Сіз ҚР Ұлттық кітапханасында 40 жылдан астам уақыт жемісті еңбек атқардыңыз! Осы уақыт аралығындағы қажырлы еңбегіңіз, білім мен мәдениетті дамытуға қосқан өлшеусіз үлесіңіз кітапхана саласында үлкен із қалдырды.

Ұлттық кітапхананың бүгінгі деңгейге жетуіне Сіздің басшылығыңыз бен терең кәсібилігіңіз себепші болды. Кітапхана оқырмандарға сапалы қызмет көрсету, мәдени мұраларды сақтау, жаңа жобалар мен бастамаларды жүзеге асыру бағытында маңызды қадамдар жасап, еліміздегі кітапхана ісінің дамуына зор ықпал еттіңіз.

Зейнетке шығуыңыз – үлкен жетістік пен жаңа өмір кезеңінің басы. Көптеген жылдар бойы атқарған жұмысыңыздың нәтижелері мен жетістіктері есте қалары сөзсіз. Алдағы уақытта сізге денсаулық, ұзақ ғұмыр тілейміз.