Ұлы ақын ұлағаты

2019 жылы 13 тамыз күні «Ақжайық» телеарнасындағы «Күншуақ» бағдарламасының тікелей эфирінде «Ұлы ақын ұлағаты» тақырыбында сұхбат өтті.

Аталмыш бағдарламаға Ж.Молдағалиев атындағы облыстық әмбебап ғылыми кітапханасынан кітапханашылар Теміржан Альмира, Гусманова Айбота, Айтымова Фариза қатысты. Сұхбат барысында 9 тамыз күні Абай ескерткіші жанында Қазақтың ұлы ақыны, кемеңгер ойшыл, композитор, аудармашы, ағартушы Абай Құнанбаевтың туғанына 174 жыл толуына орай өткен «Абай мұрасы – ұрпаққа ұлағат» атты поэзия сағатының өтілу барысын, мақсатын кітапханашы Альмира Маратқызы айтып өтсе, 4 бөлімнен тұратын «Кемел ойдың кемеңгері» кітап көрмесін Гусманова Айбота әңгімелеп берді. Соның ішінде ақынның өмірбаянына, туып өскен ортасына, шығармаларына, Абай туралы ақын-жазушылардың пікіріне және СД дискілеріне нақтырақ тоқталып өтті. Ал, кітапханашы Фариза Амантайқызы 1995 жылдан бастап кітапханаға жаздырылып алынатын «Абай» журналы туралы мәлімет берді. Сұхбат соңында Абайдың қарасөздері мен өлеңдеріне, нақыл сөздеріне шолу жасалып, челлендж арқылы жалғасып келе жатырған Абайдың өлеңдерін мәнерлеп айтып, экран артындағы барлық көрермендерге жолдады. Эфирдің толық нұсқасы «Ақжайық» телеарнасының ресми сайты
сілтеме – де сақталған.