Жанабаева Жеңісгүл Қалиқызы 1971 жылы 9 мамырда Батыс Қазақстан облысы Қаратөбе ауданы Қаракөл ауылдық округінде дүниеге келді. 1978-1988 жылдар аралығында Қаракөл орта мектебін бітірді. Мектептен соң Алматы электрлі байланыс техникумында оқып, почта байланыс операторы мамандығын 1991 жылы тамамдап, Қаратөбе аудандық почта байланысы торабына жұмысқа орналасады.

1992 жылы отбасын құрады. Жұбайы Күмисқалиев Әлібекпен 3 ұл тәрбиелеп отыр.
1994-1995 жылдары Алакөл негізгі білім беретін мектебінде кітапханашы, математика пәнінің мұғалімі болып қызмет жасады.
1997 жылы отбасы жағдайымен Батыс Қазақстан облысы, Бәйтерек (Зеленов) ауданы Переметный ауылына қоныс аударады.
2000-2001 жылдары Зеленов аудандық статистика мекемесінде еден тазалаушы болып жұмыс жасай жүріп, «АNDAS» оқу орталығында «Жеке электронды есептеу машинкасының операторы» курсын оқып бітіреді.
15.03.2002-01.03.2005 жылдар аралығында Зеленов аудандық орталықтандырылған кітапханалар жүйесінде Жеке электронды есептеу машинкасының операторы;
01.03.2005-21.07.2009 жылдары Зеленов аудандық орталықтандырылған кітапханалар жүйесі іс жүргізушісі болып қызметте болды.
2004 – 2009 жж. М.Өтемісов атындағы Батыс Қазақстан Мемлекеттік Университетінде «Кітапханатану және библиография» жоғары білімді мамандығын оқып бітірді.
Білімі–жоғары-кітапханашылық, 2009-2010 жылдары аудандық кітапхананың оқу залының кітапханашысы, 2010 жылдан ОКЖ-нің балалар және жасөспірімдермен жұмыс әдіскері, 2018 жылдың қаңтарынан бастап ОКЖ директоры қызметін атқарып келеді.
Кітапханада қызмет істеген жылдары Ж.К.Жанабаева өзін жауапты қызметкер ретінде көрсете білді. Өз жұмысына жауапкершілікпен қарайды, көп ізденеді. Облыстық Ж.Молдағалиев атындығы ғылыми-әмбебап кітапханасы мен Х.Есенжанов атындағы балалар және жасөспірімдер кітапханалары ұйымдастырған семинар, конференция, тренингтерге қатысып, ойын ортаға салып отырады. Кәсіби біліктілікті көтеру бағытында облыс, республика көлемінде бірнеше Сертификаттары бар.

   2016 жылы Алматы қаласында ҚР Ұлттық кітапханасы Каталогизатор мектебінде іс-тәжірибелік оқудан өткені туралы куәлігі бар.
Сонымен бірге көршілес Ресей елімен өткізілген түрлі шараларды, облыстық кітапханада өткен «Алтын дәнді, жасыл мекен» атты Зеленов ауданы кітапханалары күнін өткізу, Зеленый ауылдық, Дариян ауылдық балалар кітапханаларына модельді кітапхана статусын беру шараларын, “Библиотүн” интеллектуалдық бос уақытты ұйымдастыру әлеуметтік – мәдени акциясын ұйымдастырып, өткізуге тікелей қатысты. Ауыл кітапханашыларына әдістемелік көмек ретінде «Кітап көрмелерін жаңаша ұйымдастыру» көмекші құралын, жылдың көкейкесті тақырыптарына, мерейгер ақын-жазушыларға, «Озат тәжірибе баршаға» сериясымен жылдың үздік кітапханашыларының іс-тәжірибесін таратуға әдістемелік құралдар құрастырып, таратып отырады. ОКЖ-нің бағдарлама жобалық жұмыстарына тікелей қатысып, «Тарихыңды таны, тұлғаңды құрметте» өлкетану жобасын, жылма-жыл өтіп тұрған «Бір ел-бір кітап» акциясы аясында, «Үздік оқырман отбасы» байқаулардың ережесін, кітапханашылармен өткізілетін байқау, сайыстардың ережелерін, сценарийлерін құрастырып, өтуіне атсалысады. Мерзімді басылым беттеріне мақалалар жазып отырады.
2017 жылы жоба аясында ауданымызда туып немесе өмір сүрген ерен еңбектері, ерліктерімен ауданымызға қала берді елімізге танымал болған жерлестеріміз туралы жинақталған материалдардан жасақталған әдістемелік құралы Х.Есенжанов атындағы облыстық балалар және жасөспірімдер кітапханасы жариялаған «Көркейіп, гүлдене бер менің Қазақстаным!» атты байқауында ең үздік әдістемелік құрал бойынша 1- орынға ие болып дипломмен марапатталды.
Х.Есенжанов атындағы балалар және жасөспірімдер кітапханасының «Балалармен жұмыстың жаңаша түрін пайдалану» тақырыбында сынау мерзімін табысты өткені үшін, «Оқырманды жетілдіреміз: кітап және кітапхана бала өмірінде» облыстық семинарға қатысқаны үшін сертификаттармен және облыстық Ж.Молдағалиев атындығы ғылыми-әмбебап кітапханасы мен Х.Есенжанов атындағы балалар және жасөспірімдер кітапханалары директорларының алғыс хаттарымен, «Балаларға соғыс туралы оқимыз» халықаралық акциясына қатысқаны үшін дипломдармен марапатталды.
Ауылдық кітапханаларға іссапарға шығып, балалар және жасөспірімдерге кітапханалық қызмет көрсету жұмыстарына әдістемелік, іс-тәжірибелік көмек беріп отырады. Аудандық зерделі кеңестерді ұйымдастырады, әдістемелік құралдар құрастырып, таратып отырады. Әрдайым өз бетімен білімін, кәсіби шеберлігін шыңдаумен айналысады. ОКЖ-нің әдістемелік жұмысы жөнінде іс-тәжірибемен бөліседі.

Қоғамдық жұмыстарға белсене араласады, Мінезі ашық, салмақты, үлкен адамгершілік иесі, көпшілікпен тіл табыса біледі, өз әріптестері арасында беделді.
2020 жылдың 25 желтоқсаны күні орталықтандырылған кітапханалар жүйесінің басшысы Жеңісгүл Қалиқызы, көп жылдық кітапханадағы еңбектері үшін Қазақстан Республикасының Ұлттық кітапханасы, Қазақстандық Кітапханалық Одақтың «Қазақстанның құрметті кітапханашысы» төсбелгісімен марапатталды.