26 шілде күні Жұбан Молдағалив атындағы облыстық әмбебап ғылыми кітапханада Бас мүфти Наурызбай қажы Тағанұлының жетекшілігімен жарыққа шыққан «Ихсан – рухани тәрбие негізі» кітабының таныстырылымы өтті.
«Ихсан – рухани тәрбие негізі» кітабында «Жаратушы Аллаға ихсан», «Тұлғалық ихсан», «Ихсан және қоғам» сынды тараулар қамтылып, Ислам ғұламаларының ихсан ілімі жайлы ой-толғамдары берілген.
Кітаптың таныстырылымына ҚМДБ-ның БҚО бойынша бас имамы Сабралиев Бақытжан Құралбайұлы, М.Өтемісов атындағы Батыс Қазақстан университетінің қауымдастырылған профессоры, ф.ғ.к, доцент Мүтиев Зейнолла Жақсылықұлы, қоғам қайраткері, педагогика ғылымдарының докторы, профессор, Қазақстан Педагогикалық ғылымдар академиясының академигі, «Қазақстан Республикасының ғылымын дамытуға сіңірген еңбегі үшін» төсбелгісінің иегері, Ресей Риторикалық қауымдастығының мүшесі, ҚР Журналистер одағының мүшесі, Республикалық «Үш қоңыр» әдебиет, мәдениет және өнер газетінің БҚО бойынша меншікті тілшісі, «Махамбет» Республикалық әдеби-мәдени, танымдық журналының бас редакторының орынбасары, ҚР Жоғары оқу орнының үздік оқытушысы, Қазақстанның құрметті ұстазы, Үздік педагог-зерттеуші Қыдыршаев Абат Сатыбайұлы, Облыстық орталық мешітінің наиб имамы Абдрахманов Мейрамбек Ақылбекұлы, Х.Есенжанов атындағы балалар мен жасөспірімдер кітапханасының ғылыми-әдістемелік жұмыс кеңесшісі Утешова Звайда Бисенқызы, БҚО Тілдерді дамыту басқармасы басшысының уақытша м.а.Едекешов Амангелді Шәріпұлы, Облыстық орталық мешіттің наиб имамы, теолог Губаев Наурыз Ибатұлы, ТДК 42 телеарнасының тележүргізушісі Хамза Жандос, облыстық кітапхана директорының орынбасары Жиеналиева Ұрқия Кенжебайқызы және онлайн түрде аудандардың бас имамдары мен зиялы қауым өкілдері, кітапхана оқырмандары қатысты.
Аталмыш шара ҚМДБ-ның БҚО бойынша бас имамы Бақытжан Құралбайұлының Құран оқуымен басталды. Бас имам оқылған Құранның сауабын марқұмдарға бағыштап, кітап жөнінде айтып өтіп, жиынға қатысушыларға ізгі тілегі мен алғысын білдірді.
Шара барысында құрметті қонақтар құнды еңбектің жарық көруімен құттықтап, Діни басқарманың игі бастамаларына жылы лебіздерін білдірдіп, кітап туралы ойларын айтты. Шараны Тулбаев Мухаммед-Гариф мешітінің наиб имамы, облыстық ихсан бөлімінің жетекші маманы Мустафин Серік Қайратұлы жүргізді.