Ж. Молдағалиев атындағы облыстық әмбебап ғылыми кітапхананың өнер жөніндегі әдебиеттер бөлімі 25 сәуір күні «Сазды керуен» жобасы аясында №1 өнер мектебімен бірігіп «Ықылас – майталман қобызшы» атты сазды кеш өткізді.

Кештің мақсаты: Ықылыс Дүкенұлының өмірі мен шығармашылығын дәріптеу. Жас ұрпаққа өлмес музыкалық мұраларын насихаттау.

Шара барысында №1 Балалар өнер мектебінің қобыз аспабының оқытушысы Нұрбақыт Есболатқызы Ықылас Дүкенұлының шығармашылығына тоқталып, қобыз аспабының оқушысы Самиғолла Ақжан «Жез киік» шығармасын орындап берді. Ансамбль, оркестр жетекшісі Бибигуль Жасталапқызы Қуанғалиева қыл қобызда Ықыластың «Ерден» күйін орындап, оқушылар назарына ұсынды. Балалар өнер мектебі оркестрі Сейдолла Бәйтерековтың «Кішкентай», Еркін Нұрымбетовтың «Ақжайық», Құрманғазы Сағырбаевтың «Саранжап», Ұлан Бакижановтың «Есіл Нұра» шығармаларын орындады. Осы кешке арнайы «Ықылас-майталман қобызшы» атты кітап көрмесі ұйымдастырылды.