Жаңақала ауданы

Кітап адамның рухани азығы. Адамзатты түпсіз терең әлемнің мол сырына қанықтырып, ана сүтіндей қуатпен нәр бере алатын да, әлемдегі ғылым мен білімнің, озық ойдың жиынтығы да кітап екені даусыз. Тәрбиенің тамаша көзі тарих.

Айдархан кітапханасы 1953-1957 жылдары, «Новый путь» колхозы болып құрылған жылы ашылған. 1953 жылдан 1957 жылға дейін кітапхана меңгерушісі болып Үмбетов Ораз аға істеген. 1958-1962 жылдары Шаймарданова Меңсұлу апай кітапханашы болған. Сол жылдары кітап қоры 1500-ге тарта болған. 1962-1965 жылдары Сейтбаталова Секерғаным апай кітапханашы болып қызмет атқарған.

1965-1967 жылдары Қадралиева Нәсіп.

1967-1977 жылдары Аманғалиева Гүлжиян.

Аманғалиева Гулжиян Есмаққызы Батыс Қазақстан облысы,Жаңақала ауданы Жаңақазан ауылында 1947 жылы 11 сәуірде дүниеге келген. 1953 жылы Айдархан  ауылдық кеңесінің Қарасу «Новый путь» жеті жылдық мектебінде оқып білім алған.1961-1964 жылы Маштексай ауылындағы С.Меңдешов атындағы онжылдық мектебінде оқыған.1967 жылдан 1977 жылға дейін Айдархан орталық кітапханасында қызмет етті. Қызмет еткен жылдарында бірнеше грамоталармен марапатталған. 1992 жылы дүниеден озды.

1977-1979 жылдары Жекенова Қанапия.

1979-1983 жылдары Ерғалиева Мария қызмет атқарған. Сол кезде кітап қоры 10296 болған. 1983 жылдан бастап Зұлқашева Жұмағаным кітапханашылық қызмет атқарып келеді. 1961 жылы дүниеге келген. Ұлты қазақ. 1980 жылы Орал қаласындағы 1 жылдық кітапханашлар курсын бітіген. Айдархан ауылдық кітапхансының жанында 3 ферма қызмет етті. №1 ферма Теңдік Букенова Нурия, Қайырбекова Роза. №2 Кіші Айдархан Садықова Айгүл жұмыс істеді. Кейін №1-2 фермалардағы кітапханалар қысқарту кезінде жабылып қалды.

Жаңажол ауылдық кітапханасы Қазақстан Республикасының ішкі-сыртқы саясатын экономикалық мәдени даму бағыттары, халыққа кітапханалық библиографиялық жұмыстардың ең тиімді бүгінгі талапқа сай формалары мен әдістерін пайдалана отырып, мазмұнды кеңінен насихаттап, көпшілік жұмыстарды жандандыру. Республикамыздың бостандығы үшін күрескен егеменді Қазақстанның өсіп-өркендеуіне үлес қосып жүрген саясаткерлік желтоқсан құрбаны болған жазықсыз жандар туралы жалпы еліміз бейбітшілікті сүйген, тәуелсіз ел екендігін оқырманға кеңінен насихаттау. Тілімізді, дінімізді, иманымызды дәстүрге енгізіп мәдени шаралармен халыққа насихаттап, халқымызды құрметтеуге еңбектенейік.

Республикамыздағы қабылданып жатқан заңдарды кеңінен насихаттау. Кітапханаларда кітап қорының сақталуын, жақсы кітаптармен қамтамсыз ету және қоғамдық мекемелермен байланыс жасап, бұқаралық хабарлама жасап отыру, « Қазақстан – 2030 » бағдармаласындағы міндеттемелерді іске асыру. Жас ұрпаққа мемлекеттік тілін, мәдениетін, туын, әнін қастерлеу.

Жаңажол ауылдық модельді кітапханасы  2020 жылы желтоқсан  айының 30-ші жұлдызындан  «Модельді кітапхана» статусы берілді

Аманғалиева Гүлжиян Есқаққызы Батыс Қазақстан облысы, Жаңақала ауданының бұрынғы орталығы Жаңақазан ауылында 1947 жылы 11 сәуірде дүниеге келген. 1953 жылы Айдархан ауылдық Кенішіне қарасты «Новый путь» жетіжылдық мектебінде оқып оны 1961 жылы бітірді. 1961 жылы Маштексайдағы С.Меңдешов атындағы 11 жылдық мектебіне оқып оны 1964 жылы бітіріп орта білім алып шықты. 11 жылдық мектепті бітіргеннен кейін Айдархан ауылдық кенесіне қарасты байланыс бөлімшесінде қызмет етті. 1967 жылдың қыркүйек айынан бастап Айдархан ауылдық кітапханасының меңгерушісі қызметіне тұрып, онда 1977 жылға дейін қызмет етті. 1977 жылы денсаулығына байланысты уақытша зейнеткерлікке шығып, одан кейін еңбек жолын Айдархан кеңшарында жалғастырды. Кеншарда автопарк есепшісі, өмірінің соңына дейін мал тұқымын асылдандыру маманы болып қызмет етті. Кітапхана меңгерушісі болған кезінде бірнеше грамоталарымен және алғыс хаттармен марапатталды.

Сабиева – Сергалиева Нұргүл Жұмарыстанқызы 1960 жылы 15 маусымда Батыс Қазақстан облысы Жәнібек ауданы Орда ауылында ұстаздар отбасында дүниеге келген. 1967 жылы М.Горький атындағы Орда орта мектепке барып, 1977 жылы бітірген. 1977 жылы Орал облыстық клиникалық ауруханасының дәріханасына жұмысқа қабылданған, 1978-79 жылдар аралығында Орал бухгалтерлік мектебін бітірген. 1979-1982 жылдар аралығында Айдархан совхозында бухгалтер қызметін атқарған. 1982-1988 жылдары №2 бөлімше Кіші Айдарханда кітапханашы қызметін атқарған.

