-ақ жеке және заңды тұлғалармен өзара іс-қимыл жасау кезінде қажетті электрондық құжат.
Өз кезегінде, «Электрондық құжат және электрондық цифрлық қолтаңба туралы» 2003 жылғы 7 қаңтардағы № 370-ІІ Қазақстан Республикасы Заңының 1 – бабы 12) – тармақшасына сәйкес, электрондық құжат – ақпарат электрондық – цифрлық нысанда түрде ұсынылған және электрондық цифрлық қолтаңба арқылы куәландырылған құжат.
Сонымен қатар, «Электрондық құжат және электрондық цифрлық қолтаңба туралы» 2003 жылғы 7 қаңтардағы № 370-ІІ Қазақстан Республикасы Заңының 7-бабының 1-тармағына сәйкес, электрондық құжат, осы Заңның талаптарына сәйкес келетін және оған қол қоюға өкілеттігі бар адамның электрондық цифрлық қолтаңбасы арқылы куәландырылған және қағаз жеткізгіштегі қол қойылған құжатпен тең.
«Ақпараттандыру туралы» Қазақстан Республикасының 2015 жылғы 24 қарашадағы № 418-V Заңының 34-бабының 5-тармағына сәйкес, мемлекеттік көрсетілетін қызметтерді және өзге де көрсетілетін қызметтерді электрондық түрде алу үшін, сондай-ақ, жеке және заңды тұлғалармен өзара іс-қимыл кезінде қажетті электрондық құжаттар, уәкілетті орган айқындаған тәртіппен цифрлық құжаттар сервисі арқылы қалыптастырылады, тексеріледі және пайдаланылады.
«Ақпараттандыру туралы» Қазақстан Республикасының 2015 жылғы 24 қарашадағы № 418-V Заңының 34-бабының 6-тармағына сәйкес, электрондық құжаттар цифрлық құжаттар сервисінде мемлекеттік органдардың ақпараттық жүйелерінің және өзге де ақпараттық жүйелердің мәліметтері негізінде қалыптастырылады.
Осылайша, «eGov mobile» мобильдік қосымшасында көрсетілетін құжаттар қағаз жеткізгіштегі мәні бірдей құжаттар болып табылады, сонымен қатар жеке және заңды тұлғалармен өзара іс-қимыл кезінде пайдаланылуы мүмкін.
Жоғарыда мазмұндалғанның негізінде, азаматтармен (жеке және заңды тұлғалармен) өзара байланыс және мемлекеттік қызметтерді көрсету кезінде цифрлық құжаттарды енгізу және қолдану қажеттігін атап өтеміз.