2 ақпан күні 5517 әскери бөлімімен бірлесе Қазақстанның алғашқы Әнұранының сөзін жазған авторлардың бірі, туған жерге деген ыстық ықыласы мен махаббатын жырлап өткен қазақтың атақты классик ақыны, Қазақстанның Халық жазушысы Қадыр Мырза Әлидің туғанына 90 жыл толуына орай “Қадыр Мырза Әли — қазақ поэзиясының пырағы” атты әдеби-сазды кеш өткізілді. Кеш барысында ақынның өмірі мен шығармашылығы туралы бейне үзік көрсетіліп, сарбаздар ақын өлеңдерін мәнерлеп оқыды. “Асыл сөздің абызы – Қадыр Мырза Әли” атты кітап көрмесіне шолу жасалды. Әдеби сазды кешті сарбаздар ақынның сөзіне жазылған қазақтың бойтұмарына айналған “Атамекен” әнін орындаумен аяқтады.