Зұлқашева Жұмағаным Төлегенқызы 1961 жылы 1 қарашада Жаңақала ауданы Жуантөбе ауылында дүниеге келген. 1978 жылы Сакко орта мектебін тәмәмдап 1979 жылы Кармановка ауылында клуб меңгерушісі болып қызмет атқарған. 1980 жылы Орал қаласындағы 1 жылдық кітапханашылар курсын бітірген. 1982 жылдан Айдархан ауылдық орталық кітапханасында кітапханашысы болып қызмет атқарып келді.  Осы жылдар арасында аудандық, облыстық мақтау қағаздармен марапатталған. 32 жыл еңбек өтілімен 2018 жылы зейнеткерлікке шықты.

Байганина Сымбат Мағданқызы 1977 жылы мамыр айының 23-ші жұлдызында  Жалпақтал ауданы, Қарасу ауылдық округінде дүниеге келді. 1983 жылы Қарасу орта мектебінде мектеп табалдырығын аттап, 1994 жылы бітірді. 1997 жылы № 12 кәсіптік техникалық училищесіне түсіп, секретар-машинаист мамандығын алып шықты. 2014-2016 ж.ж. Орал гуманитарлық колледжінде «кітапхана ісі» мамандығы  бойынша білім алды.

2018 жылдың  қазан  айынан  Жаңажол ауылдық кітапханасына кітапханашы болып жұмысқа тұрды Жүмыс өтілімім 2 жыл 10 ай.

2019 жылы – Аудандық орталықтандырырылған кітапхана жүйесінің ұлттық-мәдени кешінде «Рухшыл отбасы» номинациясымен  Жаңажол ауылдық кітапханасы марапатталды.

2019 жылы – БҚО мәдениет басқармасы Х.Есенжанов атындағы балалар жіне жасөспірімдер кітапханасының ұйымдастыруымен Қазақстан Жазушысы Одағының мүшесі Қазақстан Мемлекеттік сыйлығының лауреаты, Қазақстанның «Халық жазушысы», ақын Қадыр Мырза Әлінің туған күніне орай ұйымдастырылған облыстық «Қадір оқулары» онкүндігіне белсене қатысқаны үшін алғыс хатпен марапатталды.

2020 жылы – БҚО Жаңақала ауданы Жаңажол ауылдық кітапханасына Оқырмандарға кітапханалық-ақпараттық қызмет көрсетуде жаңа мүмкіндіктер беретін үлгілі қалыпта жабдықталған «Ауылдық модельді кітапхана» статусы берілді.

2020 жылы – БҚО мәдениет басқармасы Хамза Есенжанов атындағы облыстық балалар және жасөспірімдер кітапханасы ұйымдастыруымен Мәдениет және өнер қызметкерлері күніне алғыс хатымен  марапатталды.

2020 жылы – БҚО мәдениет басқармасы Хамза Есенжанов атындағы облыстық балалар және жасөспірімдер кітапханасы ұйымдастыруымен «Қайрат Жұмағалиевті оқимыз» облыстық кітапханашылар арасында өткізілген челленджге қатысқаны үшін сертификат берілді.

2021-Батыс Қазақстан облысы мәдениет басқармасы Х.Есенжанов атындағы облыстық балалар және жасөспірімдер кітапханасының ұйымдастыруымен Қазақ поэзиясының мұзбалағы, лирик ақын Мұқағали Мақатаевтың  90 жылдығына арналған «Қазақ поэзиясының Хантәңірі» атты облыстық онлайн мәнерлеп оқу байқауына қатысушыға қолдау көрсетіп жас ұрпақты тәрбиелеудегі шеберлігі үшін Алғыс хат берілді.

2021 жылы- Жаңақала ауданының әкімі Н.Қарағойшиннің Алғыс хатымен Мәдениет саласында атқарған игілікті істермен, мәдени шаралар жұмысын жақсартудағы еңбегі үшін Жаңажол ауылдық модельді кітапхананың кітапханашысы марапатталды.

Жаңақалада  кітапхана 1960 -1970 жылдары мектеп жанындағы балалар жатақханасының бір бөлігінде орналасқан. Кітапханашы Мерғалиева Тұяқ апай жұмыс істеген. Аудан құрылғаннан кейін 1972-1975 жылдары кітапханада Габдушева Жұпар, Мерғалиева Тұяқ, Темирова Қадиша, Сұлтанова Айбарша апайлар жұмыс істеген. 1974-1980 жылдарда Байноғаева Альберта кітапхана меңгерушілігі қызметін атқарған.1981 жылы кітапхана аудандық орталықтандырылған кітапхана жүйесі болып құрылды. Кітап қоры 177216 мың дана болды. 16 ауылдық кітапхана, 3 ауылдық балалар кітапханасы, 1орталық және балалар кітапханасы жұмыс істеді. Кітапханаға 16059 оқырман қамтылған. 1981-1987 жылдар аралығында кітапханада меңгерушілік қызметін Түсібалиева Нәсібия атқарса, кітапханашылар Султанова Айбарша, Байногаева Альберта, Избанова Ализа, Демеуова Света, Дуйсенгалиева Дамеш, Базекешова Клара, Аменова Аслима, Бакенова Алтынсара, Мұхамедрахимова Мүнира, Есенгалиева Ханымзия, Башанова Роза, Галиева Айгүл, Биляшева Нұржамал, Аманова Роза жұмыс істеген. 1987-1994 жылдар аралығында кітапханада Тәкеева Мәншүк кітапхана меңгерушісі болды. 1994-2010 жылдары кітапхана директоры қызметін Балдай Әліпқызы атқарса. 2010 жылдан кітапхана директоры қызметін А.Н. Еслямғалиева атқарды. 2011 жылдан Мұқашева Дина Даниярқызы кітапхана директоры қызметін атқарып келеді.   Кітапхана ұжымы бүгінде халыққа рухани тілім-тәрбие беруде айтарлықтай жұмыстанып келеді.1994-1995 жылдардағы оңтайластыру кезеңін бастан кешіре отырып, ауданымыздың өсу, өркендеу жолымен астас болған кітапхананың халыққа қызмет көрсету жолында едәуір іркілістер мен табыстар да мол болды. Әсіресе, әрбір оқырманмен жұмыс істеудегі бағыт-бағдар кітапханашылардың іскерлігіне, өз ісіне деген жауапкершілігіне байланысты еді. Осыны түсінген кітапхана қызметкерлері әр жыл жүгіне орай қызмет көрсетуді мақсат етуде. Сол кезде жұмыс істеп тұрған 36 кітапханадан тек 12 кітапхана ғана қалды. Бірақ жабылған кітапханалардың кітап қоры ешқайда шашылған жоқ, түгел жұмыс істеп тұрған кітапханалардың қорына қосылды. Соның нәтижесінде соңғы екі-үш жылда ауданымыздағы бұрынғы жабылып қалған елді мекендегі кітапханаларды қайта ашып, кітап қорымен толықтыруда еш қиындыққа тірелген жоқпыз. Кітапхана кітап арқылы және адамның жан-жақты білім алып, саяси санасының қалыптасуына, кәсіби, мәдени дәрежесінің  дамуына әсер  ететін әлеуметтік орын десек, кәзіргі заман талабына сай оқырмандар қажеттілігін, сұраныстарын орындап, жаңа кітаптарды, басылымдарды, жаңалықтарды кеңінен насихаттауда беделді қызмет көрсетіп жүрген кітапханашылар Аманова, Сұлтанова, Галиева, Бакенова, Қанатова, Маширова, Утеева, Еслямғалиева, Мукашевалар болса, кітапхананың сәні мен әрін келтіріп, бірнеше жылдан жұмыс жасап келе жатқан кітапхана безендірушісі Сәрсенғалиеваның да еңбегі зор.

