17 наурыз күні кітапханада Наурызнама онкүндігінің 20 наурыз – Ұлттық спорт күні шеңберінде және «Құндылыққа бағдар» жобасы шеңберінде «Жылқы мәдениеті: дәстүр мен тағылым» атты танымдық этнографиялық кеш өтті.

Шараға арнайы қонақтар ретінде Орал қаласының тұрғыны, кәсіпкер, «Нұр-ЕР» ат спорты орталығы құрылтайшыларының бірі Исмағұлов Нұрболат Айдынғалиұлы, БҚО Теректі ауданы, Талпын ауылының тұрғыны, кәсіпкер, бапкер, «Ауыл шаруашылығы саласының үздігі» төсбелгісінің иегері Бекенов Әміржан Керейұлы, БҚО Теректі ауданы, Подстепное ауылының тұрғыны, кәсіпкер Орунбасарова Мақпал Саматқызы, сондай-ақ Подстепное ауылы қазақ орта мектебінің 8-сынып оқушысы, облыстық балалар-жасөспірімдер спорт мектебінің бәйге бөлімінің спортшысы, жас шабандоз Айболат Саян Ақылбекұлы қатысты.

Кеш барысында қонақтар жылқы мәдениеті, ұлттық ат спортының бүгінгі даму деңгейі, өз тәжірибелері мен салаға қосқан үлестері туралы ой бөлісіп, қатысушылармен сыр-сұхбат жүргізді. Оқырмандар тарапынан қойылған сұрақтарға тұшымды жауаптар берілді.

Шара барысында жасанды интеллект көмегімен дайындалған жылқы тарихы мен мәдениетіне арналған бейнебаян көрсетілді. Сонымен қатар, Kahoot платформасы арқылы ұйымдастырылған викториналық ойын қатысушылардың қызығушылығын арттырып, көрермендер смартфон арқылы жылдам жауап беріп, жүлдегерлер автоматты түрде анықталды.
Іс-шараға Махамбет Өтемісов атындағы Батыс Қазақстан университетінің студенттері және Батыс Қазақстан облысы Мамандандырылған күзет қызметі басқармасы мемлекеттік мекемесінің қызметкерлері қатысып, көтеріңкі көңіл күйде тарқасты.