«Ғалымдар кітапханада» жобасы аясында тарих ғылымдарының кандидаты, профессор Қадырғалиев Нұрболат Меңдіғалиұлымен «Ғалым жүрегіндегі сыр: ғылым мен ғұмыр» атты кездесу кеші өтті.

Шара барысында кеш қонағы, «Қазақстан Республикасының білім беру ісінің құрметті қызметкері», «Асыл ұстаз» төсбелгісінің иегері, Батыс Қазақстан инновациялық технологиялық университеті профессоры Қадырғалиев Нұрболат Меңдіғалиұлы өзінің ғылым жолындағы ізденістері, тарих ғылымына келу себептері, архивтік зерттеулері мен ұстаздық қызметі туралы мазмұнды әңгіме өрбітті.

Кездесу модераторы Сдықов Мұрат Наурызғалиұлы кеш қонағының ғылым мен білім саласындағы еңбектеріне тоқталып, ғалымның тарих ғылымына қосқан үлесін ерекше атап өтті.
Шара аясында ғалым туралы арнайы дайындалған бейнеролик көрсетіліп, әріптестері мен шәкірттері естеліктерімен бөлісті. Атап айтқанда, филология ғылымдарының кандидаты Шканова Бақыт Әжіғұлқызы мен ғалымның шәкірттері ұстаздың адамгершілік қасиеті мен ғылыми жетекшілігі туралы жылы пікірлерін білдірді.
Тағылымды кеш студенттер мен жас зерттеушілерге ерекше әсер сыйлап, ғылым мен руханият тоғысқан мазмұнды басқосуға айналды.