Қазақстан халқының тілдері күні мерекесіне орай 4 қыркүйек күні «Тіл – тұтастық туы» атты жалпыхалықтық тіл фестивалі өтті. Осыған орай Жұбан Молдағалиев атындағы облыстық орталық әмбебап ғылыми кітапханасы жалпыұлттық тіл фестиваліне тағылымды еңбектерден құралған «Ұлт рухының алтын қазығы – тіл» атты кітап көрмесін ұйымдастырды.

Көрмеге кітапхана қорындағы тіл туралы заңдар, тіл мәдениеті, ұлттық әдебиет, ғылыми еңбектер, мерзімді басылымдар, анықтамалық құралдар және шет тілдерін үйрену, Қазақстандағы тіл саясаты туралы әдебиеттер қойылды.