12 маусым күні Жұбан Молдағалиев атындағы облыстық орталық әмбебап ғылыми кітапханасы Батыс Қазақстан облысы әкімдігі білім басқармасының балалар мен жасөспірімдер туризм және экология облыстық орталығының «Еуразия» балалар лагерінде танымдық-ойын-сауық бағдарламасын өткізді.

Іс-шара барысында балалар викториналарға, интеллектуалдық ойындарға және логикалық тапсырмаларға белсенді қатысып, өз білімдері мен тапқырлықтарын көрсетті

Кездесу балаларға жаңа мәліметтер алып, уақыттарын пайдалы әрі көңілді өткізуге мүмкіндік берді. Сондай-ақ кітапхана қызметкерлері ұсынған кітаптар балалардың ерекше қызығушылығын тудырып, олар өздеріне қажетті әрі қызықты мәліметтермен танысты. Іс-шара көтеріңкі көңіл-күй мен жарқын әсер сыйлады