26-шы сәуір күні Ж. Молдағалиев атындағы облыстық әмбебап ғылыми кітапханада «Мирас» рухани танымдық орталығының «Ұлы даланың аңыздары мен дәстүрлері» атты кезекті 2-ші отырысы болып өтті. Шараға жастарды аңыз әңгімелермен суындатып, аузы дуалы, аталы сөз айтатын көреген үлкендеріміз күйші, домбыра жасау шебері, «Ерен еңбегі үшін» медалінің иегері, Махамбет сыйлығының иегері, Құрманғазы атындағы Қазақ ұлттық консерваториясының Құрметті профессоры, Республикалық «Үкілі домбыра» байқау бәйгесінің екі дүркін лауреаты Едіге Қуанғалиұлы Набиев аңызға айналған күйлерімен бөліссе, Қазақстанның еңбегі сіңірген әртісі, Батыс Қазақстан облыстық филармоняның әншісі, Мұхит пен Ғарифолла дәстүрін жалғастырушы Сәуле Жаманқызы Таудаева аңыз болған дәстүрлі әндерін орындап, мазмұнымен түсіндіріп өтті. Ауылшаруашылығы ғылымдарының кандидаты, доцент, ҚР білім беру ісінің құрметті қызметкері Болатқали Төлебаев аталарымыз қатысып қазақ даласындағы ұмыт болған аңыз әңгімелермен әлсапалар, ел аузынан жеткен шешендік өнер туралы тереңірек сыр шертті. Сондай-ақ келген жас оқырмандар «Ұлы даланың аңыздары мен дәстүрлері» атты кітап көрмесін тамашалады.