Жұбан Молдағалиев атындағы облыстық әмбебап ғылыми кітапхананың ұйымдастыруымен “Кітаппен бірге тәуелсіз елде” оқу марафоны бойынша 2021 жыл Қазақстан Тәуелсіздігінің 30 жылдығына орай жалпыхалықтық оқуға “Тәуелсіздігіміздің 30 жылдығына- 30 кітап” рухани мәдени акциясы аясында 15 желтоқсан күні Сырым аудандық балалар кітапханасы “Ордалы елге отыз жыл, отыз кітап” тақырыбында ақын Иран Ғайыптың “Қорқыттың көрі” драмалық дастанына арналған әдеби кеш өткізді. Мақсаты: ақын Иран Ғайыптың “Қорқыттың көрі” драмалық дастан кітабын насихаттап,кітап сүйер көпшілік оқырмандарға окуға ұсыну. Әдеби кешке Қадыр Мырзалиев атындағы орта мектептің 6 в сынып оқушылары мен кураторы Әсел Қараманқызы қатысты. Кеш барысында ақын Иран Ғайыптың өмірбаяны мен шығармалары, өлеңдері оқырмандарға кеңінен таныстырылды.”Қорқыттың көрі драмалық дастанының шығу тарихы мен басты кейіпкер Қорқыт туралы айтылды.