Дүйсеғалиева Ұлбике Рамазанқызы 1970 жылы 5 ақпан  күні Орда ауылында дүниеге келген.  1977-1987 жылдары М.Горький атындағы Орда орта мектебінде онжылдықты тәмәмдаған.

1987 жылы Гурьев (қазіргі Атырау)мәдени ағарту училищесіне оқуға түсіп, 1989жылы осы училищенің кітапхана ісі мамандығы бойынша тәмәмдады.    Ұлбике Рамазанқызы еңбек жолын 1998 жылы Хан ордасы балалар кітапханасында кітапханашы болып бастаған. Жас маман ретінде өзін біліктілігімен, шараларды ұйымдастыру қабілетімен, ізденгіштігімен ерекшеленіп, 2008 жылы Хан ордасы ауылдық кітапханасына меңгеруші болып ауыстырылып, осы уақытқа дейін абыройлы қызмет атқарып келеді.

Ауылдың қайнаған өміріне белсене араласып, өлкетану жұмысына көп көңіл бөліп, «Орда туған мекенім», «Бөкей орда тарихы», «Орда ақындар – жазушылар шығармасында», «Орда ерліктер шежіресі» атты үлкен көлемде конференциялар өткізіп көптің көңілінен шығып, оқырмандардың қызығушылығын оята білген тәжірибелі маман . 2006 жылы Орда ауылында аудандық кітапхананың ұйымдастырумен өткен «Кітапханашы және оқырман: қазіргі кездегі қарым- қатынас негіздері» атты зерделі кеңеске қатысып,  өзін озық маман ретінде көрсете білгені үшін ОКЖ директоры М.Жұмақаеваның атынан алғыс хатпен марапатталған. 2013 жылы аудан әкімі Н.С.Рахымжановтың, 2016жылы Ж.Молдағалиев атындағы Батыс Қазақстан облыстық ғылыми –  әмбебап кітапханасының директоры Р.Исатаеваның атындағы алғыс хаттармен марапатталған.

2018 жылы Аудандық  мәдениет, тілдерді дамыту  дене шынықтыру және спорт бөлімінің басшысы Ә.Қ.Айтқалиевтың алғыс хатын алған. 2021жылы Батыс Қазақстан облысының мәдениет басқармасының басшысы С.Дүйсеновтың алғыс хатымен марапатталды. 2018 жылы  Хан ордасы ауылдық кітапханасы үлгілі (модельді) кітапхана статусын алды. Осы кезде де Ұлбике Рамазанқызы өзінің таңдаған мамандығының қыры мен сырын жетік меңгерген маман ретінде көрсете білді. Үлкен шаралар ұйымдастырып,көрмелер жасақтап,оқырмандардың көңілінен шықты.

Ұлбике Рамазанқызы – кітапхана ісінде өзіндік орны бар маман.