Қырқопа ауылдық кітапхансында Мұхтар Мағауиннің 85 жылдығына орай «Рухы биік жазушы» тақырыбында әдеби кеш өткізілді.

Әдеби кешке 5—6 оқушылары қатысты. Кеш барысында Мұхтар Мағауиннің өмірі мен шығармашылығы кеңінен сөз болды. Жазушының «Аласапыран», «Көк мұнар», «Шақан шері», «Сары қазақ» сынды кесек туындылары мен тарихи-танымдық еңбектері ұлт руханиятына қосылған баға жетпес мұра екендігі ерекше аталып өтті.

Шара барысында оқушылар жазушының шығармаларынан үзінділер оқыды. Сондай-ақ, «Жазушының насихаты—оның көркем шығармасы» атты кітап көрмесі ұйымдастырылып кітапханашы А.С.Темірғазиева Мұхтар Мағауиннің еңбектерімен таныстырды.

Кеш соңында оқырмандар жазушының қазақ тарихы мен мәдениетін сақтауға, ұлттық сананы оятуға қосқан үлесіне тоқталып, Мұхтар Мағауин шығармашылығының мәңгілік құндылық екендігін атап өтті.