«Жайықты жаңғыртқан дарабоз тұлға»
2021 жылдың 30 наурыз күні Достық үйінде Мемлекет және қоғам қайраткері Мұстақым Біләлұлы Ықсановтың туғанына 95 жыл толуына арналған «Із қалдырған дара тұлға» атты шара өткізілді.
Аталмыш шараға БҚО әкімінің орынбасары Б. Нарымбетов, Орал қаласының әкімі А. Шыныбеков, М. Ықсанов атындағы қордың төрағасы А. Атаев, Орал қалалық мәслихатының хатшысы Е. Қалиев және шақырулы қонақтар қатысты.
Орал қалалық кітапханалар жүйесімен мекеме фойесінде «Жайықты жаңғыртқан дарабоз тұлға» атты кітап көрмесі ұйымдастырылды.
Көрмеде қайраткердің өмірі мен қызметі туралы кітаптар, ел азаматтарының естеліктері, мерзімді басылым беттерінде жарияланған ол туралы мақалалар ұсынылды.
Шара барысында БҚО әкімінің орынбасары Б. Нарымбетов және М. Ықсанов атындағы қордың төрағасы А. Атаев құттықтау сөз сөйлеп, қайраткердің 95 жылдығына орай өткізілген шаралардың жеңімпаздарын марапаттады. Шара Жастар мәдениет үйі дайындаған мерекелік концерттік бағдарламамен қорытындыланды.
Пікір үстеу