Ж.Молдағалиев атындағы облыстық кітапханада 28 ақпан күні «Ұлт ұлағаты» жобасы аясында ақын, Қазақстан Жазушылар одағының мүшесі, «Әлішер Науаи» атындағы және «Тұран Биримдиги» медалінің иегері, БҚИТУ-дың ғалым-әдіскер ұстазы, педагог-тәлімгер, «Ақберен» жас ақындар мектебінің жетекшісі Қуаныш Талап Таймасұлымен кездесу өтті.
Шарада ұлттық салт-дәстүр, отбасындағы ер бала тәрбиесі, жастар арасындағы рухани құндылықты көтеру жайлы айтылды. Ақын туралы бейнеролик көрсетілді. Оқырмандар ақынға өздерін қызықтырған сұрақтарын қойып, жауап алды. Кездесуді тележурналист Назгүл Пахман тартымды етіп жүргізді. Мектептен тыс жұмыс орталығының оқушылары Ғайнолла Айымгүл мен Нұрымғали Гүлбегім ақын өлеңдерін оқыды.