Жаңақала орталықтандырылған кітапхана тарихынан фотошежірелер.

1990 жылғы аудандық кітапханашылардың  зерделі кеңесі

1991жыл. «Көңілді тапқыштар» клубымен өткізілген әдеби-танымдық ойын.

Бүгінгі күні аудан бойынша 25 кітапхана халыққа қызмет көрсетуде. Аудан кітапханаларының кітап қорын толықтыруға 2012 жылы аудандық бюджеттен 844698 теңге қаржы бөлініп, нәтижесінде аудан кітапханаларында 1138 дана жаңа әдебиеттер келіп түсті. Кітапхана қорларын қалыптастыруда бүгінгі таңда мерзімдік басылымдар үлкен беделге ие болып отыр. Үстіміздегі жылы аудандағы барлық кітапханалар 1244825 теңге  тұратын 309 дана  газет- журналдармен камтылды. Күні бүгін аудан кітапханаларында 200248 дана кітап қоры, 18604 оқырманы бар. Кітапханашылар оқырмандардың сұранысымен санаса отырып, түрлі танымдық-ақпараттық шаралар өткізіп отырады. Соның ішінде кейінгі ұрпаққа үлгі, өнеге боларлық елдің өткен тарихи мұрасын насихаттау жолында да көптеген істер істелуде. Аудандық кітапхана жүйесінде бірнеше компьютер жұмыс істеп тұр. Аудандық кітапханада мерзімді басылым беттерінен «Кабис» бағдарламасына мақалалардың жүйелік картотекасы толықтырылып және кітаптар енгізілді.

Жаңақала  орталықтандырылған кітапхана жанынан ашылған  А. Ишанов атындағы жерлес ақынымыз Закария Сисенғалидің жетекшілік етуімен кітапхана жанынан «Жас қалам» жас ақындар клубы, «Шебер қолдар» қуыршақ театры ертегі кейіпкерлерінің киімдерін тігіп  клуб өз жұмыстарын жалғастыруда.

Аудандық балалар кітапханасында кішкентай бөбектерге арналған «Балалар залы» жаңадан ашылды. Оған кітапханаға жас бүлдіршіндер «Жауқазын», «Бөбек», «Балбөбек» тәрбиеленушілері үнемі келіп ертегілерді бөлме ішіндегі техникалық жабдықтардан тамашалайды.

Әдістемелік қызмет жүйесіндегі басты бағыттар кітапхана ісін дамыту, кітапхана қызметін талдау, жоспарлау мен есеп беру, кітапханалық процестерді автоматтандыру мен компьтерлендіруге басшылық жасау, кітапхана қызметкерлерінің кәсіби біліктілігін көтеруді жетілдіру, тәжірибелік және кеңестік көмектер ретінде әдістемелік құралдар даярлау т.б. болып табылады. «Кітапхана кеше және бүгін» атты кең көлемдегі зерделі кеңес, «Кітапхананың анықтама аппаратының қызметі мен ролі» атты кәсіби шеберлік кеңесі, «Кітап қорын каталогқа енгізу», «Библиографиялық ақпаратты оқырманға тиімді жолмен қамтамасыз ету», «Балалар оқуының қазіргі деңгейі және болашағы» тақырыптарында іс тәжірибе алмасты.

2022 жылға ОКЖ бойынша 74 қызметкер болса,  40 мамандар болып есептеледі. Оның 22-жоғары білімді, маман-20, 18-кәсіби арнаулы орта мамандар.

30 жасқа дейінгі –  8

30-40 жас аралығында-10

40-50 жас аралығында –10

50 жастан жоғары –12

Кітапхана имиджін қалыптастырудың бірден–бір жолы кітапханалардың материалдық-техникалық базасын нығайтып, уақыт талабына сай көркейту, жаңаша бағытта қалыптастыру қаржы мәселесіне тоқталары сөзсіз.  Аудандық бюджеттен  501744 тг. қаражатқа 221 дана әдебиет алынып, сонын ішінде балаларға арналған әдебиеттін саны 191 дана.

Аудан әкімшілігі тарапынан әрдайым қолдау көрсетіліп отырады, нәтижесінде кітап қорын толықтыру, кітапханалардың материалдық техникалық базасын нығайту жұмыстары жақсы жолға қойылып келеді.

Мерғалиева Ақтұяқ Мерғалиқызы 1933 жылы Жаңақала ауданы Бірлік ауылында дүниеге келген. 1953-1955 жылдары Ақтөбе қаласындағы мәдени-ағарту училищесінің «Мәдени – ағарту жұмысының әдіскер ұйымдастыру» мамандығы бойынша бітірген. 1955-1956 жылдары Жымпиты ауданының мәдениет үйінде көркемдік жетекші, 1956-1957 жылдары Жаңақала ауданында аудандық комсомол комитетінде мектептер бөлімінің меңгерушісі, 1957-1964 жылдары Мәстексай орта мектебінде аға пионер тәлімгері, кітапханашы, 1964-1972 жылдары Бірлік ауылдық кітапханасында, аудандық газетте радио комментатор, газет тілшісі, 1972-1996 жылдары аудандық кітапханада меңгеруші, бөлім меңгерушісі қызметтерін атқарған. Бірнеше мақтау грамоталарымен, дипломдармен марапатталған. Ауылдық кеңес депутаты болып сайланған.

