13 ақпан күні № 25 ЖОББ мектебінде 5-сынып оқушыларымен «Бір ел – бір кітап» республикалық акциясы аясында ел болып оқуға таңдалған қаламгерлер Тәкен Әлімқұлов пен Жұмекен Нәжімеденов шығармашылығын насихаттау бойынша шара өтті.

Шара Әнұран айтумен басталып, балалар жазушылардың кітаптарымен танысты. Оқушылар Жұмекен Нәжімеденовтің өлеңдерін оқып, қаламгерлер туралы деректермен танысты. Сондай-ақ, бейне ролик көрсетіліп, шара барысында айтылған ақпараттар бойынша сұрақ-жауап ұйымдастырылды. Әдебиет әлеміне деген қызығушылықты арттыруға бағытталған бұл шара өте қызықты әрі мазмұнды болды. Шара соңында кітап сыйлау акциясы аясында облыстық кітапхана мектеп кітапханасы қорына кітап тарту етті.