«Абадан»

17 қаңтар күні сағат 15.30-да Ж. Молдағалиев атындағы облыстық әмбебап ғылыми кітапханасында Қазақстан Жазушылар және Журналистер Одағының мүшесі, ақын, талантты журналист, тележүргізуші Балмолда Мұнайдар Мұханбетжанұлының «Абадан» атты кітабының таныстырылымы өтті.

Мақсаты: М.Балмолданың шығармашылығын насихаттау арқылы оқырмандарды отансүйгіштікке, рухшылдыққа тәрбиелеу.

Киелі поэзия әлемінде өзіндік үн, өзіндік сыр, өзіндік бояу, ажары бар, сырлы да нәзік өлеңдерімен оқырман қауымын елең еткізіп, жырмен тербеп жүрген ақынның «Абадан» атты кітабының таныстырылымына ақын, ұстаз, «Ақберен» жас ақындар мектебінің жетекшісі Қуаныш Талап Таймасұлы және БҚО телерадиокомитетінің филиал директоры Губашев Асыланбек Зиннатұлы, Жәңгір хан атындағы тарихи этнографиялық музейінің меңгерушісі Төлепов Нұржан Жолдығалиұлы, «Өрлеу» біліктілігін арттыру институтының оқу-әдістемелік ісі жөніндегі директордың орынбасары Сафуллин Елдос Набиоллаұлы қатысып, ақынға жылы пікірлерін білдірсе, кітапхана қызметкерлері Ж.Қанатқалиева,С.Темирболатова ақын өлеңдерін мәнерлеп оқыды. Шара барысында қатысушылар назарына Мұнайдар Мұханбетжанұлының шығармашылығына арналған «Ізгілік іздеп жүрген қаламгер» атты кітап көрмесі шығарылып, ақынның «Қағаз ұшақ» атты көркем филімінен видео – ролик ұсынылды. Сондай-ақ сазгер Алтынбек Харесов Мұнайдар Балмолданың сөзіне жазылған «Қазақтың жылқылары» және «Көкбөрі» әндерін орындады.