Габдушева Марфуға (Жұпар) Қабденқызы 1942 жылы 19 наурызда Жаңақала ауданы, Пятимар ауылында дүниеге келген.1959-1972 жылдары Фурманов аудандық кітапханасының кітапханашысы, балалар кітапханасының меңгерушісі, Фурманов аудандық Мәдениет үйінің директоры, аудандық кітапханасының меңгерушісі, 1976-1978 жылдары аудандық тұрмыстық қамту комбинатында қабылдау пунктінің меңгерушісі, 1978-1980 жылдары БҚО өлкетану музейі аудандық филиалының меңгерушісі, 1980-1981 жылдары аудандық мәдениет бөлімінде инспектор, 1981-1997 жылдары АХАЖ бөлімінің меңгерушісі қызметінен зейнеткерлікке шығады. Бірнеше рет Фурманов, Жаңақала аудандарында ауылдық кеңестің депутаты болып сайланған.

Тусубалиева Насибия Искаковна 1954 жылы Пятимар ауылында  дүниеге келген. 1961-1971 жылдары Жаңақазан  ауылындағы С.М. Киров атындағы орта мектебін бітірген. 1972-1977 жылдары А.С. Пушкин атындағы Орал педагогикалық институтының тарих факултетін бітіріп, 1977-1981 жылдары Пятимар орта мектебінде тарих пәнінің мұалімі қызметін атқарды. 1981-1987 жылдары Жаңақала орталықтандырылған кітапхана жүйесінің директоры қызметін атқарған.

Такеева Маншук Ануаровна 1965 жылы 12 мамыр күні Орал облысы, Казталов ауданы, Новая-Казанка ауылында дүниеге келген. 1972 жылы Жаңақала ауданы Новая-Казанка орта мектебіне барып, 1982 жылы Орал облысы Жаңақала орта мектебін бітірген. 1982 жылы Жаңақала орта мектебінің толық курсын бітіріп, орта білім туралы аттестат алғаннан кейін, 1982 жылдың тамыз айында Шымкент қаласындағы Әл-Фараби атындағы Педагогикалық Мәдениет институтына түсіп, 1986 жылы «Кітапханатану және библиография» мамандығы бойынша бітіріп шыққан. 1986 жылы тамыз айында Н.К.Крупская атындағы Орал Облыстық Әмбебап-Ғылыми кітапханасына аға-әдіскер қызметіне орналасып, 1987 жылдың тамыз айынан бастап Облыстық Мәдениет басқармасының жолдамасымен Жаңақала орталықтандырылған кітапханалар жүйесінің директоры қызметіне тағайындалды. Аталған орталықтандырылған кітапханалар жүйесінің директоры қызметін 1994 жылдың маусым айына дейін атқарды. 1994 жылдың маусым айынан бастап 1995 жылдың маусым айына дейін Батыс Қазақстан Ауылшаруашылық институтына қарасты ғылыми кітапханада кітапханашы қызметін атқарды. 1995 жылдан 1998 жылға дейін Орал қаласындағы «Әнхас» ЖШС-де «Іс-қағаздармен жұмыс жасау» қызметін атқарды. 1998 жылдан 2001 жылға дейін БҚМУ-нің «Юриспруденция» мамандығына түсіп, «Заңгер» мамандығын алып шыққан. 2001 жылда Батыс Қазақстан Облысы бойынша Соттар әкімшілігіне аға маман қызметіне, 2005 жылдан Ж.Досмұхамбетов атындағы педагогикалық колледжінде кітапхана меңгерушісі қызметін атқарып келеді.

Әліпқызы Балдай 1951 жылы 17 сәуірде қазіргі Атырау облысы, Құрманғазы ауданы, Азғыр ауылдық кеңесінде дүниеге келген. 1958 жылы жергілікті жердің бастауыш мектебінің 1 класына оқуға алынып, 1968 жылы Балқұдық орта мектебін бітірген. Мектеп бітіргеннен кейін 4 жыл ауылда қызмет істеген. 1972 жылы А.С.Пушкин атындағы Орал педагогикалық институтының филология факультетіне оқуға түсіп, оны 1976 жылы бітіріп, қазақ тілі мен әдебиеті пәнінің мұғалімі мамандығын алып шыққан. Жолдама бойынша осы Жаңақала ауданының Мәстексай ауылындағы орта мектепке өз мамандығы бойынша жұмысқа қабылданған. 1983 жылы отбасы жағдайымен Кармановка орта мектебіне жұмысқа ауысып, кейін 1986-1994 жылдары арасында осы аудан орталығындағы орта мектепте қызмет жасаған. 1994 жылдың тамыз айынан 2010 жылға дейін аудандық орталықтандырылған кітапхана жүйесінің директоры қызметін атқарған. 1994 жылдан аудандық «Қазақ тілі қоғамының» төрайымы. 2010 жылдан зейнеткер. «Ай Зере» ақ әжелер клубының мүшесі.

Еслямғалиева Ақнұрлы Нұрғалиқызы 1979 жылы Жаңақала ауданы Жаңақала ауылында дүниеге келген. 1996-2000 жылдары Дәулеткерей атындағы Мәдениет және өнер институтының «Кітапханатану және библиография» факультетін бітірген. 2000-2001 жылдары Жаңақала жалпы білім беретін орта мектебінде тәлімгер, 2001-2005 жылдары аудандық орталықтандырылған кітапханалар жүйесінде кітапханашы, 2005-2006 жылдары оқырман қамту залының меңгерушісі, 2006-2010 жылдары аудандық кітапхананың әдіскері, 2010-2011жылы Жаңақала аудандық орталықтандырылған кітапхана жүйесінің директоры қызметін атқарды. 2011 жылдан Аудандық мәдениет тілдерді дамыту, дене шынықтыру және спорт бөлімінің бастығы қызметін атқарып келеді.  Атқарған қызметтері үшін мәдениет министрлігінің алғыс хатымен марапатталған. Ж.Молдағалиев атындағы ғылыми-әмбебап кітапханасының директорының және аудан әкімінің Алғыс хаттарымен марапатталған.

