24 қаңтар күні «Асыл мұра өлкетану бірлестігі» аясында «Қазақтардың шежіресін зерттеу және сақтау, БҚО тарихының басқа да өзекті мәселелері» тақырыбында дөңгелек үстел өтті. Дөңгелек үстелге Орал қаласы әкімінің орынбасары А. Н. Тапишев, БҚО мәдениет, тілдерді дамыту және мұрағат ісі басқармасының БҚО мемлекеттік мұрағатының қызметкері Д. С. Бағдат, М. Өтемісов атындағы БМУ-нің оқытушысы Д. З. Сагидоллаев, БҚО тарихи-өлкетану мұражайы қор бөлімінің ұйымдастырушысы А. К.Абдрахманова, экскурсия бөлімінің меңгерушісі Ж. Срымова, БҚО тарихи-мәдени, архитектуралық-этнографиялық Хан Ордасы мұражай-қорығы қызметкерлері Г. С. Мырзағалиева, Ж. Төлешов, өлкетанушы Қ. Қ. Құттымұрат, З. Шарафутдинов, БҚО тарихи-мәдени мұраны қорғау жөніндегі мемлекеттік инспекциясының қызметкері А.З.Байбеков, қоғам белсендісі Н. Сәдір, тарихшы Ж. Жақсығалиев, шежіретанушылар Т.И.Ишанов, С. Мектеп қатысты. Кешті «Жанұя және білім» қоғамдық қорының төрағасы Дархан Сариев жүргізді. Сонымен қатар «Тегіңді тану – өзіңді тану» тақырыбында кітап көрмесі жасақталды.