21 ақпан күні М.Өтемісов атындағы БҚУ-дың тарих факультетінде Алаш қайраткері Ахмет Байтұрсынұлының 150 жылдығына арналған Ж.Молдағалиев атындағы облыстық әмбебап ғылыми кітапхана мен Алаштану орталығы мүшелерінің бірлесе ұйымдастыруымен «А.Байтұрсынов – Алаш тұлғасы» атты дөңгелек үстел өтті.
Шараны М.Өтемісов атындағы БҚУ доценті, тарих ғылымдарының кандидаты Б.Боранбаева жүргізді.
Дөңгелек үстелде Ж.Молдағалиев атындағы ОӘҒК-ның Қоғаммен байланыс және көпшілік жұмыс секторының жетекшісі А.Нуфтуллина «Бір ел-бір кітап» акциясы аясында биылғы жылы оқуға ұсынылған ұлт ұстазы А.Байтұрсынұлының шығармашылық мұрасы туралы айтып, ұлы тұлғаның есімін ұлықтау бағытында кітапханада өткізілетін шараларға тоқталды. М.Өтемісов атындағы БҚУ доценті, тарих ғылымдарының кандидаты А.Байбулсинова мен оқытушы Ж.Мұханғалиева жан-жақты білімдар А.Байтұрсынұлының саяси қызмет жолы мен қазақ тіліне қосқан үлесі жайында сөз қозғады.

Кітапханашы Ж.Қанатқалиева «Ұлтымыздың ұлы ұстазы – Ахмет Байтұрсынұлы» атты кітап көрмесін таныстырды.
Аталмыш шарада Алаштану орталығының мүшелері, спикерлер: К.Каримова «Өмірбаянын», А.Амантай «Сүйген жар, сүйікті жар – Бадрисафа», Е.Жеңісқали «Ахмет – педагог, тұлға», А.Тынышқалиева «Ахмет Байтурсынов как деятель партии «Алаш», С.Мукиева «Ахмет Байтұрсынов және «Қазақ» газеті» тақырыптарында баяндама жасады.
Шараға оқу орнының оқытушылары, Алаштану орталығы мүшелері және студенттер қатысты.