Мұқашева Дина Даниярқызы 1978 жылы 22 наурызда Жаңақала ауданында дүниеге келген. 1999-2002 жылдары Орал гуманитарлық колледжін 2006-2009 жылдары Батыс Қазақстан инженерлік-гуманитарлық университетінің «Педагогика және психология» факультетін бітірген. 1999-2006 жылдары кітапханада іс-жүргізуші, 2007-2008 жылдары аудандық балалар кітапханасының кітапханашысы, 2008-2010 жылдары аудандық балалар кітапханасының әдіскері, 2010 жылы аудандық балалар кітапханасының меңгерушісі, 2011 жылы аудандық орталық кітапхана меңгерушісі, 2011 жылдан аудандық кітапхана директоры қызметін атқарып келеді.

Дипломдар мен мақтау қағаздарымен марапатталған.

Мұхамедрахимова Мүнира 1937 жылы Фурманов ауданының Фурманов селосында дүниеге келген. 1945-жылдан 1955 жылдар арасында Фурманов орта мектебінде оқыған. 1956 жылы Орал қаласындағы облыстық кітапхана жанындағы   I жылдық курсты бітіріп шыққан. 1957-1959 жылдары  Фурманов ауданындағы Саломахин РТС – нің кітапханасының кітапханашысы, 1959-1963 жылдары Алматы қыздар институтына түсіп  кітапхана, тіл әдебиеті мамандығы бойынша   бітірген. 1963-1970 жылдары Фурманов аудандық кітапханасының меңгерушісі, 1970-1974 жылдары Қисыққамыс ППДС-не  кадр бөлімінің инспекторы 1974-1977 жылдары Жаңақала аудандық кітапханасының  меңгерушісі, 1977-1981 жылдары кітапхана директоры, 1981-1987 жылдары  орталықтандырылған кітапхананың жабдықтау бөлімінің меңгерушісі қызметтерін атқарып зейнеткерлік демалысқа шыққан. Еңбегі еленіп бірнеше мақтау грамоталарымен марапатталған. 2004 жылы қайтыс болды.

Аменова Аслима Аменқызы 1946 жылы Жаңақала селосында дүниеге келген. 1965 жылы Жаңақазан балалар кітапханасында кітапханашы, 1981-1986 жылы орталықтандырылған кітапхана жүйесінде әдіскер, 1986-1993 жылдары атқару комитетінің ұйымдастыру бөлімінде істеген. 1993-2005 жылдары  аудандық кітапхана меңгерушісі болып қызмет атқарған. Атқарған қызметі үшін бірнеше мақтау грамоталармен марапатталған. 2005 жылдан құрметті зейнеткерлік демалыста. 2022 жылы сәуір айында қайтыс болды.

Аманова Роза Мүтаханқызы  1953 жылы Жалпақтал ауданы, Балықты ауылында дүниеге келген. 1970-1975 жылдары Алматы қаласындағы Қазақ мемлекеттік қыздар педагогикалық институтын «Кітапханатану және библиография» мамандығы бойынша бітірген. 1981-1986 жылдары Жалпақтал ауданының Қарасу ауылында кітапханашы, 1986 жылдан Жаңақала орталықтандырылған кітапхана жүйесінде аға әдіскер, аудандық орталықтандырылған кітапханада оқырмандарды қамту бөлімінде меңгеруші қызметін атқарды. Қазір зейнеткерлікте. Қазақстан Республикасы кітапханашылар Қауымдастығының «Құрмет грамотасымен», Батыс Қазақстан облыстық мәдениет басқармасының, Ж.Молдағалиев атындағы облыстық ғылыми – әмбебап кітапханасының, аудан әкімінің «Алғыс хаттарымен» марапатталған.

2020 жылы мамыр айында қайтыс болды.

Сұлтанова Айбарша Седенқызы  1956 жылы 14 ақпанда Жаңақала ауданы, Мәстексай ауылында дүниеге келген. 1973-1975 жылдары Ақтөбе Мәдени-ағарту училищесін  «Кітапхана ісі» мамандығы бойынша тәмәмдаған. 1975-1980 жылы  аудандық кітапхана әдістемешісі, 1980-1993 жылы орталықтандырылған кітапхана әдістемешісі, 1993-1997 жылы оқырман қамту бөлімінде оқу залының кітапханашысы, 1997-2011 жылы абонемент бөлімінде кітапханашы, 2011 жылдан  жабдықтау бөлімінің кітапханашысы, 2012 жылдан бастап кітап қорын толықтыру және жабдықтау бөлімінің меңгерушісі  қызметін атқарып келеді. Бірнеше рет алғыс хаттармен, мақтау қағаздармен марапатталған.

Қанатова Сара Меңдіханқызы 1958 жылы 2 мамырда Жаңақала ауданы, Қарасамар ауылдық кеңесінде дүниеге келген. 1975-1977 жылдары Кармановка бастауыш мектебінде мұғалім, 1977-1981 жылдары Балғын ауылдық кітапханасының кітапханашысы, 1981 жылы Орал қаласындағы И.К.Крупская атындағы кітапханалық курста оқып, кітапханада жұмысын жалғастырып, 1987 жылы аудандық орталықтандырылған кітапхана жүйесінде библиограф, 1987-1990 жылдары Орал педагогикалық училищесін бітіреді. 1994-2006 жылдан бастап балалар кітапханасының меңгерушісі, 2009-2011 жылдары балалар кітапханасының әдіскері, 2011 жылдан жабдықтау бөлімінің кітапханашысы қызметін атқарып келеді. Сонымен қатар зағип жандар кітапханашысы жұмысын қосымша атқарып келеді. 2003 жылдан мәдениет бөлімі жанындағы «Нұр Отан» ХДП филиалының төрайымы. Аудан әкімінің облыстық мәдениет басқармасының Алғыс хаттарымен, «Нұр Отан» ХДП Жаңақала аудандық филиалының дипломдарымен, Құрмет грамоталарымен марапатталған.

