Ж.Молдағалиев атындағы облыстық орталық әмбебап ғылыми кітапхана қоры ҚР Президенті Қасым-Жомарт Кемелұлы Тоқаевтың «Әділетті қоғамға – шыншыл сөз» атты жаңа кітабымен толықты.

Жинаққа Мемлекет басшысының 1994 жылдан бергі әр жылдары айтқан таңдаулы сөздері мен ой-тұжырымдары енгізілген. Кітапта мемлекеттік басқару, заң үстемдігі, білім мен жастар саясаты, цифрландыру, ұлттық құндылықтар, экологиялық мәдениет және «Таза Қазақстан» бастамасы секілді маңызды бағыттар қамтылған.
Кітапхана қорында Президенттің «Тәуелсіздік туы астында», «Әке туралы толғаныс», «Беласу», «Қазақстан Республикасының дипломатиясы», «Нұр мен көлеңке» тағы да басқа еңбектері де бар. Енді осы кітаптар қатары «Әділетті қоғамға – шыншыл сөз» еңбегімен толықты. Біз қуаныштымыз!

Кітаптың біз үшін тағы бір ерекшелігі – онда кітапхана, кітап оқу, білім мен руханиятқа қатысты мазмұнды ойлар мен қанатты сөздер кездеседі. Бұл кітапхананың кітап көрмелеріне, ақпараттық жұмыстарында және мәдени іс-шараларында кеңінен пайдалануға мүмкіндік береді.
Оқырман қауымды жаңа кітаппен танысуға шақырамыз!