31 қаңтар күні сағат 10.00 –да Ж.Молдағалиев атындағы облыстық әмбебап ғылыми кітапханада Қазақстанның Халық жазушысы, КСРО және Қазақстан Мемлекеттік сыйлықтарының лауреаты, қазақтың ақиық ақыны Ж.Молдағалиевтің 100 жылдығы қарсаңында «Алаштың дара Жұбаны» атты облыс кітапханаларында өтетін шаралардың салтанатты ашылуы On-line байланыс арқылы өтті.
2020 жылы ақиық ақын, Қазақстан Жазушылар одағының мүшесі, мемлекеттік сыйлықтың иегері Жұбан Молдағалиевтің дүниеге келгеніне 100 жыл толады. Елінің қорғаны болып, тұтастай қазақ ұлтының алдаспанындай жарқыраған Жұбан ақынның 100 жылдығы қарсаңында Ж.Молдағалиевтің өмірі мен шығармашылығын насихаттауға арналған облыс кітапханаларындағы мәдени көпшілік шаралардың ашылу салтанатында Ж.Молдағалиев атындағы облыстық кітапхана Алматы қаласындағы Ұлттық кітапхана, Ғ.Сланов атындағы Атырау облыстық кітапханасы мен ақынның туған жері – Батыс Қазақстан облысының Ақжайық аудандық ОКЖ –де жиналған шақырулы қонақтар on-line байланысқа шықты.
Ж.Молдағалиев атындағы облыстық әмбебап ғылыми кітапхана алаңында Батыс Қазақстан облысы мәслихатының хатшысы Мәлік Иманқұлұлы Құлшар, тарихшы, өлкетанушы Жайсаң Ақбай, ақын, Қазақстан Жазушылар одағының мүшесі А.Нәріков, еңбек ардагері Ғ. Хаймулдин, ардагер ұстаз, жұбантанушы,Ү.Елубайқызы зейнеткер, ақынның жиені С.Мусиева, байырғы журналист Т.Әліпқали, Ақжайық ауданының құрметті азаматтары Ә.Кереев, М.Дүйсенбайқызы, жоғарғы оқу орындарының оқытушылары, кітапхана оқырмандары т.б. байланысқа шықты.
Сонымен қатар Алматы қаласындағы Ұлттық кітапхана студиясына шақырылған қонақтар: Ақұштап Бақтыгереева – ақын, Қазақстанның еңбек сіңірген қайраткері,Халықаралық «Алаш» әдеби сыйлығының лауреаты; Рәш Мыңбай Ахметкәрімұлы – ақын, журналист; Ғаббас Қабышұлы – Қазақстанның құрметті журналисі,Темірхан Медетбек – ақын, қоғам қайраткері, Халықаралық «Алаш» сыйлығының иегері; Исраил Сапарбай – ақын, драматург, аудармашы, сазгер; Раушанов Есенғали Әбдіжаппарұлы – ақын, жазушы, ҚР Мемлекеттік сыйлығының, Халықаралық «Алаш» сыйлығының лауреаты; Юсупова Ажар Хамитқызы – ҚР Ұлттық кітапханасы директорының орынбасары; Жүнісбеков Болат Жүнісбекұлы – ҚР Ұлттық кітапханасының Ғылыми хатшысы;
Онлайн байланыстың үшінші алаңы – Атырау облыстық кітапханасында ұйымдастырылды. Атырау облысынан ақынның өлеңіне ән жазған, әйгілі «Еділ мен Жайық» әнінің әуенін жазған танымал композтор

І. Жақанов байланысқа шықты.
4-алаңда -Ақжайық аудандық орталықтандырылған кітапханалар жүйесінен Ақжайық ауданының әкімі Қ.Ш.Айтмұхамбетов, әкімнің орынбасары Габдушев Т.А., Ішкі саясат бөлімінің басшысы Хайруллин А.С., мәдениет, тілдерді дамыту бөлімінің басшысы Ермұханов А.О., аудандық ардагерлер кеңесінің төрағасы Қажығалиев Ж.Қ., Ақжайық ауданының құрметті азаматы Жақсыбаев Д.А. еңбек ардагері, тарихшы Қоспаев Б.Д., еңбек ардагері аудандық қоғамдық кеңестің төрағасы, Қоспаев Б.К ., еңбек ардагері, Жұбан ақынның жиені Құбашев У.Қ., т.б. кітапхана қызметкерлері, оқырмандар қатысты. Шара аясында Ж.Молдағалиевтің өмірі мен шығармашылығына арналған, жыл бойы кітапханада тұрақты жұмыс істейтін «Ұлтымның үні, жұртымның жүрегі» кітап көрмесі ашылды. Шара барысында Ақжайық аудандық кітапханасы «Алаштың асыл ардағы» атты аймақтық республикалық байқау жариялады.