Кітапханада 27 ақпан күні «Ісмер – Iike» клубының кезекті отырысында «Ұлттық қолөнер бұйымдарын заманауи технологияда орындаудың ерекшеліктері» тақырыбында шеберлік сағаты ұйымдастырылды. Шарада Ж.Досмұхамедов атындағы жоғары педагогикалық колледжінің технология пәнінің оқытушылары Ж.Ж. Жонқарбаева, Л. А. Жайманова және 4 асКШТ тобының студенттері қатысып, өздерінің қолөнер туындыларының жасалу жолдарын арнайы дайындалған слайд арқылы көрсетіп, оқырмандарға түсіндірді. Кітапханамыздың кітап қорынан «Кесте өнері, халық өнері» кітап көрмесі ұсынылып, шолу жасалды. Жасалған қолөнер туындыларынан кітапханадағы «Ісмер – Iike» көрмесіне естелікке бұйымдар қалдырды.