Бакенова Алтынсара Рақымқызы 1959 жылы 2 желтоқсанда Атырау қаласында дүниеге келген. 1977-1981 жылдары Атырау қаласындағы мәдени-ағарту училищесін бітірген. 1981-1982 жылдары «Жаңаталап» кеңшарының кітапханасында кітапханашы, 1982 жылдан аудандық орталықтандырылған кітапханасының библиографы, жабдықтау бөлімінің меңгерушісі, 2009  жылдан бастап жабдықтау бөлімінің  редакторы, 2011 жылдан аудандық балалар кітапханасының меңгерушісі қызметін атқарып келеді. Қазақстан Республикасы Тәуелсіздігі күніне орай Құрмет грамотасымен және де басшылық бөлімдерінен диплом, мақтау қағаздарымен марапатталған. 2018 жылы зейнеткерлікке шықты.

Галиева Айгүл Қуанқызы 1965 жылы 27 қыркүйекте Орал облысы, Чапаев ауданында дүниеге келген. 1972 жылы Ю.А.Гагарин атындағы бастауыш мектебінің 1 сыныбына қабылданып, 1982 жылы Жаңақала орта мектебін бітірген. 1982 жылы Орал мәдени ағарту училищесінің кітапханатану бөліміне оқуға түсіп, 1984 жылы арнаулы орта білім алып, Жаңақала орталықтандырылған кітапхана жүйесіне оқырмандарды қамту бөлімінің кітапханашысы болып жұмысқа алынған. 1988-1994 жылы орталықтандырылған кітапхана жүйесінің әдіскері, 1994-1998 жылдар аралығында  ЛПУ қалашығында кітапханашы, 1998 жылы жабдықтау бөлімінің кітапханашысы. 1999 жылы Батыс Қазақстан Мемлекеттік Университетінің Кітапханатану-библиография факультетіне сырттай оқуға түсіп, 2002 жылы жоғары білім алған. Алматы қаласында 1985 жылы ақпан айында жабдықтау бөлімінің жұмысы және 1987 жылы  наурызда оқырмандарды қамту бөлімінің кітапханашысының пысықтау курстарында оқыған. 2001 жылы қазан айында «АНДАС» фирмасының компьютерді пайдалану курсын бітірген. 2004 жылы маусым айында  Ж. Молдагалиев атындағы ОҒӘК ақылы «Кітапхана ісін автоматтандыру» курсының тыңдаушысы болған. 2005 жылдың сәуір айында Қазақстан Республикасының бас кітапханасының  бағдарламаларымен жұмыстану бағытында ақылы курстарының тыңдаушысы болған. 2009 жылдан  Жаңақала аудандық орталықтандырылған кітапханасының жабдықтау бөлімінің меңгерушісі, 2012 жылдан бастап аудандық кітапхананың әдіскері қызметін атқарып келеді.  2005, 2012, 2013 жылдары  Жаңақала аудан әкімінің құрмет дипломымен марапатталған.

Маширова Жұмағаным Қабдығалиқызы 1969 жылы 9 қаңтарда Жаңақала ауданының Қисық-Қамыс ауылында дүниеге келген. 1985 жылы Жаңақала орта мектебін бітіріп, Орал қаласындағы Мәдени ағарту училищесіне кітапхана мамандығы бойынша оқуға түсіп, училищені 1987 жылы ойдағыдай аяқтап, Жаңақала ауданындағы  орталықтандырылған кітапхана жүйесіне қарасты №9 филиал ЛПУ қалашығындағы жатақхананың кітапханасында алғаш рет еңбек жолын бастаған. 1990 жылға дейін осы кітапханада жұмыс жасап, 1990 жылдан Жаңақала аудандық балалар кітапханасында кітапханашы, әдістемеші болып еңбек етіп келеді. Көп жылдар бойы аудандық балалар кітапханасында кітапханашы, бөлім меңгерушісі жұмыстарын  атқарды. Осы жылдар арасында облыстық, республиаклық зерделі кеңестерге, семинарлараға, конференцияларға қатынасып іс-тәжірибе алмасты. 2002-2004 жылдары М.Өтемісұлы атындағы Батыс Қазақстан Мемлекеттік Университетінің «Мәдениет және өнер» институтының жанындағы «Кітапхана және библиография» факультетін сырттай оқып тәмәмдады. Ж.Молдағалиев атындағы облыстық ғылыми әмбебап кітапхананың 135 жылдық облыстық кітапханашылардың форумына қатынасып алғыс хатпен марапатталды. Аудандық, облыстық кітапханаларының марапаттау қағазына ие болып, күні бүгін аудандық балалар кітапаханасының әдістемешісі жұмысын атқарып келеді.

Ихсанова Сәуле Төлеуғалиқызы 1970 жылы 25 қыркүйекте Жаңақала  ауданы Көпжасар ауылында дүниеге келген. 1989-1990 жылдары Орал қаласындағы 1 жылдық кітапханашылар курсын бітіріп 1990 жылы мамандығы бойынша алғаш еңбек жолын Жаңақала ауданы ауыл шаруашылық  (РАПО)  мекемесінің кітапханасында кітапханашы болып жұмыс істеді. 1992 жылы Жаңақала аудандық орталықтандырылған кітапхана жүйесінде кітапханашы, 2001-2003 жылдары М.Өтемісұлы атындағы Мәдениет және өнер институтының  «Кітапханатану және библиография» факультетін бітірген. 2003-2010 жылдары аудандық кітапханада оқырмандарды қамту бөлімінде кітапханашы, 2011 жылы аудандық балалар кітапханасының меңгерушісі, 2012 жылдан аудандық орталық кітапханасының оқу залы және оқырмандарды кітаппен қамту бөлімінің меңгерушісі болып қызмет атқарып келеді. Көптеген ауданаралық, облыстық семинарларға, конференцияларға, зерделі кеңестерге қатынасып, аудандық басқармалардан алғыс хаттармен марапатталған.

Жардемова Зара Кайргалиевна  25 қаңтар 1971жылы                                                                                                                                                                                                                                                          Жаңақала ауданы Көпжасар ауылында дүниеге келген. 1988 жылы  Орал қаласы  С. Сейфуллин атындағы №11 мектебін тәмәмдады. М.Өтемісов атындағы Батыс Қазақстан Мемлекеттік университетін бітірген.                                                                                                                                                                                                      Мамандығы – кітапханатану және библиография

I санатты маман.

Аудандық маслихат депутаты, «Қисық – Қамыс» БПҰ ұйымының төрайымы, аудандық сыбайлас жемқорлыққа қарсы іс – қимыл жөніндегі қоғамдық кеңестің төрайымы.

