Орталықтандырылған кітапхана жүйесінде оқу залы және оқырмандарды қамту бөлімінің кітапханашыларының ұйымдастыруымен “Алтын уақыт кітаппен” атты жоба бойынша кітап талқылау шарасы өткізілді. “Кітап – ақылына ақы сұрамайтын алтын қазына”. Әрбір кітаптың адамға берер тәлім – тәрбиесі, өнегесі, өмірлік сабақтары үлкен рөл атқарады. Әр автор кітап жазар алдында сан қилы тағдырды көз алдына елестетіп, ертеңгі күні осы кітапты оқығанда бір ой түйсінші деген өміріндегі болып жатқан оқиғаны негіз етеді. Міне, дәл сондай авторлардың бірі башқұрт жазушысы Айгиз Баймұхаметовтың – “Тастамашы ана” әңгімесі. Осы кітап барысында кітапхана жүйесінде аудандық Қ. Жұмалиев атындағы мектеп – гимназиясының 8-10 сынып, аудандық Мұхит атындағы ЖОББ мектебінің және Шөптікөл мектеп оқушыларының 8-10 сынып оқырмандары арасында талқыланды. Шара барысында ең алдымен жоба жайлы қысқаша таныстырылым мен жалпы кітап оқудың маңызы айтылып өтілсе, “Тастамашы ана” әңгімесін қазақ тіліне аударған аудармашы Саят Қамшыгер туралы толық мағлұмат берілді. Оқырмандарға ашық түрде сұрақтар қойылып, оқушылар өз ойлары мен түсініктерін терең жеткізуге тырысты. Және де өз ойын жоғары деңгейде жеткізе білген оқырмандарға және сынып бойынша оқушыларға ортақ сыйлықтар табысталды. Кеш соңында кітапхана жүйесінің директоры Нұржамал Сәрсенқызы сөз алып, оқырмандарға кітап оқу және кітап құндылығы мен кітап талқылау барысындағы түрлі ойларды бөлісуді одан әрі жоғары бағытта көркемдеп жеткізуге ой тастады. Сонымен қатар келесі кезекте талқылайтын кітабымыз жайында кітапханашы Айнагүл Аманжолқызы оқырмандарға қысқаша таныстырылым жасап өтті.