Жұбан Молдағалиев атындағы Батыс Қазақстан облыстық әмбебап ғылыми кітапханасының ұйымдастыруымен «KitapTime-2022» кітап фестивалі аясында жас ақындармен «Қаламдарынан жыр төгілген ақындар» атты сыр-сұхбат кеші оздырылды.
«ПоэзияParty» алаңына шақырылған қонақтар Ғ.Құрманғалиев атындағы облыстық филармониясының шығармашылық жұмыстары бойынша директордың орынбасары А.Рахметов, ТДК-42 телеарнасының жүргізшісі, Ж.Досмұхамедов атындағы жоғары педагогикалық колледжінің оқытушысы Ж.Хамза, «AMANAT» партиясы БҚО филиалы қоғамдық қабылдау бөлімінің меңгерушісі, «Жауқазын» жас қаламгерлер мектебінің жетекшісі Г.Шайхиниязова, ақын, Қазақстан Жазушылар Одағының мүшесі, «Орал өңірі» газетінің тілшісі М.Ғилымхан қатысты.
Сыр-сұхбат кешінде жас ақындар әдеби әлемдегі ойларымен бөлісіп, өз төл туындыларынан жыр шумақтарын тарту етті. Оқырмандар шақырылған қонақтарға сауалдарын қойып, «АвтографTime» айдарының аясында қаламгерлерден қолтаңбалар алынды. Сондай-ақ шара барысында қаламыздағы жоғары және орта оқу орындарындағы білім алып жатырған студенттер мен БАҚ өкілдері қатысты.
Кешті Батыс Қазақстан облысының дін істері басқармасы діни бірлестіктерімен жұмыс бөлімінің басшысы А.Қаратай жүргізді. Шара соңында қонақтарға кітапхана ұжымының атынан алғыс хаттар табысталды