2011-2017 жылдар арасында Жаңақала аудандық балалар кітапханасының кітапханашысы, 2017 жылдан Жаңақала аудандық орталықтандырылған оқырман қамту бөлімінің меңгерушісі қызметін атқарып келеді.

Зара Қайырғалиқызы кәсіби жұмысымен бірге қоғамдық жұмыстарға да белсене араласады. Соның ішінде партиялық жобаларды жүзеге асыруда бірненше республикалық байқауларға қатынасып, аудандық, облыстық жүлделі орындар иеленіп, облыс аралық өткізілген форумдарға, конференцияларға қатынасып отырады.

«Рухани жаңғыру», «Ұлы даланың жеті қыры» және халықтың әл – ауқатын  жақсартуға арналған бағдарламаларды насихаттауда елеулі іс – шаралар атқарды. ҚР Президентінің Қазақстан Халқына Жолдауын үнемі талқыланып, белсенді жастар арасында дөңгелек үстелдер, зиялы қауым өкілдерімен ұйымдастырылған кітап тұсаукесерлерінің өтуіне үнемі атсалысып отырады.  Көптің көңілінен шыққан, облыстық, ауданаралық деңгейлерде қорғалған «БИБЛИОТАКСИ» кітапханалық жобаның авторы. Барлық өткізілген іс – шараларды баспасөз беттеріне  үнемі жариялап отырады.

Қазіргі таңда Жаңақала аудандық орталықтандырылған кітапхана жүйесінде оқырмандарды кітаппен қамту бөлімінде меңгеруші қызметін атқарады.

Бисенбиева Райгүл Дәуімқызы 1988 жылы Жаңақала ауданы, Мұқыр ауылында дүниеге келген. 1994 жылы Мұқыр ауылдық Жангелдин орта мектебінің бірінші сыныбына барған. 2003 жылы Маштексай ауылдық С.Меңдешов орта мектебін бітірген. 2004 жылы Құрманғазы атындағы саз колледжіне «Кітапханатану және библиография факультетіне түсіп, 2008 жылы бітіріп шыққан. 2009 жылы Батыс Қазақстан Мемлекеттік Университетінің «Кітапханатану және библиография» мамандығы бойынша бітіріп шыққан. 2010 жылы аудандық балалар кітапханасының кітапханашысы, 2011 жылы оқырманды кітаппен қамту бөлімінің кітапханашысы, 2012 жылдан кітап қорын толықтыру және жабдықтау бөлімінің кітапханашысы қызметін атқарып келді. 2016 жылдан аудандық кітапхананың оқырмандарды кітаппен қамту бөлімінің кітапханашысы.

Мұқанғалиева  Гүлайым  Қуанышқалиқызы 1980 жылы  2 маусымда Батыс Қазақстан облысы, Жаңақала ауданы, Мәстексай ауылдық округіне қарасты Мұқыр ауылында дүниеге кеген. 1987-1995 жылдары  Ә.Жангелдин атындағы жалпы білім беретін негізгі мектебін, 1995-1997 жылдары С.Меңдешев жалпы білім беретін орта мектебін бітірген.

2002-2007 жылдары М.Өтемісов атындағы Батыс Қазақстан Мемлекеттік  Университетінің «Тарих, құқық негіздері мен экономика»,  2014-2016 жылдары осы оқу ордасында  «Кітапхана ісі» мамандығы бойынша  білім алған.

2007-2014  жылдар аралығында  Жаңақала аудандық орталықтандырылған кітапхана жүйесіне қарасты Мұқыр ауылдық кітапханасында,  2014-2016 жылдары   Жаңақала  аудандық кітапханасының оқу залында, 2018 жылы кітап қорын өңдеу және толықтыру бөлімінде кітапханашы,  2018 жылдың қазанынан   библиограф қызметін атқарып келеді. Облыс, аудан деңгейінде өткізілген  әртүрлі семинарларға қатысып, тәжірибе алмасып отырады.

Кошетова Айнур Кадешовна 1977 жылы 13 тамызда Батыс Қазақстан облысы, Жәнібек ауданы, Күйгенкөл ауылында дүниеге келді.

1984-1994 жж. Ө. Сахипов атындағы жалпы білім беретін орта мектебін бітірді.

1996-2000жж. Батыс Қазақстан Мемлекеттік Университетінің  «Кітапханатану және Библиография» факультетінде оқыды.

Еңбек өтілін 2003 жылы Жаңақала орта мектебінің кітапханашысы болып бастадым, 2007 жылы №3 орта жалпы білім беретін қазақ мектебінің кітапхана меңгерушісі, 2017 жылы Жаңақала аудандық орталықтандырылған кітапхана жүйесіне ауысып оқу залына кітапханашы, 2018 жылы кітаппен қамту және жабдықтау бөлімінде кітапханашы, 2021 жылдан бері балалар кітапханасының меңгерушісі болып қызмет атқаруда.

Мулдагалиева Гульбаршын Серікқызы 1965 жылы 4 қазанда Жаңақазан ауылында дүниеге келді. 1973 жылы С.М. Киров атындағы орта жалпы білім беретін мектебінің бастауыш сыныбына қабылданып, 1983 жылы осы мектепті бітірді. 1983 жылы Орал қаласындағы Мәдени ағарту училищесіне оқуға түсіп, оны кітапхана ісі мамандығы бойынша 1985 жылы бітіріп шықты. 1985 жылы Жаңақала аудандық орталықтандырылған кітапхана жүйесіне библиограф мамандығы бойынша қызметке алынды. 1986 жылы Жаңақазан ауылындағы  №10 филиалына кітапханашы болып жұмысқа ауыстырылды. 2007 жылы отбасы жағдайымен Орал қаласына қоныс аударып, қаладағы  №44 мектеп гимназиясының кітапханасына кітапханашы болып жұмысқа орналасты.

2017 жылы отбасы жағдайымен Жаңақала ауданына қоныс аударып, Жаңақала аудандық орталықтандырылған кітапхана жүйесіне библиограф болып жұмысқа орналасып, күні бүгінге дейін осы салада қызмет атқарып келеді.

