23 қаңтарда «Меркурий» спикерлер клубының жаңа 4-ші маусымы ашылды. Маусым қаламыздағы «Музыкалық бинго» ойынының алғашқы ұйымдастырушыларының бірі Виктория Гачабурова, Назерке Аманоллина және Әлия Жеменкеевалардың қатысуымен басталды.

Музыкалық бинго – көңілді және жақсы музыка әуесқойлары арасында тез танымал болып келе жатқан ойын-сауықтың жаңа тренді. Музыканың адамдарды біріктіретін таңғажайып қабілеті бар және оған ойын элементін қосқанда, шынымен ерекше әсер алуға болады. Кездесудің тақырыбы «Мир музыки и азарта».

Кездесудің бірінші бөлімінде модератор Дина спикерлерден ойын құру идеясы, оның ережелері, кім қатыса алатыны және басқа да ұйымдастыру мәселелері туралы сұрақ-жауап алмасты.

Екінші бөлімінде спикерлер ойын ережелерін түсіндіріп, пішіндерді таратып, қатысушылар арасында Музыкалық Бинго өткізді.

Кейін қатысушылар пішіндегі орындаушыларды эмоционалды түрде болжап, Shazam бағдарламасынан іздеп, ән шырқады, білімдерімен бөлісті, тіпті би биледі.

Ойын барысында бірінші бинго ойынын БҚИТУ студенті Нариманова Гүлдария жеңіп алса, 2-орынды №7 орта мектептің 10-сынып оқушысы Арина Киреева, 3-орын екі қатысушыға – №7 орта мектептің 10-сынып оқушысы Жансель Айдарбек пен абонемент секторының жас кітапханашысы Альмара Ураковаға бұйырды. Ұйымдастырушылар ең көңілді және белсенді қатысушыға арнайы сыйлық табыстады.