Жұбан Молдағалиев атындағы облыстық әмбебап ғылыми кітапханасы ұйымдастырған «Жұбан оқулары – 2022» акциясының екінші күні жалғасуда.
Шараға «ҚР Мәдениет саласының үздігі» төсбелгісінің иегері, ардагер кітапханашы, БҚО мәдениет басқармасының ардагерлер кеңесінің жастармен жұмыс комитетінің төрайымы Кенжебаева Сара Көшәліқызы, 2010 жылғы облыстық «Жұбан оқулары» байқауының бас жүлдегері, Ақжайық телеарнасының журналисі Кухаев Біржан Амангелдіұлы, Орал қалалық білім беру бөлімінің әдіскері Тасимова Алима Өтегенқызы және мұғалімдер, кітапхана қызметкерлері, студенттер мен оқушылар қатысты.
Акцияда Ғ.Құрманғалиев атындағы БҚО филармониясының әншісі Ақмарал Ахметова, Жастар мәдениет сарайының әншісі Азат Қабиев, Жұбан Молдағалиев атындағы №2 ЖОББМ 11 сынып оқушысы Ахмет Айбар өнер көрсетті.
Кеш соңында Кухаев Біржан ақын А.Бақтыгерееваның Жұбан Молдағалиев рухына арнаған «Ерлікті көзбен көрген күн» өлеңін оқыды.
«Жұбан жыры – рух пен бірлік жаршысы» атты кітап көрмесі ұйымдастырылды.