Құспанғалиева Гүлназ Салахаденқызы Батыс Қазақстан облысы, Бөкей ордасы ауданы, Жетібай ауылында 1984 жылы 12 қаңтарда дүниеге келген.1989 жылы Жетібай ауылының бастауыш мектебінің табалдырығын атап, 2000жылы Бисен Жәнекешов атындағы орта мектепті бітірген. 2001 жылы Батыс Қазастан Мемлекеттік Университетіне оқыға түсіп, 2006 жылы «кітапханатану және библиография» мамандығы бойынша бітірген.
Гүлназ Салахаденқызы 2006 жылы Жамбыл филиал (қазіргі Жетібай) кітапханасында еңбек жолын марқұм анасының орынын жалғап,күні бүгінге дейен жұмыс жасап келеді. Анасы сол кітапханада 36 жыл еңбек жасаған.
Гүлназ Салахаденқызы еңбекқор, кітапхана жұмысын жетік білетін маман.
Оқырмандардың сұранысын қанағаттандырып, мерзімді басылымдармен қамтамасыз етіп, көпшілік шаралар өткізіп, әдебиеттерді насихаттаумен жұмыстанып келеді. Сонымен қатар өткізген шаралары туралы жергілікті «Орда жұлдызы» газетіне мақалар беріп отырады.
2012 жылы «Бүгінгі қоғамдағы кітапхана» тақырыбындағы аудандық семинарға белсене қатысқаны үшін Бөкей ордасы аудандық ОКЖ директоры Д.Сдыкованың атынан алғыс хатпен марапатталған. 2015жылы Хамза Есенжанов атындағы балалар мен жасөспірімдер кітапханасындағы облыстық семинар кеңеске қатысып, мақал жарысынан аудандық, ауылдық кітапханашылар арасынан оза шауып, 1-орын иеленіп, «Алғыс хат» пен сертификатқа ие болды.
Гүлназ Салахаденқызы халқымыздың ең үздік мәдени мұрасын, дәстүрлерін сақтау және дамытуға өз үлесін қосып жұмыстанып келеді.