НАЗАР АУДАРЫҢЫЗДАР!

ҚР Ұлттық академиялық кітапханасы ONLINE марафон ұйымдастырады.

Қазақтың бас ақыны, ойшыл, дана Абай Құнанбайұлының туғанына 175 жылдық мерей тойына орай «АСЫЛ СӨЗДІ ІЗДЕСЕҢ…» атты on-line марафонына қатысуға шақырамыз!
Балалар әдебиетінде дана Абайдың шығармашылығына бетбұрыс жасау – рухани кеңістікті ашу. Карантин кезінде қашықтықтан оқырманмен жұмыс жасау талабы тұрған сәтте Ұлттық академиялық кітапхана жанындағы Балалар кітапханасы онлайн режимінде Ұлы Абайдың 175 жылдығына арналған «Асыл сөзді іздесең…» атты марафонын ұйымдастырып отыр.
Онлайн-марафон талаптары✅:
✅7–14 жас аралығындағы кез-келген балалар (ата-анасының және ұстазының парақшасынан) қатыса алады.
✅Абайдың қара сөздерін мәнерлеп оқып, шығармашылық ізденіспен сапалы түсірілген бейнебаяндарды дайындайды.
✅Шығармашылық тапқырлықпен қара сөздерді мәнерлеп оқу ұзақтығы 3 минуттан аспайтын бейнебаян дайындап жібереді.
✅Қашықтықтан өткізілетін марафон 2020 жылдың 3 тамыз күнінен бастау алады, жолдап отырған жұмыстары (бейнебаян) 2020 жылдың 23 тамызына дейін жалғасады.
✅Марафонға қатысушылардың жұмыстары Facebook, Instagram желісінде «Асыл сөзді іздесең…» атты топтың парақшасында үзбей жарияланады. Жұмыстарыңызды rk_bala@mail.ru электронды поштасына жіберуге болады.