Наурызнама онкүндігі аясында 18 наурыз Ұлттық киім күніне орай Ж.Молдағалиев атындағы облыстық орталық әмбебап ғылыми кітапхана Батыс Қазақстан инновациялық–технологиялық университеті Өнеркәсіптік технологиялар институтының 1-ші курс студенттерімен «Ұлттық киім – ұлт айнасы» атты ақпараттық сағат өткізді.

Сән үлгісін көрсеткен кітапханашылар алдымен Әдемі Жәмілқызының @ornament_07 киімдері мен этникалық аксессуарларын ұсынды. Соның ішінде тақиялар, докер, этнобаска, этножаға. Этникалық баска мен жаға жиынтығы мәдени мұра элементтері және заманауи дизайнды үйлестіре отырып, даралық пен ұлттық дәстүрлерді құрметтеуді баса көрсетеді. Сондай-ақ этникалық үлгідегі сөмкелер ұсынылды.

Осы дәстүрді жаңғыртып, ұлттық нақыштағы заманауи киімдерді сән әлеміне енгізіп жүрген дизайнерлердің бірі – Әсем Кенжебайқызының өз қолынан шыққан туындылары көрсетілді. Әсем Кенжебайқызы БҚО дизайнерлері мен модельерлер қауымдастығының торайымы @desiqners_zko. Әсемнің киімдерінің ерекшелігі сол: табиғи материалдар, кең пішім, ою-өрнек, символика көзге көрініп тұрады.