Базартаева Гүлжан Уахитқызы 1965 жылы 15 мамырда Казталов ауданы Бостандық селолық советінде дүниеге келген. Ұлты – қазақ. Білімі- жоғары. Жалпы еңбек өтілі – 40 жыл, кітапхана саласында -35 жыл, 9 ай.
1982 жылы Бостандық орта мектебін бітіріп, 1982-1984 жылдар аралығында әр түрлі жұмыстарға араласып, 1984-1986 жылдары Орал мәдени-ағарту училищесінің «кітапхана ісі» мамандығы бойынша арнаулы орта білім алып шығады.
1986 жылы шілде айынан бастап Казталов аудандық орталықтандырылған кітапханалар жүйесіне қарасты Қаракөл ауылдық кітапханасына кітапханашы болып алғашқы кітапханашылық еңбек жолын бастаған. Кітапханашылық қызметінде ауыл тұрғындарын кітапханаға тарту мақсатында насихат жұмыстарын түрлендіре жүргізіп оқырмандарының ілтипатына бөленіп отырды. Жас маман құлшынысымен атқарған еңбегі ерекшеленіп, аудандық кітапханаға жұмысқа тартылды.
1990 жылдың сәуір айынан бастап Казталов аудандық кітапханасына әдіскер болып ауыстырылды. Осы жылдан бері барлық ауыл кітапханашыларына әдістемелік көмектер беріп, заман талабына сай кітапхана саласының алға қарай жұмыстануына өз үлесін қосып келеді. Кітапхана саласына жұмысқа қабылданған жас мамандарға оқырманмен арадағы байланыстың бекем болуы үшін аянбай еңбектеніп, артынан кадр дайындауда көп еңбектеніп келеді.
2003 жылы Батыс Қазақстан Мемлекеттік Университетінің «Қазақ тілі мен әдебиеті» пәні мұғалімі мамандығы бойынша оқуға түсіп, еңбектен қол үзбей жүріп білімін жетілдіріп, жоғары білім алды. Осындай білімін кітапхана саласына арнаған маман әдіскер осы салада қол үзбестен еңбек етіп келеді. Осы жылдар ішінде көптеген семинар кеңестер оздыруда, ауыл кітапханашыларының кәсіби шеберліктерін арттыруда еңбегі зор. Кітапхана саласына жаңадан жұмысқа алынған кітапханашыларға үйретері мол маман. Әр оқырманның талабын орындауда қызмет атқару үшін кітапханашылар тәрбиелеуде ерінбей еңбектеніп келеді.
2000 жылы Мәдениетті қолдау жылы аясында жүргізілген жұмыстары үшін облыстық мәдениет басқармасы басшысынан «Құрмет грамотасымен» марапатталды
2007 жылы Аудандық Мәдениет бөлімі меңгерушісі атынан рухани салада атқарған жұмыстарына «Алғыс хатпен» марапатталды .
2010 жылы Ж. Молдағалиев атындағы облыстық ғылыми-әмбебап кітапханасында ұйымдастырылған ақын Ж. Молдағалиевтың туғанына 90 жыл толуына орай оздырылған шараларға белсенділік танытқаны үшін «Алғыс хатпен», 2010 жылы Казталов аудандық орталықтандырылған кітапханалар жүйесі директоры атынан ақын Ж. Молдағалиевтың туғанына 90 жыл толуына орай оздырылған шараларға белсенділік танытқан қызметтері үшін «Құрмет грамотасымен» , 2011 жылы Ж. Молдағалиев атындағы облыстық ғылыми-әмбебап кітапханасы директоры атынан ауыл кітапханаларының бет-бедерін жаңарту, жаңғырту жолындағы және жергілікті билік органдарымен бірлесіп атқарған жұмыстары үшін «Алғыс хатпен», 2012 жылы Казталов аудандық орталықтандырылған кітапханалар жүйесі директоры атынан ауыл кітапханашыларымен жүргізген жұмыстары үшін «Алғыс хатпен», 2016 жылы ҚР Тәуелсіздігінің 25 жылдығы аясында облыстық мәдениет басқармасының алғыс хатымен, 2017 жылы Казталов ауданы әкімі атынан, 2018 жылы Батыс Қазақстан облысы әкімінің, 2019 жылы Казталов ауданы әкімінің алғыс хатымен, 2021 жылы Қазақстан салалық мәдениет, спорт, туризм және ақпарат қызметкерлерінің кәсіптік одағы «Еңбек Даңқы» төсбелгісімен марапатталды.