Бүгін 19 ақпан кітапханада «Еңбекпен шыңдалған жетістік» жобасы аясында «Қаржылық сауаттылық» атты шеберлік кеңесі ұйымдастырылды. Шараның мақсаты — кәсіпкерлік салада жетістікке жеткен азаматтардың тәжірибесімен бөлісу, жастарға табыстың артында тұрған адал еңбек пен табандылықты түсіндіру.

Қонақ ретінде блогер, бизнес-практик, ресторатор және кәсіпкер Салимова Жазира Меңдіханқызы шақырылып, өзінің кәсіпкерлік жолындағы тәжірибесімен бөлісті. Шара барысында қаржылық сауаттылықтың маңыздылығы, бюджетті дұрыс басқару және үнемділік тақырыптары қозғалды. Қатысушыларға қаржылық тәртіптің адамның өзіне деген жауапкершілігі мен сенімділігін арттыратыны айтылды.

Сонымен қатар, қаржылық сауаттылықты арттыруға арналған «Қаржылық жоспарлау – болашаққа сенімді қадам жасау» атты кітап көрмесі оқырман назарына ұсынылды.