«Ақжайықтың қос алыбы»

Қазақстанның Халық жазушысы,  Мемлекеттік сыйлықтың иегері,  ақын  Жұбан  Молдағалиевтың  100 жылдығы мен  Қазақстанның  Халық  жазушысы, Мемлекеттік сыйлықтың иегері, ақын Қадыр  Мырза  Әлидің  85  жылдығына орай «Ақжайықтың қос алыбы» атты Жұбан  Молдағалиев  атындағы  Батыс Қазақстан облыстық әмбебап  ғылыми  кітапханасына экскурс ұйымдастырылды.

Жұбан ақынның өмірі мен шығармашылығына орай әртүрлі бағытта жасақталған «Жұбан мен Жайық», «Майдангер ақын», «Ғасырдың ғажап адамы», «Жыр қыраны – Жұбан ақын», «Ұлтымның үні, жұртымның жүрегі» тақырыбындағы кітап көрмелер мен бірге фотогалерея ұйымдастырылса,  ақын Қадыр Мырза Әлиге «Ақжайық ақын ұлын ардақтайды», «Қадыр Мырза Әли – балапан жырдың бағбаны», «Қазақ жырының Қадыры», «Асыл сөздің алдаспаны» тақырыбында көрмелер шығарылып, Қадыр залы жасақталды.

Кітапханамен танысуға қос ақынның жарлары С.Мәлікқызы, С.Қадырқызы, Жұбан  ағамыздың ұрпақтары,  ақын, Қазақстан Жазушылар одағының төрағасы Ұлықбек Есдәулет, облыс әкімінің орынбасары С.Егізбаев, зиялы қауым өкілдері, елге танымал тұлғалар қатысты.