Серікова Салтанат Тұрарбекқызы  1996 жылдың сәуір айының 28-ші жұлдызы күні  Батыс Қазақстан облысы, Жаңақала ауданы, Мәстексай ауылында дүниеге келді. Жаңақала жалпы орта білім беретін қазақ мектебін 2014 жылы мектеп бітірген. Орал қаласындағы Құрманғазы атындағы саз колледжіне «Кітапхана ісі» мамандығы бойынша оқуға түсіп,  2016 жылы атаулы колледжді «үздік» дипломмен бітірді. Кейін Батыс Қазақстан инновациялық-технологиялық университетінің  «Кітапханашы» мамандығын тәмандады. Еңбек жолын  Пятимар ауылдық модельді кітапханасынан бастау алып, кейін Мұқыр ауылдық кітапханасында кітапханашы қызметін атқарды. Қазіргі таңда Аудандық балалар кітапханасының кітапханашысы.

Нургалиева Айнур Сансызбаевна 1978 жылы 12 ақпанда  Батыс Қазақстан облысы, Жаңақала ауданы, Маштексай ауылында дүниеге келген. 1984 жылы С.Меңдешев  атындағы мектепке барып, 1995 жылы бітіріп шықты. 2014-2016 жылдары Батыс Қазақстан Орал гуманитарлық коллледжінің  кітапхана  ісі мамандығын, 2016-2019 жылдары Батыс Қазақстан Технологиялық университетінің «Кітапханатану және библиография» мамандығын бітірді.

2015 жылы Жаңақала аудандық орталықтандырылған кітапхана жүйесіне  уақытша шаруашылық меңгерушісі қызметіне қабылданды. 2017-2018 жылдары Жаңақала аудандық балалар кітапханасында оқырман қамту бөлімінде, 2018-2019 жылдары Жаңақала аудандық кітапханасында және 2019 жылдан бері Жаңақала аудандық кітапхана жанынан ашылған коворкинг орталығында кітапханашы міндетін атқарып, күні бүгінге дейін зағип және көзі нашар көретін мүмкіндігі шектеулі оқырмандармен жұмыс жасап келеді. Осы жылдар арасында аудандық кітапхана жанынан құрылған «1001 МАРЖАН» жобасымен және «Мәдени тынығу» клуб жұмысының жетекшісі қызметін атқарып келеді.

Қуанғалиева Айбарша Мұсақызы   1964 жылы қазан айының 10 жұлдызында Батыс Қазақстан облысы Жаңақала ауданы Мұқыр ауылында қарапайым отбасында дүниеге келді. 1972  жылы 1 қыркүйекте  Мәстексай ауылдық С.Меңдешев атындағы орта мектебінің  1 сыныбына қабылданып, 1982  жылы 10 жылдықты тәмәмдап шықты. 1982-1985 жылдары Алматы қаласындағы байланыс техникумының көпканалды механигі  мамандығы бойынша бітіріп шықты. 1985-1992  жылдар аралығында мамандығым бойынша қызмет атқарды. 1992-жылдан отбасы жағдайына байланысты 1999 жылға дейін жұмыссыз отырды. 2001 жылы Жаңақала аудандық орталықтандырылған кітапхана жүйесіне кіші қызметкерлік жұмысқа қабылданды. Осы қызметпен қоса хатшылық қызметті атқара жүріп, компьютерлік сауаттылықты арттыру мақсатында толық курс бітіргені үшін сертификат, «Орал-Андас» оқу орталығынан «Дербес компьютерді пайдаланушы» курсын оқығаны үшін  сертификат алды. Қызмет атқара жүріп, облыстық Құрманғазы атындағы колледждің «Кітапхана ісі» мамандығы бойынша бітіріп, 2016 жылдың желтоқсан айында кітап қорын толықтыру және жабдықтау бөліміне  ауысып, кітапханашылық қызмет атқаруда.

Карабасова  Нуржиян  Саташевна  1975 жылы қаңтар айының  3 жұлдызында  Саратов  облысы ,  Александров – Гай  ауданы,   Александров – Гай  ауылында қарапайым отбасында дүниеге келді. Сол жерде  бірінші сыныпқа аяқ  басып, 1992 жылы  АСШ №2 мектепті тәмәмдап  шықты.

1992 -93 жылы  ПТУ №14  секретарь-машинистка  мамандығы бойынша бітіріп  шықты. 1993 жылы  Ресейден  БҚО, Жаңақала ауданы, Жаңақала ауылына көшіп келді. 1993 жылы  20 қыркүйектен бастап  Жаңақала  ауданы, Жаңажол ауылы, Факей елді мекенінде Абай атындағы негізгі мектепте орыс тілі және орыс әдебиет пәнінің  мүғалімі болып жұмыс атқарып 1998 жылы аяқтады. 1995 жылы тұрмыс құрдым. 2007 жылы  Жаңақала  аудандық пошта байланыс торабының байланыс операторы қызметіне қабылданып, 2011 жылы жұмыстан жанұя жағдайына байланысты босатылды. 2016 жылы  Жаңақала  аудандық орталықтандырылған кітапхана жүйесіне кіші қызметкер қызметіне жұмысқа кірді.  2017 жылы хатшы-референт қызметіне ауыстырылды. Уақытша кітапханашы қызмет атқара жүріп, облыстық Құрманғазы  атындағы  колледждің «Кітапхана ісі» мамандығы бойынша  2019 жылы бітіріп шықты.

2019 жылы шаруашылық меңгеруші қызметін атқарды. 2021 жылдың  қараша айынан бастап кітап қорын толықтыру және жабдықтау бөлімінде кітапханашылық қызмет атқаруда.

Садырова Лунара Асылбекқызы  1999 жылы қараша айының 9-шы жұлдызында Батыс Қазақстан облысы Жаңақала ауданы Маштексай ауылында дүниеге келді. 2006 жылы  С.Меңдешев атындағы  орта жалпы білім беретін мектебіне қабылданып,  2017 жылы мектепті аяқтады. 2017 жылы Құрманғазы атындағы саз колледжіне оқуға түсіп, 2019 жылы «Үздік дипломмен» бітірді. 2019 жылдың шілде айынан желтоқсан айына дейін Маштексай ауылдық кітапханасында жастар тәжірибесінен өтті. 2020-2022 Жаңақала аудандық балалар кітапханасының кітапханашысы қызметін атқаруда.