«Аты аңызға айналған Калашников» атты кітап көрмесі

14 – 15 қараша күні Ж.Молдағалиев атындағы облыстық әмбебап ғылыми кітапханасы, Жәңгір хан атындағы Батыс Қазақстан аграрлық – техникалық университетінің әскери кафедрасында, М.Т.Калашниковтың  туғанына 100 жыл толуына орай «Аты аңызға айналған Калашников» атты кітап көрмесін ұйымдастырды.

Калашников Михайл Тимофейұлы  – кеңестік және ресейлік қару – жарақ конструкторы, техника ғылымдарының докторы, әлемге әйгілі Калашников автоматын ойлап табушы және құрастырушы, генерал – лейтенант.

Калашниковтың автоматын 1947 жылы арнайы комиссия қабылдап, оған АК-47 деген ресми ат береді.

Михайл Тимофейұлы 16 ресейлік және шетелдік академиялардың академигі және 35 – ке жуық өнертабыстың авторлық куәлігінің иесі.

Кітап көрмесінің мақсаты –  студенттерге  Михайл Тимофейұлы Калашниковтың өмірбаяны мен АК-47 автоматының шығу тарихын кең көлемде таныстыру. Кейінгі жас ұрпақты патриоттылыққа, отан сүйгіштікке тәрбиелеу.

Кітап көрмесіне – кітапхана қорындағы басылымдар мен ғаламтордан алынған ақпараттар, фотосуреттер қойылды.  Айтымова Фариза  мен Гусманова Айбота көрмеге шолу жасап, таныстырып қайтты.