5 наурыз күні кітапханада өңіріміздегі жастарды кітап оқуға шақыру мақсатында алғаш бастау алып жатқан «РУХАНИ УАҚЫТ: поэзия әлемі, проза шыңы» атты жобасының ашылу салтанаты өтті.

Шараға М. Өтемісов атындағы БҚУ профессоры, педагогика ғылымдарының докторы, Қазақстан педагогикалық ғылымдар академиясының академигі, Қазақстан Ұлттық құндылықтар академиясының академигі, «Ерен еңбегі үшін» медалінің иегері Абат Қыдыршаев, ҚР мәдениет қайраткері, кітапхана саласының ардагері, БҚИТУ аға оқытушысы Звайда Өтешова, «Gallery» отбасылық фотостудия иесі, блогер, ана Бибінұр Хамит қатысып сөз сөйледі.

Шарада жоба аясында М.Өтемісов атындағы Батыс Қазақстан университеті, Батыс Қазақстан инновациялық-технологиялық университеті, Қазақстан инновациялық және телекоммуникациялық жүйелер университеті, Жәңгір хан атындағы Батыс Қазақстан аграрлық – техникалық университеті, Ж.Досмұхамедов жоғары педагогикалық колледжі және Құрманғазы атындағы саз колледжінің студенттері Топ-5 book» бойынша көркем әдебиет, қазіргі заман әдебиеті, жергілікті-ақын жазушылар және мотивациялық кітаптар тізімі ұсынылып 5 кітаптан таңдап алды. Жоба шеңберінде таңдап алған кітаптары бойынша жыл бойы ауқымды іс-шаралар өткізіліп, БАҚ-да, Жұбан кітапханасының фейсбук, инстаграм, Тик-ток парақшаларында жарияланатын болады.