Жұбан Молдағалиев атындағы ООӘҒК-ның 155 жылдық мерейтойы аясында жүзеге асырылып жатқан «БАС КІТАПХАНА – ОРТАҚ МҰРА, ОРТАҚ ТАРИХ» жобасы шеңберінде Казталов аудандық орталықтандырылған кітапханалар жүйесінде «Өткенді сақтай отырып, болашаққа беттеген Жұбан кітапханасы» атты мәдени-танымдық шара ұйымдастырылды.

Шара барысында «БАС КІТАПХАНА – ОРТАҚ МҰРА, ОРТАҚ ТАРИХ» атты кітап көрмесін Жұбан Молдағалиев атындағы ООӘҒК-ның әдіскері М.Тәтенова таныстырып, кітапхана қорындағы құнды басылымдар мен тарихи деректерге шолу жасады. Сонымен қатар кітапхана мамандарына арналған «Кітапханашы PRO: жаңа дағды, жаңа мүмкіндіктер» және «Мен заманауи кітапханашымын» тренингтерін әдіскерлер Қ. Арстанова мен Н. Есенғалиева жүргізсе, «Кітап оқу мәдениеті мен оқырман» тақырыбындағы тренингті бөлім жетекшісі, библиограф Б.Қаленова, «Өлкем жайлы ойласам…» атты танымдық тренингті библиограф Р. Ахметова өткізді.

Шара соңында жоба аясында ұйымдастырылған «Кітапхана. Технология. Болашақ» сурет байқауы мен «Жырмен өрілген 155 жыл» жыр байқауына белсене қатысып, шығармашылық белсенділік танытқан оқырмандар Жұбан кітапханасының арнайы сыйлықтарымен марапатталды.
Мазмұнды кездесулер мен кәсіби алаңға айналған бұл шара қатысушылардың кітапхана ісіне деген қызығушылығын арттырып, тәжірибе алмасуға және рухани байланысты нығайтуға үлкен мүмкіндік берді.