Алғашқы бөлімде оқушылар орта ғасыр қойнауына саяхаттап, Аспара, Баласағұн, Қарнақ, Сарайшық, Сығанақ сынды көне кенттермен танысып, олардың қыр сырына қанықса, екінші бөлім кішкентай оқырмандарын табиғат таңғажайыптарымен тандандырады. Үшінші бөлім, аты айтып тұрғандай, балдырғандарды салауатты өмір салтын ұстана спортқа бейім болып, шынығып, шыңдалып өсуге құлшындыратын танымдық өлеңдерден тұрады.