2020 жылдың 17 тамызында Ұлы Отан соғысының ардагері, КСРО-ның үздік мәдениет қызметкері, Қазақ КСРО-ның еңбек сіңірген мәдениет қызметкері Лидия Игнатьевна Губанова 97 жасында дүниеден өтті.
Ұлы Отан соғысының ардагері Лидия Губанова 19 жасында майданға аттанып, 58-ші гвардиялық атқыштар дивизиясының құрамында, Курск доғасында, Польша мен Чехословакияның жерінде соғысқан. Ол қан майданнан елге аман-есен оралғаннан кейін, еліміздің мәдениет саласында 50 жылдан астам қызмет жасап, оның 30 жылында облыстағы бас кітапхана – Ж.Молдағалиев атындағы Батыс Қазақстан облыстық әмбебап ғылыми кітапханасын басқарды.
Ардагер Лидия Губанова: «Қызыл жұлдыз», 2-ші дәрежелі «Отан соғысы» ордендерімен, «Ерлігі үшін», «Праганы азат еткені үшін», «Кеңес Одағының маршалы Г.К.Жуков» медальдарымен, «КСРО-ның үздік мәдениет қызметкері», «Қазақ КСР-ның еңбек сіңірген мәдениет қызметкері», сондай-ақ Н.К.Крупская атындағы медальдің иегері. Қазақ КСР-нің Жоғарғы Кеңесінің Құрмет грамотасымен де марпатталған.
Марқұмның туған-туыстарының қайғысына ортақтасып, көңіл айтамыз. Лидия Игнатьевнаның жарқын бейнесі оны білетіндердің жүрегінде мәңгі сақталады.