Қобдабаева Сарбиназ Кәрімқызы 1963 жылы 25 наурызда Батыс Қазақстан облысы Зеленов ауданы, Чинарев ауылында туған. Білімі – жоғары, санаты-жоғары. Кітапхана саласында 1999 жылдан бері тұрақты еңбек етіп келеді. Кітапханалық еңбек өтілі – 24 жыл. Чинарев ауылдық кітапханасының кітапханашысы болып қызметін атқарып келеді. 1984 жылы Орал мәдени – ағарту училищесінің “Кітапхана ісі” мамандығы бойынша үздік дипломмен бітіріп шықты. 2017 жылы Батыс Қазақстан инновациялық-технологиялық университетінің «Кітапхана ісі» факультетін бітіріп, осы мамандық бойынша Бакалавр дәрежесі берілді.
Кітап қорын талапқа сай жүйелеп, ауыл тұрғындары арасында кітапты жариялау жұмысын жүргізеді.
Ауылдық мектеп және денсаулық сақтау, әкімшілік қызметкерлерімен тығыз байланыс жүргізе отырып, әр түрлі мәдени – көпшілік шаралар ұйымдастырып отырады. Жылдық жоспары бойынша жылдың негізгі тақырыптарына байланысты кітап көрмелері мен тақырыпты сөрелер шығарып тұрады.
Кітапханада жүйелілік каталогы, өлкетану картотекасы, өзекті тақырыптық картотекалар жүргізіліп отырылады. Өзінің кәсіби шеберлігін жетілдіруге тырысады, ауданда өтетін зерделі кеңестерге үнемі қатысады.
2011-2019 жылдары ішінде Батыс Қазақстан облысының мәдениет, архивтер және құжаттама басқармасынан, Х.Есенжанов атындағы облыстық балалар және жасөспірімдер кітапханасы басшысынан, Бәйтерек аудандық мәдениет, тілдерді дамыту, дене шынықтыру және спорт бөлімінен, аудандық ОКЖ басшысынан, алғыс хаттармен марапатталған. Қоғамдық жұмыстарға белсене араласады, мінезі ашық, қарапайым, мейірімді, әрдайым көмектесуге дайын тұрады, адамдармен тіл табыса алады. 2020 жылы Қазақстандық кітапханалық одақтың төрайымы Б. Оспанованың «Кітапхана ісінің үздігі» төсбелгісін Чинарев ауылдық кітапханасының кітапханашысы Сарбиназ Қобдабаева марапатталды.