Наурызнама онкүндігіне сәйкес 14 наурыз – Көрісу күніне арналған «Амал келді – жыл келді» атты мерекелік шара өтті. Шараның ашылуы «Көріктім» би ансамблінің орындауында «Мереке» биімен басталды. Мерекеге қатысушылар түрлі өнер көрсетіп, көрісу дәстүрін дәріптеді.

«Атамекен» комьюнити орталығының жанынан құрылған «Сәулем-ай» әжелер ансамбілі; «Қамқор» белсенді ұзақ өмір орталығының мүшелері; №16 «Ертегі» бөбекжайының тәрбиеленушілері; BILIM PREMIUM SCHOOL Бал бала kids-2 «Көріктім» би ансамблі және №36 ЖОББМ оқушылары қатысты.

«Сәулем-ай» әжелер ансамбілі шашу шашып, халық әндерінен папурри шырқады. Көрісу дәстүрі көрсетіліп, бүлдіршіндер әннен шашу шашты. Сонымен қатар, «Қазағым-ай» әнін Ибрашева Дильназ бен Тұрлан Мадина орындап, шараның сәнін кіргізді.

Шарада халқымыздың бай тарихы мен дәстүрі насихатталып, ұрпақтар сабақтастығы, үлкенге құрмет, кішіге ізет көрсетілген ерекше мереке болды.