Қазақстан Республикасы Ата Заңына енгізілген тұжырымдамалық өзгерістер мемлекеттің адамға бағдарланған сипатын күшейтуге бағытталған. Бұл жаңашылдықтар Қазақстан халқына тән негізгі құндылықтар мен қағидаттарды айқындап, азаматтардың құқықтары мен бостандықтарын қорғауды жаңа деңгейге көтереді. Сонымен қатар, өзгерістер елдегі саяси институттар құрылымының тиімділігін арттыруға ықпал етеді.

Кітапхана – қоғамдағы құқықтық мәдениетті қалыптастыруға үлес қосатын маңызды рухани-танымдық орта. Осыған орай, Ата Заңдағы өзгерістерді кеңінен түсіндіру, оқырмандардың құқықтық сауаттылығын арттыру – біздің басты міндеттеріміздің бірі. Заңды білу, оны құрметтеу – саналы қоғамның негізі, ал кітапхана осы бағыттағы ағартушылық жұмысын жалғастыра береді.