25 ақпан күні кітапханада «Ақжайық қаламгерлері» жобасы аясында суретші-сатирик, «Қазақ мәдениет қайраткері» төсбелгісінің иегері Сарқұлов Аманғали Мусаұлының «Күйінгеннен-күлемін» атты сатиралық кітабының тұсаукесері өтті.

Жаңа кітаптың тұсауын ақын, Халықаралық «Алаш» әдеби сыйлығының және Халықаралық «Талант» сыйлығының лауреаты, «Ерен еңбегі үшін», «Қадыр Мырза Әлі» медальдарының иегері, ҚР мәдениет саласының үздігі, Қазақстанның құрметті журналисі Айтқали Нәріков пен ақын, сатирик, публицист, Қазақстан Жазушылар Одағының мүшесі Амангелді Шахин кесіп, жаңа кітапқа лебіздерін білдірді.

Шара барысында зиялы қауым өкілдері авторға жүрекжарды тілектерін арнап, шығармашылығына жоғары бағасын берді. Кездесу кешінде автор өзі де сөз алып, сатиралық өлеңдерін оқып, оқырман қауымға көтеріңкі көңіл күй сыйлады.

Тағылымды кешке өңірдің суретшілері, қаламгерлер, әріптестері мен зиялы қауым өкілдері қатысты.